MARK 10:17 - OTSAO BAIBEL (BSI)

¹⁷ Üntoxle Jisu pao ang achexle lom ma tüipongma, khünak tuita chix hato zikle hüilaxle akhux üntoxle chix ma atüi: “Müikya Nwotmix, oshuk chitüikya tsün khüzün atak ang kue chem mokse dai?”

MARK 10:17 ပူးပေါင်းရင်းမြစ်များ

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

KAXHO MÜIKYA LUK 10:25

Wanlom tsingpa tuita tüikya, chix hüi ilaxle Jisu tsünle atüi: “Nwotmix, oshuk chitüikya tsün atak ang kue chem moküi?”

WANGSHEMBU MWOT 16:30

Chixe hokhi homtho to alailaxle ataüi: “Ku azang ang kue chem moküi?”

WANGSHEMBU MWOT 2:37

Otue hwome ija kax atat, hwom mongto po, ilaxle Pitar hia wangshem mamabu hama atüi: “Tüinaohom, kwome chem moküi?”

WANGSHEMBU MWOT 20:32

“Üntoxle athax a kue hünzom Zang tamchu chix chingcha Kaxho chak to koxpu. Chixe hünzom ang chasa ma tsakzong koxüi ilaxle chixe ma khünaknu nok hanpakma thomkya mohiman hünzom ang koxüi.

WANGSHEMBU MWOT 9:6

ikoxlechu nang zolax üntoxle tingkhua to donglax; ikhato nange chemle moküi hex ija owawae apuale faüihex”, le ija kaxzinge thüi.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MATHI 17:14

Otue hwom othom hato chat, mixsün tuita hüilaxle Jisu chitong ma akhuxle thung laxle akax,

JUHAN 6:40

Chemthüikoxle Hopa mongtex a ija changle: Opange Hosa ngünpuix tamchu chix to ongpuix, hwom ma oshuk chitüikya khüzün tüiüi; Ilaxle oshuk nyix kue hwom ozün ma ngo ang tomüi.”

DANEL 6:10

Chemtue Danel-e ija kaxtom laiza to wanghompa-e sohi shingle changdaoa le awan ang koppuix, chix hom to chat. Chix hom homdingkho angkya nui ma Jerusalem chito thale thangmikbu tüikya. Ikhato chixe mokzaikya ningle, thangmik ibu daple koplaxle chixe hanpak to othom azom pong ma chikux thongle Zang to zangjop.

JUHAN 5:39

“Hünzome Lai Kaxbu lomle; chemthüikoxle ijabu ma oshuk chitüikya tsün khüzün ataküile hünzome ongle; ikoxle ija Lai Kax a ku hanpakma kaxkhi fakyabu Lai Kax changle.

JUHAN 3:2

Jata chix Jisu hato nguilaxle atüi: “Kwome nang a Nwotmix tuita ningle Zang tokhange hüipu le awanle; Zang womle chingo thüikoxle nange mokkya mwotlom owaechu münmok tho.”

MARK 12:14

Hwom hüilaxle chix ma atüi: “Nwotmix, nang a otsingtsing zangwünkya mix changle tamchu nang owa thuachu münza; nange khünak thünza to münhu, ikoxle otsingtsing ma khünak bama Zang mongtex chem hex ija apuale le kwome awanle. Kwome Kaisar ang chaxwan süi fa angkya olom chichang changpuix?

MARK 9:25

Khünaknu othom tuita hwom hato soxle hüikya ngünlaxle Jisu-e haxshix chasa to sale akax: “Nang kaxux hia naba chasa, kue nang ang thüipu ‘Chix angkya laiün ilaxle chix ma tam taxnop!’”

MARK 1:40

Ngwon kak füikya mixsün tuita Jisu hato hüilaxle chikux athong le akhux ilaxle chix ma chingcha jule akax: “Nang mong jangtsu thüiba ku amüihüi.”

MATHI 28:8

Idaile hwome akhangle zuk dantoxlaxle chat. Zangale ikoxlechu mongmüi füi tamchu wangshembu hama apua angle zikle ngui.

1 JUHAN 2:25

Üntoxle Khrista chixjaoe kem ang koxüi hexo le tsaokya oshuk chitüikya tsün khüzün a ija changle.

ROM NOK HATO ZAKYA POL LAIZA 6:23

Chemthüikoxle ochax omün a zikya changle; ikoxle Zange amuale fakya hingho a Jowanpa Jisu Khrista füikya notom ma oshuk chitüikya tsün khüzün changle.

MARK 10:18

Ikoxle Jisu-e chix ang thüi: “Chemkho ma nange ku ang müikya nwotmix le nyakpu? Zang boboma müikya owachu müntüi.

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

TITA 3:7

Ikoxletix wüi keme chix chingcha makhange Zang füi muamüi angkya ataküi tamchu keme monghomle ngokya oshuk chitüikya khüzün tsün kop angkya hato kem hüi ang thoüi.

IBRI 1:14

Jangchangba kaxtaimixbu a chem? Hwom a Zang thothakya chasabu opange Zang khosün atak angkyabu hato tsanle apaopuix, ibu changpu.

1 PITAR 1:4

ikhoma Zange chix khünaknu ang kox angle thomkya ahak-aluakya mohiman kop angkya to keme hule tanpu. Shanle chipao angkya chichangba chima angkya chichangba za le chipao angkya, ibu chixe hünzom hanpak ang zangkangting to thomle.