MANGSOP 5:18 - OTSAO BAIBEL (BSI)

¹⁸ chemthüikoxle Zaion Haxnu owachu chitüile chix tata ngo, ilaxle ija maxkya tamting ma fao hijanbu akhwomle ahamle ngo.

MANGSOP 5:18 ပူးပေါင်းရင်းမြစ်များ

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

JEREMIA 52:13

Chixe Zangshwom-Hom, wanghom homlo, ilaxle Jerusalem angkya okho-olo hwom hom-hax pangwüi zokle ashun;

JEREMIA 26:9

Jowanpa mün lünlaxle nange ija Zangshwom-Hom Shiloh ningle achang angkya tamchu ija tingnu pünle ama laxle owachu chingokya onui ang achang angkya büthüikoxle akaxpu?” Ipongma ku akhople khünaknu asox.

JEREMIA 17:3

haxhuabu hia kothofa pangnu khato muabu zinglaxle shwom. Hünzome mokdaokya ibu ochax khoma kue hünzom zanpabu ahüilaxle hünzom haxtok pangkha tokya tuina hia ngun-syenbu pao ang tomüi

NEHEMIA 4:3

Chix zui ma Tobiah ajongle tüikya, ilaxle chixechu ito bole akax: “Hwome chemningkya katuk zingle alai thoüi? Hijan tuitae ngaxchu ija thule atsun ang thoüi!”

MÜNCHUAK-TSAI 63:10

Hwom a zan ma langüi, ilaxle hwom mang a shwonbue saxüi.

DANEL 9:17

O Zang, ku zangjop hia tsaiju-kaxjukya to apahüi. Pünle amadaokya nang Zangshwom-Hom tamchatle zaile alai ang tomhüi; noknusae nang a Zang changpule naxtsing ang zingle achat-hüi.

2 WANGHOMBU 25:9

Jerusalem angkya Zangshwom-Hom, wanghom homlo, ilaxle nguakax-wangkhobu hom pangwüi chixe wün füi zokle ashun.

ISAIA 64:9

idaile kwom füi zongbakle mongma taxtüiünfa chichangba kwom zongto kwom ochax kople taxthomünfa. Kwom a nang khünaknu changpu; kwom to chingchakya tüihüi.

JEREMIA 9:10

Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”

JEREMIA 44:2

Jowanpa, Israel nok Khüthak Zang-e thüi: “Kue Jerusalem hato thama tsangmüt apüikya hünzom tomtatae tamchu mama Judah tingnubu ma tüikya pangnusae ngünle laxdaoa. Athax kople ibu a pünle ama thompu, ilaxle ibu ma khünak owachu chingo

JEREMIA 44:6

Ikhoma kue ku mongtsik hia mongma Judah tingnubu hia Jerusalem tingjang lombu ding ma thokle adüt, ilaxle kue ibu wün to zokle ashun. Ibu pünle amatox, ilaxle ibu a, anyix kople tüikya ningle mikngün zongma tuita khomtsi angkya oli ang ngole hüi.

EZEKEL 13:4

Israel khünaknu, hünzom ajebu a tingmax füima tingtam ma ngokya hia janbu laxli chitüikya ningle.