MARK 11:23 - OTSAO BAIBEL (BSI)

²³ Kue hünzom ang otsing tomtata akaxpu, opange ija haxhua ang: ‘Nang nwonün ilaxle tinu khato dütün’, le thüiüi hex tamchu mong ma aokya chitüi le, chixe chem akax puix ija changüi jao le ongpuix, chixe ija ile changkya ngün ang kopüi.

MARK 11:23 ပူးပေါင်းရင်းမြစ်များ

MATHI 17:20

Chixe lan: “Ija a hünzom ma mongong anguile chitüikya khoma changle. Hünzom ma mongong suili tsang tukux ngaxchu jangtüi thüikoxle, hünzome ija haxhua füi akax tsuaküi: ‘Nang ikha angkya chukha to paoün!’ Ija ma ija haxhua paoüi. Ija ningle hünzome pangnu mok ang thoüi.

JUHAN 15:7

Hünzom ku ma jangngo tamchu ku kax hünzom ma ngo ang jangtom, hünzome chem laxse tsupuix, ajuju pangwüi hünzom ang mokle koxüi.

MATHI 21:21

Jisu-e lan: “Ija mong ma koplax; hünzome jangong thüiba tamchu mongao chitüi thüiba, kue ija fupsa pün to mokkya mwot hünzomechu mok ang thoüi; ija ning chem, hünzome ija haxhua füi, laox laxle chix lualua to tinu khato düt angkya ngaxchu akax ang thoüi ilaxle ija ile changkya changle.

MÜNCHUAK-TSAI 37:4

Nange ma mongmüi Jowanpa ma lomlax, nang mong ma atsutsu chixe nang ang faüi.

JUHAN 14:13

Ilaxle hünzome ku mün ma chempang juüi hex, ija kue moküi; ile Hosa ma Hopa fuazangle naxchang ang.

KAXHO MÜIKYA LUK 17:6

Jowanpa-e lan: “Hünzom ma mongong suili tsang tukux ngaxchu jangtüiba ija fupsa pün ang, ‘Nang fuak laxle tinu khato küilax!’ le thüi ang tsuakse üntoxle ijae hünzom kax ma laxse.

1 KORIN 13:2

Ku ma je zong tüikoxlax, ilaxle ku ma pangnu je-hwon tüile ngoünkoxlax ilaxle pyenle thomkya otsingtsing awan ang thokoxlax; onüi angchu haxnu apao tsuak tang ku ma mongong tüikoxlax, ikoxlechu ku ma mongkün chitüi thüikoxle ku chem angchu münchang.

MATHI 14:13

Jisu-e ija atatkya zuma, khua ma ngalaxle mix dangkya khato pao; ikoxle khünaknue ija zing atatkya ma, tingkhua tokhange cha ma chix man to.