MARK 10:38 - OTSAO BAIBEL (BSI)

³⁸ Jisu-e hokhi ang thüi: “Hünkhie chem jupuix ija hünkhie ngaxchu münawan. Kue ling angkya sikngün pe hünkhie ling ang thoüi hia? Chichangba kue chemle bapti laxüihex, ija baptikya olom ma hünkhi bapti ang thoüi hia?”

MARK 10:38 ပူးပေါင်းရင်းမြစ်များ

KAXHO MÜIKYA LUK 12:50

Kue tuita baptikya lax angkya tüile, üntoxle ija mokle ma akaiba ku sikngün huanu changpu.

JUHAN 18:11

Jisu-e Pitar ang thüi: “Chang a züpak ma latdao! Apae ku ang koxdaokya sikngün wansa kue chiling koxle müisele nange texpia?”

ISAIA 51:22

Jowanpa hünzom Zang-e hünzom kho awale akax: “Kue wansa tswonle paongopu kue ku mongtsik ma koxkya wansa a. Athax hünzome ija tam chilingüi hünzom shushüile achangkya ju a.

MÜNCHUAK-TSAI 75:8

Jowanpa-echix chak ma wansa tuita twonlaxle tüile. Ija ma chix mongtsik jue awang laxle tüile. Chixe ija thokle kox, ilaxle chichang-chizangkya khünak noke ling; hwome ija othongkim to lünle ling.

JAKOP 4:3

Üntoxle hünzome jupongma ibu hünzome chikop, chemthüikoxle hünzom tutexbu a chimüi; jukya oli hünzom mongzom ma müi angkya olom ma twon ang hünzome jukoxle.

ROM NOK HATO ZAKYA POL LAIZA 8:26

Ija ningle kem shonaikya to fong ang Chasa kem hato nguile. Chemthüikoxle zangjop chemle jopüihexle keme chiawan; ilaxle kax ma ngai ang chithokyabu Chasae akhongle chixe alüile kem hanpakma zangjople.

KAXHO MÜIKYA LUK 22:42

Chixe thüi: “Apa, nang mong jangtsuba, ku angkya ija sikngün wansa paohüi. Bachutix ku mongtex münchang, ikoxle nang mongtex ma wüi naxchang.”

MARK 14:36

Chixe thüi: “Apa! Apa! Nange chitho angkya oli chemchu chitüi; ku angkya ija sikngün wansa paofa; bachutix ku mongtex ma chichang le, nang mongtex ma wüi naxchang.”

MATHI 26:39

Chix si-achale pao, hax to chix thün akhuple tswonle awüt, ilaxle zangjop: “Ku Apa! Tsuak angkya oli jangchangba, ku angkya ija sikngün wansa shongpao fa! Ikoxlechu ku mongtex ma chichangle nang mongtex ma wüi naxchang.”

JEREMIA 45:5

Nange nang hanpakma süile hume fa angkya olom lomle ngopia? Ile otuechu taxmokngozi. Kue khünaknu pangnusa hato thama-thomshix ahüile ngopu, ikoxlechu nang a, nang apaopao khato khangkho sünle ngo ang tomüi. Ija kax Jowanpa, kue akaxdaoa.”

1 WANGHOMBU 2:22

Wanghompa-e atüi: “Abishag chix ang kox angkya nange ku ma büthüikoxle atüipu? Nange ku ang chongwang tüntongchu chix ang wüi shan angkyachu akax koxlax. Chix a ku atüi tomta changpu ilaxle nguapa Abiathar hia Joap hokhi a chix chima tüile!”

JEREMIA 25:15

Jowanpa, Israel nok Zang-e ku füi akax: “Ikhama ku mongtsike awangle wansa tuita tüile. Kue nang tomle apaole nok pangnu hato ija laxlaxle paokox, ilaxle hwom ang ija angkya alingkox.

MATHI 3:6

Hwome ma ochax ngai ilaxle chix chak makhange Jordan shuanu ma baptilax.