MANGSOP 4:11 - OTSAO BAIBEL (BSI)

¹¹ Jowanpae chix mongtsik janzüi khak-kha atsok; chixe Zaion ma wüntak laxle ija labu ang achangle zokle ashun.

MANGSOP 4:11 ပူးပေါင်းရင်းမြစ်များ

EZEKEL 22:31

Ikhoma kue ku mongtsik hwom khangkho to awütüi, ilaxle wün lailaile kue hwom, hwome chem mwot tsuakle hüidaopuix, ikhatokya hwom amütüi.” Jowanpa Khüthak Zang-e ija akaxdaoa.

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

MANGSOP 2:17

Jowanpae oshukma chixe moküile azakya mokdaoa: Chixe kem chingcha ojao chitüile amadaoa, kaitanto wüi chixe kaxkhün koxle thomdaokya ningle. Chixe kem zanpabu ang lütkya koxdaoa, kem nguakkya to hwom mongmüi ang tomdaoa.

JEREMIA 17:27

Ikoxlechu hwome ku kax ma lax angkya wüi ilaxle Sabath a tuita otsao-nyix le atsaole nui angkya wüi. Ija nyix hwome Jerusalem zünkai makhange chemlichu hün laxle chileüi, chemthüikoxle hwome ile jangmok thüiningle Jerusalem zünkaibu ma kue wün langüi. Jerusalem angkya chongwang homlobu wün to zokle shun ang tomüi, ilaxle ija wün owaechu amüt ang münthoüi.”

KAXHO MÜIKYA LUK 21:22

Chemthüikoxle zale thomkyabu pangnu kotok to ngai angkya hanpakma ibu a zothupkya din changüi.

ZEKARIA 1:6

Ku dapa aje hwom makhange kue hünzom pupa hwom ang kaxtom hia kaxkhünbu koxle hüipu, ikoxlechu hwome ibu kax to chiapa ikhoma hwome ija olüix apongle sikngün kop angkya lai. Ifüimatix, Jowanpa, kue chemle texlaxpuix ija ningle hwom to sikngün ang tomkya changa, le tsing laxle mongchat.’”

DANEL 9:12

Nange kwom ilaxle kwom lompabu to chemle mok angkya hex-ole akax daopuix ityatyale mokpu. Nange Jerusalem to chaxwannu nok angkya mama tingnu to nüile sikangünpu,

MANGSOP 4:22

Zaion-e she ochax tsang thomdaoa; Jowanpae kwom tamchatle zanda ang thomüi münchang. Ikoxlechu Edom, Jowanpae nang to sikngün koxüi; chixe nang thaikya mwot kotok to alaiüi.

MANGSOP 2:8

Zaion angkya pan-katuk atsunle adüt angkya bamaJowanpae mongzangwünle tsuak; Ibu komkaile ama angkya kuxmale chixe ibu thütle tsuakle. Zanhu nui hia pan-katuk athaxpi tomwüile tsunle nguak ngo.

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

JEREMIA 13:14

Ifüima kue tipebu ningle kue hwom tata füi ahongle changüi, naosom hia mixmüi owachu süile müntox. Hwom mik amüt angkya ku chemningkya chingcha hia jajae chu abaxle tui ang müntho.”

JEREMIA 36:7

Owatsing hwome Jowanpa to zangjopüi ilaxle chichang-chizangkya khatokya hwom mongchatle chang ang tsuak, chemthüikoxle zongbakbak ma chix mongtsik mongma ashukle Jowanpae khünaknu aza-anale changdaoa.”

EZEKEL 6:12

Tsailo to ngokyabu, hwom kaküi ilaxle zile paoüi; nuisox to tüikyabu zan ma maxüi; ozün ma tüikyabu a woknuak ma ziüi. Hwome ku mongtsik janzüi ibu pangwüi apongle hüiüi.

EZEKEL 36:18

Hwome haxtok ma mix mik amütle changdaokya hia chapabu to shwomle haxtok chitsaokya ang achangkya khoma hwom füi tsikkya ku mongtsik janzüi füi kue hwom to po ang tompu.

ZEFANIA 2:2

zangwin to tsaxfa ningle pikle pao thoto, Jowanpa mongtsik wünchua nang hato mahüi tanto, chixe chix chabüt-lasün ahole changüi hanpak thoto.

LIWI 26:28

izuma mongtsik füi ku hünzom zan to kaüi ilaxle hünzom sikngün a othom anüte nüile ziama ang tomüi.

ISAIA 51:20

Lomnu nuk pangkha towüi nang khünakbu a hona-ojuae nguakle haxmax-zangsam; hwom a müikhisa tai ma mankya thatha ang achang. Hwom to Zang mongtsik janzüie po.

MANGSOP 2:1

Jowanpa-e chix mongtsik füi Zaion to zangnake chwop ang tomdaoa. Zangdingkho tokya ija sünmüi chixe oma ang achangdaoa. Chix mongtsikle mongmakya nyix chixe chix Zangshwom-Hom ngaxchu wüi dantoxle.

MANGSOP 2:3

Chix mongtsiktsik ma chixe Israel nok janzüi thule asumdaoa; Zan hüikya tuk ma chixe kwom to münfongle angam. Pangnusa amütle wün lailaile chix ang kem füi mongtsik.

MANGSOP 2:4

Zanpa to zipupule chixe chix sanhap kem to zi; Chempang kem mongmüi hia mongtex changkya hex ibu pangwüi chixe lang. Ija Jerusalem ma keme chix mongtsike zokkya okham awanle lax.