MARK 11:18 - OTSAO BAIBEL (BSI)

¹⁸ Nguakhobu hia wanlom nwotmixbue ija atatlaxle, chix mik chemle amütüi le oshua lom. Hwom chix thua za, chemthüikoxle khünaknu pangnu wüi chix hwon-nwot to abüt.

MARK 11:18 ပူးပေါင်းရင်းမြစ်များ

MATHI 7:28

Otue Jisu-e ibu apuakya ashuk; chix hwon-nwot atatlaxle khünaknu ang khosam.

MARK 12:12

Kaxpan ija a hwom to dyenkya kax changpule awanlaxle hwome chix kop angkya oshua lom, ikoxlechu hwom khünaknu thua za. Ikhoma hwome chix danle tox.

WANGSHEMBU MWOT 24:25

Ikoxle Pol-e künmüi mongmüikya, malailai to akumathumkya tamchu hüile ngokya kaxfün nyix bama wünkya thoto Felik aban ilaxle thüi: “Athax nang pao ang tsuaküi, kue hanpak atakkya zuma kue nang chatle seüihex.”

JUHAN 7:46

Süpahibue lan: “Khünaknake ija mixsün ningle zangwünkya mix matüi!”

KAXHO MÜIKYA LUK 20:19

Ija kaxpan hwom to dyenle akax ngopule awanlaxle Wanlom tsingpabu hia nguapa akhokyabue ikhama wüi Jisu kop ang azong; ikoxlechu hwom khünaknu thua za.

KAXHO MÜIKYA LUK 19:47

Üntoxle Jisu-e nyixfole Zangshwom-Hom ma hwon-ano le ngo. Ikoxle nguakhobu, Wanlom nwotmixbu hia apün-adakyabue chix mik amüt angkya ziasyen lomle ngo.

KAXHO MÜIKYA LUK 4:22

Üntoxle pangnue wüi chix mowün amüi, ilaxle chix tun makhange zingzama dongle akaxkya bama abüt. Ilaxle hwome thüi: “Ija a Jusep sasün münchangkox hia?”

MARK 11:32

Ikoxle keme, ‘Khünak angkya’ le thüi ang (Hwom a khünaknu thua za); chemthüikoxle pangnue wüi Juhan a tuita ajepa changpule lax.”

MARK 6:20

Chemthüikoxle Herod-e, chix thaikya chitüikya otsao khünak tuita changpule awanlaxle chaza üntoxle sünle thom; ilaxle chix ang Juhan kax atat-tatba huanuma khangkho sam. Ile changkoxlechu chixe Juhan kax apase le tsu.

MARK 3:6

Ikoxle farisibu sinagok angkya laile paolaxle, Jisu chemle langüihex le Herod othom füi chwonle katzua tsuak.

MARK 1:22

Chix hwon-nwot khoma ija atatkyabu ang khosam, chemthüikoxle chixe wanlom tsingpabu ningle chichangle tsak-zong füi hwon-ano.

MATHI 21:15

Nguakhobu hia wanlom nwotmixbu, chixe mokkya ohünotün mwot ngünlaxle tamchu naosombue “Dawid Hosa achuakkox”, le akhong ngokya atatlaxle tüle mongtsik.

ISAIA 49:7

Israel nok otsao Zang hia khosünpae thüile zudakle mong amaxle ahai thomkya mix füi, owa to chaxwannu noke mongkünle tüipuix ilaxle owa apün-adakyabu dapa changpuix: “Hünzom dankya wanghompa-e ngünle laxüi ilaxle hwom chathua zakya aho ang ajongüi; wangchasae chu ija ngünüi, ilaxle hwom a nang tong to puile akhuxüi.” Ija a Jowanpae chix dapa zünle kopkya khoma changüi; Israel nok otsao Zang-e chix kaxtsao thomle.

1 WANGHOMBU 22:18

Ahap-e Jehusafat ang thüi: “Chixe pi ku hanpakma chemtuechu müikya münajele kue thüihexcha? Tütale thüichu chixe omama wüi ajeüi.”

1 WANGHOMBU 22:8

Ahap-e lan: “Chatle chu ajepa tuita, Imlah sasün Mikaiah tüile. Ikoxlechu kue chix thua anule, chemthüikoxle chixe ku hanpakma chemtuechu müikya kaxho münfa. Chixe hokya jekax a pangwüi amama wüi changle.” Jehusafat-e thüi: “Nange ile taxthüi.”

1 WANGHOMBU 21:20

Chemtue Ahap-e Elija ngünle laxpuix, chixe thüi: “Nang a ku zanpa changle. Nange ku ngünle laxdaopuix nyi?” Elija-e lan: “Changle, kue nang ngünle laxdaoa, Jowanpa miksho ma komkaile thaikya mwotlom to nange mongkoxle changdaoa.

KAXHO MÜIKYA LUK 2:47

Chixe tsing-wan kya hia khosam chitüi le kaxlankyabu atatlaxle atatkyabu pangnu wüi abüt.

JUHAN 7:1

Ifüima Jisu Galili to ahamle ngo. Jehudi nok pünpa-chongwangbue chix lang ang lom; ikhoma chix Jehudi haxtok to ahamse chitsu.

JUHAN 7:19

Mosa-e hünzom ang wanlom münfa dai hia? Ikoxle hünzom opupuechu Ija wanlom kax ma chilax; chem khoma hünzome ku lang ang lompu?”