MANGSOP 5:1 - OTSAO BAIBEL (BSI)

¹ Texle ataklax, O Jowanpa, kwom to chemle pang changdao puix. Kwom to hulax, ilaxle kwom thünzak ngünlax.

MANGSOP 5:1 ပူးပေါင်းရင်းမြစ်များ

HABAKUK 3:2

O Jowanpa, nange chem mokdaopuix, ija zing kue atatdaoa, ilaxle ku huanuma abütle. Athax chatle kwom tsün ma anaole mok-hüi nang mok-homkya chongkya mwotbu a. Nang mongtsik-mongma pongma ngaxchu chingchajajale tüihüi.

MANGSOP 3:61

“O Jowanpa, hwome ku ajao-adakya nange atatpu; hwome ku zan to kakya nange pangwüi tikle ngopu.

MANGSOP 3:19

Ku to tsütle kakkya ajangkya, ku ang hom-hax chitüikya, ija a ku zongto khaxkya zik-hing ang changle.

MANGSOP 2:15

Le-zyenüi khünaknue nang to khomtsile hu. Hwome hwom ngom akho-akhe ilaxle Jerusalem maxkya chanyi: Ija osün müikya tingnu changchami? Ija a chaxwannu mongngam changchami?

JEREMIA 15:15

Ifüima kue akax: “Jowanpa, nange awanpu. Ku texle ataklax ilaxle ku to fonglax. Ku zothuple changdaokyabu to kue olüix khomle chang ang tomhüi. Hwome ku lang ang tho angkya kuxmale nange hwom shanle taxchang. Kue zakkopkya a nang mün khoma kopkya changpule texle atak-hüi.

MÜNCHUAK-TSAI 79:12

Hwome ibibile nang adix-adale changdaokya khoma Jowanpa, mixnokbu ang othom anüte bole thama apong ang tomkox.

MÜNCHUAK-TSAI 79:4

Tomzi chaxwanbue kwom cha nyile; hwome kwom chanyi üntoxle haole ada.

NEHEMIA 4:4

Kue zangjoppu: “O Zang-e, ibue kwom cha chemle nyipuix apakoplax! Hwome kwom chanyikya anongle hwom khangkho ma wüi düt ang tomkox. Hwom ma atüitüi komkaile tsui pao ang tomkox, ilaxle hwom a mixnok chaxwan to zanda ang kople pao ang tomkox.

KAXHO MÜIKYA LUK 23:42

Ilaxle chixe thüi: “Jisu, nang wanghom ang achang laxle nguikya zuma ku taxalak.”

MANGSOP 2:20

Hulax, O Jowanpa! Nange kwom to ile büthüikoxle sikangün ngopu? Mixnu hwome mongkünle tüikya naosom hwom müi saxle ngole! Nguapabu hia ajebu a Zangshwom-Hom jaoma mik amütle.

MANGSOP 1:20

“Hulax, O Jowanpa, ku künmax-mongshan to, chasa ma ku chamax-muasamle changkya to! Ku mongkha a ku ochax bama mongmaxkya ma ashixle changdaoa. Tingjang lomnubu to mix langkyabu tüile; hommong khato ngaxchu mang tüile.

JOB LAIPEX 10:9

Nange ku kom; füi zingkya changpule texle ataklax; tamchatle ku haxbu ang achangle thuple akhix anghi?

JOB LAIPEX 7:7

Texle atak-hüi, O Zang, ku tsün a tuita zakdün zaza wüi; Ku mongmüi a ashuk tomtata daoa.

NEHEMIA 1:8

‘Hünzom Israel khünaknu ku to mongong shingmongle chitüi thüiningle, kue hünzom a chaxwan tok to chiakle asamüi’, le nange Mosa füi akaxkya kax athax texle atak-hüi.

NEHEMIA 1:3

Hwome ku hama, ikhato ozün ma toxkya hia ma chaxwan to chatle nguikyabu a müimamale sikngün-ashukle ngole tüikya tamchu hozui-onam to ngole tüikya mixnokbue hwom to asongle hule tüikya, ibu ku hama wünle kox.

MÜNCHUAK-TSAI 119:153

Ku sikngün to hulax, ilaxle ku khosünlax, chemthüikoxle chemtuechu kue nang wanlom ahaile chichang.

ISAIA 62:6

Jerusalem, nang katukbu ma, Kue nyetmixbu danle thomdaoa; Hwom a zangnak zangngai dangle ngo angkya münchang. Hwome Jowanpa hama chix kaxtsaobu wünle lüwüi ngoüi, Ilaxle chix ang ibu alakle asam ang müntomüi.

MANGSOP 3:50

Zangkangting tokhange hulaxle Jowanpae kwom ngünle machang tanto.

MÜNCHUAK-TSAI 74:18

Ikoxlechu nang zanpabue nangcha nyikya texle ataklax, O Jowanpa, ibu a zang chitüikyabu üntoxle nang chilaxle awütkyabu changle.

JEREMIA 51:51

Hünzome thüitüi, ‘Kwom a thajao wünhaile chang ang tomdaoa; kwom a monghik ashukle tüile chemthüikoxle mixnokbue Zangshwom-Hom angkya otsao nuibu bakle kopdaoa.’

MANGSOP 1:9

She chitsaokya ochwon ma ngünle lax, ikoxle she shoma hanpakma she to ojao chikak. She asongle dütkya a khomtsikya tuita; owaechu she joxle amüi ang chitho. She zanpabue lütdaoa, ilaxle she a Jowanpa ma chingcha jule akhong.

MANGSOP 1:11

She khünaknue hidaole ngaxchu sax angkya süt tüichale lom pongma awao; Hwom ozün ma thom angkya kux male hwome ma tuinabu osüt-oling füi alüix. Tingnu akhong: “Jowanpae ku max-samle ngokya chifün to huhüi.”