MARK 13:11 - OTSAO BAIBEL (BSI)

¹¹ Üntoxle otue hwome hünzom kaxfün ang khwa to paoüi hex, hanpak mangui tanto hünzome chem akax angkya changkoxpu le abanle taxngo; ikoxle hanpak nguikya füi tomle hünzom ang chempang koxüihex ija hünzome akaxkox. Chemthüikoxle nange wünkya zangwün a nang kax münchangüi; ikoxle ibu a Otsao Chasa tokhange hüikya changüi.

MARK 13:11 ပူးပေါင်းရင်းမြစ်များ

WANGSHEMBU MWOT 6:10

Ikoxlechu Chasae Stefen ang hwon-je huanuma koxkoxle chixe zangwünkya zuma hwome chix ang chisu khato le aza ang chitho.

1 PITAR 1:12

Zangkangting tokya ajokya Otsao Chasa tsakzong makhange kaxho mix opange hünzom hama ibu Kaxho Müikya apukkya hünzome atat laxpuix, ibu a kaxtaimixbue ngaxchu tsingle laxse tsukya oli changle. Ija kaxho pongma ajebu ang Zange ibu a hwom lap hanpak münchang ikoxle hünzom lap hanpak changle le angaile kox.

1 KORIN 2:13

Idaile Chasa tüikyabu hama Chasa otsingtsing kaxtai ang, kwome khünak je-hwone anwot-anokya ningle akaxpu.

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

EFISIA 3:5

Amipongma ija huxsa bama khünaknüsa hama apuale chithom, ikoxle Zange Chasa makhange athax a ija wangshembu hia ajebu hato angaile aho.

WANGSHEMBU MWOT 4:31

Otue hwome zangjop ashukpuix, hwom asoxle ngokya kha sile alox. Hwom pangnu wüi Otsao Chasae awang ilaxle zazyenkya chemchu chitüi le Zang kaxho apuk ang süt.

WANGSHEMBU MWOT 2:4

Hwom pangnu Otsao Chasae awang, ilaxle Chasae akax ang tomkya ningle mixnok kax ma akax ang süt.

ISAIA 50:4

Kue na-juale maxngokyabu zong adün ang chem akax angkya hex, Jowanpa Khüthak Zang-e ku hama apuadaoa, Chixe ku hama anwot-anole chang angkya apale kop angkya nopfokya to ku ang mongtsukya kox.

2 SAMUEL 23:2

Jowanpa chasae ku makhange akax; chix kaxho ku tunpün ma tüile.

WANGSHEMBU MWOT 3:13

Abraham, Isak hia Jakop hwom Zang, kem putong hwom Zange chix Hosa Jisu fuazang ang koxdaoa. Hünzome chix pünpa-chongwangbu chak to kox, üntoxle Pitar-e dan angkya kax tsuak füima ngaxchu hünzome chix thüntho ma wüi Jisu tha ajao.

JUHAN 3:27

Juhan-e lanle thüi: “Zange fakya chichang thüiningle khünake chemchu kop ang müntho.

MARK 13:9

“Ikoxle hünzom ma hanpakma khünkhi lax, chemthüikoxle hünzom a kop laxle khwa to kaxfün ang paoüi; Sinagok ma hünzom to chak moküi; ilaxle Gowarnor hia wanghombu pomtho to ku hanpakma kaxkhi fa ang hünzom ajongüi.

MATHI 10:17

Khünzailax, chemthüikoxle koplaxle kaxfün ang hünzom khwa to apüi angkya tamchu hwom zangshwom hombu to hünzom to fit-müi angkya khünakbu tüi angkya changle.

WANGSHEMBU MWOT 7:55

Ikoxle Stefen, Otsao Chasae awang laxle zangkho chito hukoxle Zang fuazang ngün üntoxle Jisu a Zang tsaxchi ma ajongle ngün.

WANGSHEMBU MWOT 6:15

Nguawangbu tusox ma ngokya khünakbue Stefen to athangle hu ilaxle hwome chix thünza kaxtaimix thünza ningle ngün.

MARK 13:12

Khünakbue matüi manao tamchu masu masabu lang ang owüiole koxüi; ilaxle susa hwome manu mapa füi alünle ajongüi, ilaxle hwom lang ang koxüi.

KAXHO MÜIKYA LUK 21:12

Ikoxlechu ibu chemchu machangba, ku mün khoma hexle, hwome kop laxle hünzom to chakmok janlangüi, üntoxle wanghombu hia gowarnorbu hato hünzom kaxfün ang Sinagok to paolaxle kun ma shole thom ang owüiole koxle zothupüi.