MANGSOP 4:17 - OTSAO BAIBEL (BSI)

¹⁷ Fongkya ojong tochu chiatak angkhato, kwome mik-hu ngwomle shule hu. Fongkya ojao chifa angkya khato kwome onok tuita to ngwomtokle hule tan.

MANGSOP 4:17 ပူးပေါင်းရင်းမြစ်များ

EZEKEL 29:16

Israel noke otuechu ibu to, hwom to asun-azule chang angkya bama mongongkya müntüitoxüi. Ijip nok shoma ngünlaxle, hwom to mongong thomle tüidaokya bama, hwom thaidaongün le awanle lax ang tomüi. Ifüima Israel noke ku a Jowanpa Khüthak Zang changle le awanle laxüi.”

ISAIA 20:5

Opangsae Etheopia to ma mongong thomlaxpuix ilaxle Ijip bama tsaichong-kaxbongle changlaxpuix, hwom ang thünkhux-thajao apongkya tüiüi.

2 WANGHOMBU 24:7

Eufrat shuanu makhange shuakuxchi Ijip nok longzipong alople, ami Ijip nok wanghom chak to tüikya haxtok pangwüi Babilon nok wanghompa chak to dongle tüikya khoma, Ijip nok wanghompa hia chix süpahibu otuechu Ijip nok angkya zan ka ang laile chipao.

MANGSOP 1:19

“Ku füi nokmüima ngokyabu kue se, ikoxlechu hwome ku to fongse chitsu. Nguapabu hia lompabu tingjang lomnubu ma zi, Hwom azangle ngo angkya hanpakma sütlomngale a.

MANGSOP 1:7

Maxkya chifün ma she tata athax, Jerusalem-e she sünmüi-joma thütle atak. Chemtue she a zanpabu chak to dongpuix, she to asunle fa angkya mix tuita chitüi; She to anaokya zuma lütkyabue she chanyile wanjai.

JEREMIA 8:20

Khünak sople akhong, “Tsonu a leüna, sax züt angkya kaidaoa, ikoxle kwom a khomasünle tüi.”

JEREMIA 2:36

Mixnok baozangbu hato paokya makhange nang a thanai ang achangle awütdaoa. Asiria noke lailaile nang a Ijip noke chuwüi mong atho ang tomüi.

JEREMIA 2:18

Hünzome Nail shuanu angkya ti ling ang Ijip nok to julaxle olüi tükopüile thütlax pia? nok to paolaxle Eufrat shuanu angkya ti lingkya ma hünzome olüi tükopsaxüile texlax pia?

ISAIA 28:18

Hünzome oja zangwün zikmüt-mangkho füi tsuakle tüipuix, ija a oman chitoxle amütüi. Chemtue thama zutle hüiüihex, ijae hünzom to lüt ang tomüi.

JEREMIA 2:37

Nang zakkop ashukle Ijip nok tokya tok ahole paoüi. Jowanpa kue, nange mongongle tüikya ibu chilaxle awütdaoa; hwom makhange nange olüi chemchu münkoppu.”

MANGSOP 5:6

Ozün ma ngo angkya hanpakma okhonguile süt kop angkya, Kwome Ijip nok hia Asiria nok to jusax ang pao.