MARK 11:14 - OTSAO BAIBEL (BSI)

¹⁴ Jisu-e ija Fupsa pün ang thüi: “Athax makhange owaechu nang angkya fupziak tam münsaxpu!” Wangshembue ija chix kax atat.

MARK 11:14 ပူးပေါင်းရင်းမြစ်များ

MATHI 21:19

Lomkax ma fupsa pün tuita ngünlaxle chix ija hato khele ano; ikoxle ija ma ochak boma chemchu chibang. Ikhoma chixe ija pün ang thüi: “Nang ma tamchatle oziak tam münziakpu!” Ija füi tomle ija fupsa pün zile zan.

JUHAN 15:6

Ku ma chingokya mix a pünkang ngople awütkya ningle ngople awütüi ilaxle zi ang tomüi; ilaxle ija ningkya pünkangbu a afoxlaxle wün kha to awütüi üntoxle ibu ikhato shun ang tomüi.

MATHI 7:19

Pün ojae oziak müile chiziak puix ija a daklaxle wünkha to awütle.

MATHI 3:10

Ikoxle athax a otsing makhange dak angkya hanpakma püntong ma wa amyenle thomle; ija khoma müikya oziak chiziakkya pün dak üntoxle wün khato awüt angkya changle.

MIKNGÜN-OHÜN 22:11

Achaxle ngokyabue ochax mwot omok omokle mokle le angkya changle, ilaxle owapange kaxtsing chiakaxle tüilaxpuix, ibu atsele le angkya changle; opangsa müile tüipuix ibue mwotmüimüi mokle le angkya changle, ilaxle opangsa otsao hex hwom otsao ma ngole le angkya changle.”

MATHI 21:44

Ija long tok ma dütkyabu ofun ang achangle akhixüi; tamchu ija long owawa tok ma dütle jangchang thüikoxle ija labu ang achangle akhixüi.”

2 PITAR 2:20

Ama angkya chaxwannu zong chak tokya, kem Jowanpa tamchu khosünpa Jisu Khrista tsingwankya makhange khünak paole azang ang tsuak; üntoxle ifüima ibue hwom chatle kop ilaxle hwom to lütle jangchangba, iningkya khünakbu oshuk, ami owang pongkya füi ngaxchu onüi ziama ang changle tüiüi.

MATHI 21:33

Jisu-e thüi: “Mama kaxpan apalax; Hanpak tuita ma grep haxtok hopunu tuita tüikya. Chixe ija haxtok akanle tsawat wat, ju fyet angkya nui ang hax tho ilaxle nyet nui sailia dünle tox. Ofüima mwotmok mixbu chak to ija haxtok mo angkya danle toxlaxle chix a mixwün to pao.

MARK 11:13

Iponge ochakmua wüi müi wüi müile lomzui ma Fupsa pün tuita ngün; ilaxle ikhama oziak tuita thüingaxchu bangüi changtüi angpu le ajang laxle chix khe. Ikha alopkya zuma chixe pünchak boma chemchu chingün; chemthüikoxle ituke Fupsa ziaktu chichang.

MARK 11:15

Otue hwom Jerusalem to nguipuix, Jisu Zangshwom-Hom to ngui ilaxle Zangshwom-Hom ma thalex mixbu jwonle alai. Chixe ngun alüixle ngokyabu tsap khole awüt, juao hangle ngokya tüntongbu khole awüt;