MARK 10:24 - OTSAO BAIBEL (BSI)

²⁴ Chix kax atatlaxle wangshembu ang huanuma khosam. Ikoxlechu Jisu-e hwom füi akax: “Kusahom, Zang Wangting to dong angkya otukuxkya mwottsak hex hule koplax!

MARK 10:24 ပူးပေါင်းရင်းမြစ်များ

WANWÜNKAX 11:28

Ma tuina to mongong laxle ngokyabu a tso-hi-wa zit ma pünchak dütle paokya ningle changüi, ikoxle otsao khünakbu a zangtso pünchak mua müikya ningle changüi.

MIKNGÜN-OHÜN 3:17

Nange thüile, ‘Ku hakpa changle ilaxle müile ngopu; kue alomlom ku ma komle tüipu.’ Ikoxchu nang chemtukux tuitai le tamchu chingcha ashukle tüipuix nange chiawan! Nang a zasa, ohua tamchu miksut mix changle.

1 TIMOTHI 6:17

Ija tsün ma ahak-aluale ngokyabu ang chingam angkya, ikoxlechu opak chitikkya mwotkat to chichangle, kem mongmüi hanpakma Zang owae pangnu li mongtsutsu le koxpuix, chix to hwom monghom thom angkya kaxtom laxkox.

MÜNCHUAK-TSAI 52:7

“Hulax, ma khosün hanpakma chix a Zang to chiongkya mix changle, itülüi chixe huanuma tüile ngokya tuina towüi mongongle ilaxle chichangchizangle tüikya ma chix khang azang angkya olom to hule.”

KAXHO MÜIKYA LUK 16:14

Otue farisibue ijabu kax atat, hwome Jisu ajao, chemthüikoxle hwome ngun towüi kün.

WANWÜNKAX 18:11

Ikoxlechu, tingnu akhople zaile tüikya shingmongkya long katuk ningle, ma tuina füi hwom a kho-awale ding to nwonle thom ang kopüile ahak-aluakyabue thütle.

MÜNCHUAK-TSAI 62:10

Changnong-pünthomkya to nang mongong taxthom; ahux-alop laxle tütali olüi kopüile taxthüt; nang okop-olwot ma tüle ahak-achakle tüikoxlechu, ibu to taxong.

1 JUHAN 2:1

Kusahom, hünzom ochax chilyenle tüi angkya hanpakma kue hünzom hato ija laiza zapu; ikoxlechu owawae ochax jangmok thünba, kem mün ma Hopa ma chingcha ju angkya mix kem ang otsao khünak tuita Jisu Khrista tüipu.

JUHAN 13:33

Ku naosombu, athaxpi ku hünzom füi aluile ngoüi münchang. Hünzome ku lomüi; kue Jehudi nok pünpa-chongwangbu füi akaxdaokya ningle hünzom angchu thüipu, ku pao angkya khato hünzom ngui ang münthoüi.

ZEFANIA 1:18

Jowanpae chix chabüt-lasün ngünle laxkya nyix, hwom ma tüikya hun hia khopbue ngaxchu hwom khose ang müntho. Chaxwannu komkaile chix mongtsik wün füi bakle amütüi. Chixe chaxwan tok ma ngokya noknusa hato sünto ashuk angkya chaxwan zanghan apüile faüi.

HABAKUK 2:9

Hünzom a maxdaoa! Changnong-pünthomle mixkux tsui apüikya füi hünzom ahak-aluale chang ilaxle hünzome ma hom to mix chakmok-janlangle chakju ang chithole zing thompu!

JEREMIA 9:23

Jowanpae thüi: “Jepa tuita chix hwon-je bama, longpa tuita chix tsak-zong bama, chichangba hakpa tuita chix ma tüinangkya bama, tsaichong-kaxbongle chitüi angkya oli.

WANWÜNKAX 23:5

Hozang donglaxle ziale ola hosa pile paokya ningle, nang ngunsyen a noxtakya bama wüi bakle hüi ang tsuak.

MÜNCHUAK-TSAI 17:14

Ija chaxwannu tsün ma laxsese komle tüikyabu chak tokya ku khosünle thomkox. Hwom hanpak ang athünle thomkya zothup füi hwom to sikangünkox; hwom sasün hwom hanpakma nguizuile naxtüi, üntoxle hwom susün hwom hanpak angchu ota tüile naxchang kox!

1 JUHAN 5:21

Kuli-kunaohom, ma alüile othai zangbu chak tokya azünle thomlax!

1 JUHAN 4:4

Ikoxle kuli kunaohom, hünzom a Zang kux changpu, üntoxle hünzome othai ajebu to anaodaoa, chemthüikoxle hünzom ma tüikya chasa a, chaxwannu kux ang achangle ngokyabu ma tüikya chasa füi onüi tsakzongkya changle.

GALATIA 4:19

Mongkün kusahom, Khrista zanglom hünzom ma zingle machang tanto, honu tuita ang nao ngünpongma kakpupu le ku mongto hünzom khoma kakle maxle.

JUHAN 21:5

Ikoxle Jisu-e hwom ang thüi: “Naosombu, hünzome chemchu münkop hia?” Hwome chix ang thüi: “Jangta ngaxchu münkop.”

JUHAN 6:60

Ija atatkya ma wangshembue thüi: “Ija hwon-nwot a tüle tsakle. Ija owae tsingle thoüi?”

MATHI 19:25

Ija atatlaxle wangshembu tüle abüt. Hwome thüi: “Jangchangba khosün atat tsuak angkya owapi tüiüi?”

MARK 1:27

Khünaknu huanuma abüt ilaxle tata ma atüi: “Ija chemli hex? ija a li tuita hozün hwon-nwot hia? Chemthüikoxle ija mixsün ma haxshix chasabu ang kaxkox angkya zongchu tüile, ilaxle ibue chix kax ma laxle.”

MARK 10:23

Akhople hulaxle Jisu-e wangshembu ang thüi: “Hakpa luapabu hanpakma Zang Wangting to nop ang otukux tsakpuix!”