MARK 10:43 - OTSAO BAIBEL (BSI)

⁴³ Ikoxlechu hünzom khama ile chang angkya oli chichang. Ikoxle hünzom khama opupue achongkya ang achangse tsupuix, chix hünzom khama naoshuk naolipa ang changkox;

MARK 10:43 ပူးပေါင်းရင်းမြစ်များ

KAXHO MÜIKYA LUK 14:11

Chemthüikoxle owae ma alüile achen üihex, chix a ahixkya ang achangüi; üntoxle opange ma alüile ahixkya ang changpuix, hwom achenüi.”

MARK 9:35

Jisu-e thungle kop ilaxle chix wangshem bün anyi ang thüi: “Lompa ang owa achangse tsupuix chixe füikom angkya oli tamchu pangnu zongto naoshuk naoli ang ngo angkya oli changle.”

KAXHO MÜIKYA LUK 9:48

ilaxle hwom ang thüi: “Ku mün ma ija nao owae pongle kopüihex, ku pongle kopkya changpu; üntoxle owae ku pongle koppuix chixe ku tsanle apaokya mixchu pongle koppu; chemthüikoxle hünzom khama ahixkya opupu hex, pangnu füi achongkya chix changpu.”

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

GALATIA 5:13

Ikoxlechu tüinaohom, hünzom a khangkho ngaile ngo angle nyakpu. Idaile nange müi-hi-aji mongtex lom ma taxdan. Itülüi, mongkün makhange tata atu-alitkox

JUHAN 18:36

Jisu-e lan: “Ku wangting a ija chaxwannu wangting münchang; ku wangting a ija chaxwannu wangting hex thüikoxle, Jehudi nok pünpa-chongwangbu chak to ku chikox angkya bama ku füito azuikyabu azanse; ikoxle ku wangting a ikha tokya chichang!”

KAXHO MÜIKYA LUK 18:14

Jisu-e thüi: ‘kue hünzom ang thüipu, Farisi mixsün füi süisai mix wüi Zang miksho ma sule hom to chat. Chemthüikoxle owa malualua to bong-chongüi hex, chix ahixkya ang achangüi; ikoxle owa malualua to hixkya ang achangüihex, chix chongkya ang achangüi.’”

MARK 10:42

Ikoxle Jisu-e hwom pangnusa wüi chix hato selaxle thüi: “Songsari tu ma owae pünnusa thak ma apün awang le tüilaxpuix, hwom ang a ibu thakma hopunu zong tüipu idaile hwome zong ibu twonpu, ija hünzome awanle ngopu.

MARK 10:44

Ilaxle hünzom khama owae ma ma akhose tsupuix, pangnu da ang chix achang angkya changpu.

KAXHO MÜIKYA LUK 22:26

Ikoxle hünzom khama ile chichangüi; ikoxle hünzom khama owa ma akhopuix, chix nok-naoli ningle, üntoxle owa lompa hex chix da tuita ningle changüi.