MANGSOP 3:48 - OTSAO BAIBEL (BSI)

⁴⁸ Ku khünaknu thama ngünkya zuma ku mikfiti shuajen ningle jenle ju.

MANGSOP 3:48 ပူးပေါင်းရင်းမြစ်များ

MANGSOP 2:11

Ku mikbu a sopkyakyae fingle tüile; ku chasa a chamax-muasamle tüile. Ku khünaknu maxkya bama mongmakyae ku na-juale maxdaoa. Süshix naosom hwom a tingjang lomnu to zakmaxle ngole.

JEREMIA 9:1

Ku khang a tüküi tuita namchang koxba, tamchu ku mik a mikfi tümik namchang koxba, zangnak zangngai ku sopngose dai langdaokyanu ku khünakbu hanpakma a.

MANGSOP 2:18

O Jerusalem, nang pan-katuke Jowanpa hato akhong kox! Nang mikfibu a zangnak zangngai shuajen ningle jen ang laxkox; Mangsopkya hia mongmaxkyae malailai to zoshunle changkox

MANGSOP 1:16

“Ikhoma ku mikbu a mikfie awangle tüile. Ku mong owaechu asomle fa ang müntho; owaechu ku mong achenle chichang. Zanpa ku to anaole changdaoa; ku khünaknu chak ma chemchu müntox.

JEREMIA 13:17

Hünzome chiapa jangthüi: Hünzom mongngam khoma ku huxsa ma sopüi; ku mongmaxle sopüi, ilaxle ku mikfi jenle juüi chemthüikoxle Jowanpa khünaknu a zanda ang kople paodao koxle.

JEREMIA 9:18

Khünaknue thüi: “Kwom hanpakma mangsop tsai ngao angkya hwom ang kangmomlaxle thüikox, kwom mik ma mikfi ti jenle machang machangle, tamchu kwom mik-kaxbu sopkya mikfi tie awangle machang machangle.”

JEREMIA 4:19

Kakle! Kue adu ang chithole kakle! Ku khaxtua! Ku khaxtua zongbakle jao twople! Ku dangjale ngo ang müntho; Kue nyazongbu zing atatle azan ang akhongkya zingbu a.

MÜNCHUAK-TSAI 119:136

Ku mikfibu shuajen ningle jenle ju, khünaknue nang wanlom kax ma chilaxkya ngünlaxle.

MÜNCHUAK-TSAI 137:1

Babilon shuakax ma kwom thung; Zaion texle atak laxle ikhato kwom sop.

JEREMIA 14:17

Jowanpae ku ang kaxtom koxle ku mongtsik bama khünaknu hama apua angkya tamchu: “Ku mik ma zangnak zangngaile mikfi jenle naxngo, ku sopkya tamchizakle naxchang, chemthüikoxle ku khünaknu to zule mak-kha laxle tüile ilaxle hwom to chisumüile thomzünle.