MARK 10:14 - OTSAO BAIBEL (BSI)

¹⁴ Ikoxle Jisu-e ija ngünkya zuma, mongto kaklaxle, hwom ang thüi: “Naosombu ku hato hüi ang laxkox; hwom taxabax; chemthüikoxle Zang Wangting a iningkyabu kux changle.

MARK 10:14 ပူးပေါင်းရင်းမြစ်များ

MATHI 19:14

Jisu-e thüi: “Naosombu taxabax, ku hato hüi ang laxkox; chemthüikoxle Zang Wangting a hwom ningkyabu kux changle.”

MATHI 18:10

“Ija naosombu tuita ngaxchu thajao wünhai le chichang angkya bama hünzom likhün lax. Kue hünzom ang thüipu, Zangkangting to hwom kaxtai mixbu ku Apa hama jento ngole.

MATHI 18:4

Owa malualua to puinai le ija naosa ningle achangüi hex, Zang Wangting ma achongkya ang chix achangüi.

1 PITAR 2:2

Nampux tankya naosasom lailaile, hünzom khosün hato alople tsong angkya hanpakma tsaothakya chasa tsomti ma alankya tüilax.

2 TIMOTHI 3:15

ilaxle nang naosa ma tüitanto wüi, nange Otsao Lai awanle hüipu, chempange nang ang Khrista Jisu to mongongkya makhange atak angkya khosün hato zun ang je-hwon fa ang thopuix, ibu ma akhax akhün le thompu.

MIKNGÜN-OHÜN 14:5

Atse le zangwün angkya hwome chiawantox; hwom a ojao chithaikyabu changle.

2 TIMOTHI 1:5

Hünpi Luis hia hünnu Eunis hwom ma tüikya ningle khünkhikhikya nang mong kue texle atakle. Ija lailaile nang machu tüile le kue ongle.

EFISIA 4:26

Nang ang mong jangtsik thüikoxle, ija nang mongtsike nang ochax to zun ang taxtom üntoxle han ahomle mongtsik ma taxngo.

1 KORIN 14:20

Tüinaohom, hünzom mongjang ma naosom ningle taxchang; ochax lom ma naosom angchu achanglax, ikoxlechu tutex ma mixmüi ang achanglax.

1 KORIN 7:14

Chemthüikoxle mongong chitüikya kakopa a khristan kakonu tuita füi notomkya tokhange tsaokya ang achangle, ilaxle chiongkya kakonu a khristan kakopa tuita füi notomkya tokhange Zang pomtho ma sukya ang achangle. Ile chichang thüikoxle hwom naosombu songsari naosombu ningle tüise; ikoxle hwom ile chichang, hwom a Zang pomtho ma pongle kop ang tsuak le tüi.

ROM NOK HATO ZAKYA POL LAIZA 11:28

Hwome Kaxho Müikya chilaxkya khoma, mixnokbu, hünzom khoma Jehudi khünakbu a Zang füi zan ang achangle. Ikoxlechu chixe zünle kopdaokya daile, putong hwom kuxmale hwom a chix zuikhui.

ROM NOK HATO ZAKYA POL LAIZA 11:16

Owang ma wanshikle Zang ang fakya jangtüi dao thüikoxle, tsap ma shemle thomkya saxchu komle chix kux changüi; ilaxle pün otsing Zang ang uale jangkoxdao thüiba, okangsabuchu wüi chix kux ang changüi.

WANGSHEMBU MWOT 3:25

Ibu chix ajebu makhange Zange tsaokya kax hünzom hanpak changle, üntoxle hünzom putong Abraham füi: ‘Nang sixli makhange chaxwannu angkya khünaknüsa nok towüi mohimanüi’, lükya Zang Tsaotsüt bama Abraham sixli a hünzom changpu.

WANGSHEMBU MWOT 2:39

Chemthüikoxle hünzom üntoxle hünzom susabu, üntoxle tsailo to ngokyabu pangnu, üntoxle Jowanpa kem Zange chix hato otukux sele tüilaxpuix, ibu noknusa hanpakmale Zange tsaokya changle.”

MARK 8:33

Ikoxlechu Jisu-e chix wangshembu to aküile hu, ilaxle Pitar to sale thüi: “Bao, nang ku ha angkya paoün, chemthüikoxle nang mongjang Zang tokhange chichangle haxshix tokhange hüikya changle!”

MARK 3:5

Üntoxle chixe hwom mongkhüikya khoma mongma laxle mongtsik füi hwom to akhople hu, üntoxle chixe ija mixsün ang thüi: “Nange chak tinkox.” Ija mixsüne chix chak tin. Ijama chix chak owüiole müi.

ISAIA 65:23

Hwome mokkya mwottho ma tsuakle hüikya tüiüi, ilaxle hwom su-sa hwom füi thama apongkya müntüiüi. Kue othuithuima hwom tamchu hwom su-sa hwom to mohimanle ngoüi.

MÜNCHUAK-TSAI 78:4

Keme ibu kem su-sa hwom thoto pyenle münthomüi; keme füinao hwom hama wünle koxüi Jowanpa tsak-zong hia chix mwotbu bama a ilaxlechu chixe mokdaokya ohünotün mwotbu bama a.

TSAITONG-KAXTONG 4:37

Chixe hünzom putong hwom to mongkünkya khoma chixe hünzom zünle kop, ilaxle chix tsak-zong chongkya makhange chixe hünzom Ijip nok tokya alaile apüi.

HUAKE LAIPEX 14:31

Hünzome thüipu, hünzom su-sabu zan-noke kopüi le; ikoxlechu hünzome münlaxpule awütkya haxtok to kue hwom ngui ang tomüi, ilaxle ija a hwom tingtok ang changle ngoüi.

PONGWANG LAIPEX 17:7

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

1 SAMUEL 1:22

Ikoxle izuma Hanah a chipao. She-e kakopa hama akax: “Ija naosa ham tsuakle tsongkya füi tomle kue chix a Jowanpa hom to apüiüi ilaxle tsüntsüne chix ikhato ngo ang tomüi.”

1 SAMUEL 1:11

Hannah-e tsaotsütle thüi: “Jowanpa Khüthak Zang, nang danu ku to huhüi! Ku künduk-mongthang ngünle laxhüi ilaxle ku texle ataklax! Ku taxalakünfa! Nange ku ang lüka naosa tuita jangfa, kue chix atsaole, chix tsüntsüne nang thotha ang danüi ilaxle chix ang otuechu kho münsexüi.”

MATHI 5:3

“Chasa ma zasa changpule awankyabu, hwom mohiman; Zangkangting a hwom kux changle!

MATHI 5:10

“Jowanpa mwottho ma sikngün apongkyabu mohiman; Zangkangting a hwom kux changpu!

JUHAN 3:3

Jisu-e chix kax to lanle thüi: “Otsingtsingma kue nang ang thüipu, tamchatle chipux jangthüiba owaechu Zang Wangting ngün ang münkopüi.”

JUHAN 3:5

Jisu-e lan: “Otsingtsingma kue nang ang thüipu, khünak tuita ti ma hia Otsao Chasa ma chipux jangthüiba chix zangkang ting to nop ang tsuak angkya fang münchang.

JIHUSUA 8:35

Mosa kaxtom pangwüi, Jihusua-e sele asoxle tüikya khünaknu hama ele kox. Ikhama mixnu-naosa pangwüi tamchu hwom khato ngole hüikya mixnokbu ngaxchu tüikya.