MANGSOP 4:20 - OTSAO BAIBEL (BSI)

²⁰ Hwome kwom khüzün otong hwople kop, Jowanpae zünle kopkya kwom wanghompa, pangnu zansing chak tokya kwom kho awa ang thoüile kwome chix to mongongle tüikya.

MANGSOP 4:20 ပူးပေါင်းရင်းမြစ်များ

EZEKEL 12:13

Ikoxlechu kue ku sha pünle bangüi ilaxle chix a ima amanüi. Ifüima kue chix a Babilon tingnu to paoüi, ikhato chix a ija osün chingüntox homle ziüi.

JEREMIA 39:5

Ikoxlechu Babilon nok süpahibue hwom achuale zik ilaxle Jeriko zui angkya haxsha ma Zedekiah kop. Hwome chix a wanghompa Nebukadnezar hato apüi. Ipongma wanghompa a Hamath haxsüt to Riblah tingnu ma ngole tüikya, ilaxle ikhato Nebukadnezar-e chix hanpakma kaxsüt toxle akax.

2 SAMUEL 19:21

Zarüiah sasün Abishai-e thüi: “Shimei a lang kox wüi müiüi chemthüikoxle Jowanpae wanghom ang kamkya khünak to chixe thuakzomle changdaoa.”

PONGWANG LAIPEX 2:7

Ifüima Jowanpae hax ilaxle ija makhange khünak tuita zingle alai; chixe ija to nakua ma khüzün zakdün mütle kox sheme ija khünak ozün ang achang.

MANGSOP 2:9

Zünkaibu to pan-katuk tsunkyae sheple kop, ibu luapoxbu thuple akhix awüt. Wanghom hia pünlix-wangchong hwom a zanda ang koplaxle paole tüi. Wanlom anwot-anokya athax chitüi, ilaxle ajebu angJowanpa tokhange kaxho hüikya chitüi.

2 SAMUEL 1:21

“Gilbua Haxnubu to watshoja jukya taxtüi; ija haxtokbu a haxza ang achangle naxngo! Chemthüikoxle naomüi hwom dibu jajapale ima anguak thomle; athaxpi Sol nyadi to ngaxchu münga füi fwotle atsaokya nox chitüi.

2 SAMUEL 1:14

Dawid-e chix ma atüi: “Nange Jowanpae zünle kopkya wanghompa chem mongchong laxle lang?”

EZEKEL 17:18

Chixe chix kaxtsao hia tsaotsüt amale changdaoa. Chixe ibu pangwüi mokle changdaoa, athax chix paole azang ang müntho.”

JEREMIA 52:8

Ikoxlechu Babilon süpahibue wanghompa Zedekiah achuale zik, ilaxle Jeriko zui angkya haxsha ma chix kop, ilaxle chix süpahibu pangwüie chix danle tox.

2 SAMUEL 18:3

“Hwome lan: ‘Nang a kwom füi tomle zan to ka angkya jao münchang. Kwom bibi aküi laxle zikle paokoxchu chichangba kwom kha angkya tomwüile lang koxchu zan nok zongto ija chem ang münchang; ikoxle nang a kwom hajat bün thatha changpu. Nang a tingnu ma ngole nuilaxle kwom hato ofong-otsox akatle ngokya wüi tüichong.’”

1 SAMUEL 26:16

Nange nang mwotlom ma thaidaoa, Abnar! Kue ozün ma tüikya Zang mün ma tsaosaxle akaxpu, hünzom zompu-zangpabu pangwüi mik amütfang changkya, chemthüikoxle hünzome ma wanghompa kho awa ang chitho. Chix a Jowanpae wanghom ang kamle kopkya khünak tuita changpu. Hunohu! Wanghompa paxlo ojonghex? Chix khangkho angkya tipe ojongto tüi?”

1 SAMUEL 26:9

Ikoxle Dawid-e thüi: “Nange chix to chakmokle münchangüi! Chixe kamle kopkya wanghompa to chakmokle changkya khünak to Zang-e sikngün ang tomüi.

