MARK 10:22 - OTSAO BAIBEL (BSI)

²² Ikoxle ija kax atatlaxle chix ang thün-nak üntoxle tüle mongtsik dongle paole max; chemthüikoxle chix a ngun syen tüle tüikya hakpa sün tuita changkya.

MARK 10:22 ပူးပေါင်းရင်းမြစ်များ

KAXHO MÜIKYA LUK 12:15

Üntoxle chixe noknu füi thuithuile akaxle le: “Apalax, hünzom malualua to nüfux thoto khünlax; chemthüikoxle, khünak tuita tüta tukux ahak-alualechu ngolax, chix tsün a ma ma tüikya tuinae zingle thomkya münchang.”

2 TIMOTHI 4:10

Dema a anyix ngainyixkya chaxwannu füi mongkün fün mongüna lüta ilaxle chixe ku awüt toxlaxle Thesalonika to paoüna. Kresen a Galatia to, Tita a Dalmatia to le paoüna.

EFISIA 5:5

Chemthüikoxle chinunchakkai khünak, chitsaokya mix chichangba chapa shwomkya mix opupuechu Khrista hia Zang Wangting ma wom ang müntsuaküile hünzome awanle ngopu.

EZEKEL 33:31

Ikhoma nang zangwün to apa ang ku khünakbu asoxle, ikoxle nange hwom ang moklax-ole akaxkya mwot hwome münmok. Hwom tunpün makhange mongkünkaikya zangwünbu laile, ikoxlechu chizakle hwom nüfux lomnu ma wüi ahamle ngole.

2 KORIN 7:10

chemthüikoxle oja mongma Zange twonpuix, ijae khosün hato zun angkya monglüi apüile, ikhoma ija ma mongto aduakkya müntüi! Ikoxle khünak zangjang mongma lanlan jangchang thüiningle ija ma zikmüt mangkho tüile.

KAXHO MÜIKYA LUK 18:23

Ikoxlechu ija mixsüne otue ija kax atatpuix, chix ang huanuma mongma; chemthüikoxle chix a huanuma ahak-aluakya mix tuita changkoxle.

MATHI 19:22

Ija kax atatlaxle ija mixsün ang mongmale pao; chemthüikoxle chix a tuita huanuma tüinangkya hakpa sün changkya.

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

MARK 6:26

Ijae wanghompa ang mong huanuma ama, ikoxlechu chixe mixwünbu thüntho ma tsaosax le akax daokya khoma chixe ija kax abax ang chitho.

MATHI 27:3

Jisu khohangkya mixsün Juda-e chix mik amüt angkya katzua tsuak dao a le ngün; chix ang mong alüix ilaxle ngun fa tsübün koplaxle nguakhobu hia Jehudi nok lompabu hato ngui,

MARK 6:20

Chemthüikoxle Herod-e, chix thaikya chitüikya otsao khünak tuita changpule awanlaxle chaza üntoxle sünle thom; ilaxle chix ang Juhan kax atat-tatba huanuma khangkho sam. Ile changkoxlechu chixe Juhan kax apase le tsu.

MARK 10:21

Jisu-e chix to mongkün füi tangthole hu ilaxle chix ang thüi: “Nang oli tuitae ma angui; paolax, nang ma atüitüi pangnu hanglax, ilaxle chitüi chinangkyabu ang ahanle laxkox. Ile jangchangba nang zangkangting to tüle ahak aluale tüiüi; ilaxle oman, ku füito azuilax.”

MARK 10:23

Akhople hulaxle Jisu-e wangshembu ang thüi: “Hakpa luapabu hanpakma Zang Wangting to nop ang otukux tsakpuix!”