MARK 11:13 - OTSAO BAIBEL (BSI)

¹³ Iponge ochakmua wüi müi wüi müile lomzui ma Fupsa pün tuita ngün; ilaxle ikhama oziak tuita thüingaxchu bangüi changtüi angpu le ajang laxle chix khe. Ikha alopkya zuma chixe pünchak boma chemchu chingün; chemthüikoxle ituke Fupsa ziaktu chichang.

MARK 11:13 ပူးပေါင်းရင်းမြစ်များ

MATHI 21:19

Lomkax ma fupsa pün tuita ngünlaxle chix ija hato khele ano; ikoxle ija ma ochak boma chemchu chibang. Ikhoma chixe ija pün ang thüi: “Nang ma tamchatle oziak tam münziakpu!” Ija füi tomle ija fupsa pün zile zan.

ISAIA 5:7

Israel nok a Khüthak Jowanpa haxtok changle; Judah angkya khünaknu a küi angkya zubu changle. Chem müipuix ija moküile chixe hwom to mongong, ikoxle hwom mixe mixmik amütle chang. Chem supuix ija moküile chixe hwom to mongong, ikoxle hwome chakmokle changdaokyabue sukya kaxfün fahüile akhong.

KAXHO MÜIKYA LUK 10:31

Chemthüiküma hexle ija lom makhange nguapa tuita lele asu. Ikoxle chixe ija mixsün ngünkya zuma, chix tüchi tokhange tsyakle le.

1 SAMUEL 6:9

Ilaxle ija paoüi chito azuile hulax; ija Bethshemesh tingnu chito jangle, kem hato za-adünkya thama adünkya a Israel nok Zang tokhange changpule keme awanle lax ang tsuaküi. Ikoxle ija ichikao to chile, ijama keme awanüi: kaklak ibu a chixe ahüikya münchang; ija a tuita wantui kak hüile asukya changpu.”

RUT LAIPEX 2:3

Ikhoma Rut mix haxtok to ka ilaxle mwotmok mixbu füifüile hwome awütle toxkya tsaxwütbu asüile azüi. Ija she kakya haxtok ang Boaz haxtok ang changle asu.

ISAIA 5:2

Chixe hax tho ilaxle ikha angkya longbu atsao; chixe sümüikya grep zubu küi. Ibu nye angkya hanpakma chixe ding homsabu zai, ilaxle grepbu nak ang tswomkha tho. Chixe grep jum angkya tanle ngo, ikoxle grep ziak pangwüi osik ang achang.

MARK 11:12

Ofüi nyix hwom Bethani tokya chatkya zuma, chix ang woknuak hüi.

MARK 11:14

Jisu-e ija Fupsa pün ang thüi: “Athax makhange owaechu nang angkya fupziak tam münsaxpu!” Wangshembue ija chix kax atat.