MARK 12:17 - OTSAO BAIBEL (BSI)

¹⁷ Jisu-e hwom ang thüi: “Kaisar kux chem hex ija a Kaisar ang laxkox ilaxle Zang kux chem hex ija a Zang ang laxkox.” Ijama hwom ija chix kaxlan atatlaxle abüt.

MARK 12:17 ပူးပေါင်းရင်းမြစ်များ

ROM NOK HATO ZAKYA POL LAIZA 13:7

Idaile hwom ang koxsese laxkox; süi malomlom laxkox, ilaxle ibu pangnu ma hwom ang chathua zakya hia achuak achenkya ahokox.

1 PITAR 2:17

Pangnusa chathua zale tüikox, mongong ma tüinaohom to mongkünle tüikox, Zang thua zakox, üntoxle chongwang chathua zale tüikox.

ROM NOK HATO ZAKYA POL LAIZA 6:13

Ichichangba, chichangchizang mwot to thap ang nang tsangtsa ojongkhachu taxdan. Itülüi, omang khatokya ozün hato apüidaokya khünakbu ningle, hünzom tsün Zang ang laxkox, ilaxle nang tsün komkaile otsao mwot ma twon ang dankox.

WANWÜNKAX 24:21

Jowanpa chathua zakya tüikox, ku sa, ilaxle wanghompa achuak-achenle changkox. Ibu füi apüile ajongkya khünakbu füi mok-mo angkya chemchu taxtüi;

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

MATHI 22:46

owaechu chix kax to fata lan ang chitho. Ija nyix makhange owaechu tamchatle chix ma kax atüi ang chichwom.

MATHI 22:22

Ija kaxlan atatkya zuma hwom tüle abüt laxle chix dantox üntoxle pao.

MALAKI 1:6

Jowanpa Khüthak Zang-e zompu-zangpabu ang thüi: “Naosombue manu-mapa hwom achuak-achenle, ilaxle dabue ma hopupa hwom achuak-achenle. Ku a hünzom hopa changle--ikoxle hünzome ku achuak-achenle büthüikoxle chitüi? Ku a hünzom hopupa changle--ikoxle hünzome chathua büthüikoxle chiza? Hünzome ku wünhaile ilaxle hünzome atüitüi, ‘Kwome nang-wün chemle haidaopu?’

MARK 12:30

Nang monge abakle, nang chasae abakle, nang khangkae abakle, ilaxle nang tsakzonge abakle, nange Jowanpa, nang Zang to mongkün kox.’

MATHI 22:33

Ija chix kaxlan atatlaxle khünaknu huanuma abüt.

WANWÜNKAX 23:26

Müile mongkoxle apalax, sasün, ilaxle ku tsün a nang hanpakma tuita apyen angkya ang naxchang.

MATHI 8:10

Ija kax atatlaxle Jisu abüt ilaxle chix füito azuile hüikyabu füi akax: Kue hünzom ang otsingtsing akaxpu, Israel khama kue chix bukux mongong füikya mix maatakkya.

MATHI 22:21

Hwome lan: “Ija a Kaisar mua changpu.” Ija khoma Jisu-e hwom ang thüi: “Müidaoa, Kaisar kux Kaisar ang laxkox; Zang kux Zang ang laxkox.”

MARK 12:16

Hwome ija apüi. Chixe hwom ma atüi: “Ija owa noksa tamchu owa mün zale tüipu?” Hwome chix ang thüi: “Kaisar.”

KAXHO MÜIKYA LUK 20:25

Idaile Jisu-e thüi: “Müidaoa, oja chongwang tsyen hex chongwang ang laxkox ilaxle oja Zang tsyen hex Zang ang laxkox.”