1 SAMUEL 24:10

Nange hukoplax, athax ile longkun mong ma nang a Jowanpae ku chak to koxdaokya. Ku khünak züizüibue nang a langkoxhule thüikya, ikoxlechu nang hanpakma ku mongto kak ilaxle kue nang to ikuxsa ngaxchu chakmok-janlangle oma chemchu chimoküi, chemthüikoxle nang a tuita Jowanpae kamle kopkya wanghompa changle le kue akaxpu.

1 SAMUEL 24:6

ilaxle chixe chix khünakbu ang thüi: “Ku chongwangpa, mixhax-mixzang to chakmok laxle oma hwon angkya Jowanpae ku shong-abaxhüi, chemthüikoxle chix a tuita wanghompa ang achang ang Jowanpae kamkya mix changle! Kue chix to oma ikuxsa ngaxchu münmoküi, chemthüikoxle chix a Jowanpae kamkya wanghompa tuita changle!”

1 SAMUEL 16:6

Chemtue hwom nguile ikha aloppuix, Samuel-e Jesse sasün Eliab ngünlaxle chix mongto thüt: “Jowanpa ngwotnui ma ajongle tüikya mixsün ija a tütakoxlechu chixe zünle kopkya mixsün wüi changüi.”

1 SAMUEL 12:5

Samuel-e lan: “Anyix hünzome ku ma thaikya onox chemchu müntüile thüikya zangwün bama, chixe kamle thomkya wanghompa hia Jowanpa nyi a ngünmix changle.” Hwome lan: “Changle, Jowanpa a kem bama ngünmix changle.”

1 SAMUEL 12:3

Ku ima tüipongma kue tütali thaikya mwot mokle jangchangdao thüiningle Jowanpa hia chixe kamle koxkya wanghompa nyi tunthoma ku ma tsaitox-kaxfe angkya oli bakle ngailax, kue owawa kux maihu chichangba mantsak pale zongzong ma laxkya nox tüidaocha? Kue owawa angkya zuizun laxle changdao cha? Kue iningkya mwot tütali ma thaile mokdaokya thaile jangtüi thüiningle, kue laxdaokya kue achatle koxüi.”

PONGWANG LAIPEX 44:30

“Idaile O alixachong, ija naosa chilax homtoxle ku apa hato chat angkya jangchang; chixe nao ku füi tomle müntüile ngünkya füi tomle chix a zijao ziüi. Chix khüzün a ija nao khüzüne tix khwoplax thompu, chixe muakya mongma apongle jangchang thüiningle thuile zile paotang azule changdaoa.

2 PUKAX-PANGAO 35:25

Ajepa Jeremia-e wanghompa Josiah hanpakma mangsop tsai zing. Chix mang sople changpupu ma, Israel nok tsaipabue ngao ang wanlom tuita ang laxle jao twon Ija tsai a mangsop tsaibu athütle zakya khama bangle.

JEREMIA 52:9

Zedekiah a wanghompa Nebukadnezar hato apüi. Ipongma chix a Hamath haxsüt angkya Riblah tingnu ma ngole tüikya. Ikhato Nebukadnezar-e chix mik amüt angkya kaxtsuak.

DANEL 4:12

Ija pünchakbu tüle osün müile tüikya, ilaxle ija a oziake awangle: zangfang pangnue sütkho nguile tüikya. Ija pünnu zangkhung to faomüibue nazak, fao osabue ija pünkangbu ma ozopbu zing, ilaxle ozün ma tüikya oli pangwüie ija pünziak sax.

KAXFÜNPA-HWOM 9:15

Ija huxpüne lan, ‘Hünzome ku hünzom wanghompa ang otsing tomtata ma achangse jangtsu, nguilax ilaxle ku zangkhung ma nazak laxlax. Hünzome ija to chilua, ku huxpünbu makhange wün laiüi ilaxle Lebanon angkya sedar pünbu bakle zokle ashunüi.’

ISAIA 32:2

Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

EZEKEL 31:17

Ikhato ngole tüikyabu füi tomle ngo angkya hanpakma hwom a amalum to chix füi tomle dütüi. Ilaxle chix zangkhung ma ngole tüikya jat-libu a chaxwannu nok khato chiakle samüi.

HOSIA 13:10

Hünzome wanghom tuita tamchu lompabu jule, ikoxle ija jat-li hwome chemle sünthoüi?