MARK 12:1 - OTSAO BAIBEL (BSI)

¹ Ifüima Jisu-e hwom füi kaxpan makhange akax ang süt: “Khünak tuitae grep haxtok manzai. Ija akhople zün zinglaxle zuziak fyet ang hax tho ilaxle nyet nui ang tap tuita zing. Ifüima mwotmok mixbu chak to manzai ang danle toxlaxle chix a mix chaxwan to mixwün ang pao.

MARK 12:1 ပူးပေါင်းရင်းမြစ်များ

MARK 13:34

Ija a khünak tuita hom toxlaxle mixwün to paoüi ningle changpu. Chixe ma dabu ang mixhuak to ma mwot-mwot ahanle kox ilaxle hom nyet mix ang mik-hingle hule ngolaxo le tox.

MARK 4:2

Hwom hama jojüikyabu apua ano ang chixe kaxpanbu twonle chixe hwom ang thüi:

MATHI 25:14

“Ija pongma Zang Wangting a ile tüiüi: Khünak tuitae chix mixwün to paoüi ma, ma dabu nyak ilaxle chix tuina to hume angkya hwom ang mwot ahanle koxle tox.

WANGSHEMBU MWOT 7:38

Chix a Israel khünaknu faokha to asox pongmachu hwom füi tomle tüikya mix tuita changkya; ikhoma kem putong hwom hia Sinai haxnu ma chix füi zangwünkya kaxtaimix füi tomle tüikya a chix changkya; kem hato atai-alai angkya khüzün kaxho a chixe kop.

KAXHO MÜIKYA LUK 19:12

Ijadaile chixe thüi: “Ochu tokya chaxwan to wanghom ang achang ang pao ifüima hom to chat angkya mwot chak ma kop laxle alixachong tuita tüikya.

KAXHO MÜIKYA LUK 15:13

Hanpak hidaole ngo laxle sasün naolipae chix tuina hang ilaxle hom angkya laile pao. Ikha to chixe chix ngunsyen chix mong atsutsu saxmokle shixshixkhaxle bak.

KAXHO MÜIKYA LUK 8:10

Üntoxle chixe lan: “Zang Wangting bama huxsa je-hwon hünzom ang fadaoa, ikoxle mamabu hanpakma kaxpan makhange tix angaiüi; ikoxle hwome hukoxchu chingünüi, ilaxle atatkoxchu chiawanüi.

MATHI 21:28

“Athax hünzome chemle texpu? Hanpak tuita ma mixpa tuita ang sasün lükasa anyi tüikya. Tüichongpa hato hüilaxle chixe akax, ‘Kusa, anyix pi zangmo ang kathün.’

EZEKEL 20:49

Ikoxle kue akax: “Jowanpa Khüthak Zang, ku ang ija ile mok ang taxtom! Kue tsaisong-kaxnong-nong ma akaxle le noknusae jento kaxthup-ngaotünkya tüile.”

JEREMIA 2:21

Kue hünzom a sümüipu zu tuita ang küihupu püntsangbu kha angkya sümüipu otsang zünlaxle a. Ikoxle nang chem ang achangpuix hulax! Nang a laxli chitüile shanle maxünkya zu tuita ang achangdaoa.

ISAIA 7:23

“Chemtue ija hanpak nguile hüiüihex, müikya grep haxtokbu, hajat makhange ozu tüikyabu ilaxle khop ngunkhix hajat pong tha tüikyabu pangwüi, kongbüi-zu hia hux püne limle changdaoüi.

KAXHO MÜIKYA LUK 22:9

Okhie chix ma atüi: “Kukhie ija ojongkha ma achwon koxle müiüile texpu?”

MATHI 13:3

Ilaxle chixe kaxpan makhange anwot-ano le thüi: “Hanpak tuita ma tsaxli sai mix tsaxli sai ang ka.

MATHI 21:33

Jisu-e thüi: “Mama kaxpan apalax; Hanpak tuita ma grep haxtok hopunu tuita tüikya. Chixe ija haxtok akanle tsawat wat, ju fyet angkya nui ang hax tho ilaxle nyet nui sailia dünle tox. Ofüima mwotmok mixbu chak to ija haxtok mo angkya danle toxlaxle chix a mixwün to pao.

MATHI 21:34

Zuziak khai angkya otu nguikya ma chixe ma tsyen lax angkya hanpakma dabu mwotmok mixbu hato tsanle akat.

MARK 3:23

Ikoxle Jisu-e hwom chix hato selaxle kaxpanbu füi akax: “Bao-e bao chemle jwon tho angkya?

MARK 11:33

Idaile hwome Jisu ang thüi: “Kwome münawan.” Jisu-e hwom ang thüi: “Kuechu chem tsak chem zong füi ibu mokpuix, ija hünzom hama münapua.”