MANGSOP 3:39 - OTSAO BAIBEL (BSI)

³⁹ Kem ochax khoma kem to sikangünle changpongma keme büthüikoxle kaxthup-ngaotün angkya?

MANGSOP 3:39 ပူးပေါင်းရင်းမြစ်များ

MIKA 7:9

Keme Jowanpa zongto ochax lyendaoa, ikhoma keme noxtakya hanpakma keme kem füikya chix mongtsik adu angkya changle. Ikoxlechu oshuk ma chixe kem kho-awaüi ilaxle kem to thaile mokdaokyabu pangwüi achangle zingüi. Chixe kem zangngai to alaiüi; chixe kem khosünle kopkya ngün ang kem ozün ma ngoüi.

WANWÜNKAX 19:3

Züizüi khünake ma ongat mwotbu makhange ma alüile amale ilaxle Jowanpa ma tsaitox-kaxfele changle.

JEREMIA 30:15

Hünzom thomzün-maklax bama kaxthup-ngaotün taxtüi ngo; hünzom hanpakma müi angkya olom müntüi. Kue hünzom to zo ile thuppu chemthüikoxle hünzom ochaxbu a huanu changle ilaxle hünzom chichang-chizangkya a chongle tüile.

MANGSOP 3:22

Mong chiathokya Jowanpa mongkün chingcha otyatya wüi tüile,

ISAIA 51:20

Lomnu nuk pangkha towüi nang khünakbu a hona-ojuae nguakle haxmax-zangsam; hwom a müikhisa tai ma mankya thatha ang achang. Hwom to Zang mongtsik janzüie po.

JOB LAIPEX 11:6

Khünak jetüi-hwonlang angkya olom müimamale tüihule, malom-malom je-hwonbu bama chixe nang hama wünle koxse. Zang-e nang ang nange kopse zia füi ahikle sikngün fapu.

IZRA 9:13

Kwom ochax hia thaikyabu bama kwome sikngün komle apongle hüidaobachu, nange kwome kopsese sikngün ashukle kwom ang chifa ilaxle kwom ozün ma ngo ang tompu.

2 WANGHOMBU 6:32

Ilaxle chixe Elisha füi apong ang kaxhomix tsanle apao. Ipongma Elisha a hom ma, chix wai ang nguikya züizüi tüichong mixmüibu füi ngole asukya. Wanghompa-e ahüikya kaxhomix nguiüi thoto wüi, Elisha-e tüichong mixmüibu ang thüi: “Ija mix lang mix mixe owawa ku lang ang ahüile ngole! Chemtue chix ikhato nguile changüihex, kahakle tsyenkox, chix a homkha to dong ang taxtom. Wanghompa chix jaojao a ija mixsün füifüile azuile hüile.”

2 WANGHOMBU 3:13

Elisha-e Israel nok wanghompa ang thüi: “Kue nang to chem hanpak ang fongüi? Hünnu hia hünpa hwome tik-tole ngokya ajepabu hato tikshole chang ang paolax.” Joram-e lan: “Ile münchangüi! Wanghom kwom azom bibi Moab nok wanghompa chak to koxkya a Jowanpa changpu.”

HUAKE LAIPEX 17:12

Israel khünaknue Mosa ang thüi: “Jangchangba ijatix changa kwom ashuk angkya!

HUAKE LAIPEX 11:11

ilaxle chixe Jowanpa ang thüi: “Nange ku-zo büthüikoxle thuppu? Ku füi nang ang chem mongmapu? Nange ku ang ibu khünakbu hanpakma hünlit büthüikya to kox?

LIWI 26:43

Ikoxlechu pongwang ma ija haxtok angkya khünakbu apao angkya laiüi, ikoxle tix ijae komkaikya nazak apong ang tsuaküi, ilaxle hwome ku wanlom hia kaxtombu chilaxle abakya khoma okhonguile thathom angkya laiüi.

LIWI 26:41

oja khoma kue hwom hato tok aho ilaxle hwom mixnok zanpabu haxtok to samle ngo ang koxpuix, ibu ochax pangwüi hünzom su-sabue angaile thailak tüihüile thüiüi. Chemtue hünzom su-sabue hwom ochax hia pupabu ochax bama thathom tsuaklaxle puinaile changüihex,

MIKNGÜN-OHÜN 16:9

Tüle khamkya ija wün khame hwom to akhatle hat, ilaxle ibu thama thakma owae apünpuix, ija Zang mün to hwome thuakzom; üntoxle fuazangkya achuak achen ang hwom ang mong chichat.

HUAKE LAIPEX 16:41

Ofüinyix Israel khünaknu pangwüie Mosa hia Arun nyi ang kaxthup-ngaotünle akax: “Hünkhie Jowanpa khünak züita mik max ang tomdaoa.”

MÜNCHUAK-TSAI 107:17

Züizüi a ongatbu, ma ochaxbu khoma sikngünle ngo tamchu hwom chichangchizangle tüikya khoma;

2 WANGHOMBU 6:33

Chixe ija kaxchu ashukpu, wanghompa nguilaxle chix ang thüi: “Kem hato ija thama apüikya a Jowanpa chix jaoe apüikya changle! Chixe tütali mok angkya tha kue omalax ang tanngoüi hexmi?”

JOB LAIPEX 15:13

Zang füi mongtsik üntoxle nange chix pongle chikoppu.

JEREMIA 10:19

Jerusalem angkya khünaknu akhong, “Kwom to ziamale jao maklaxdaoa! Kwom man tam müitoxüi münchang. Kwome ija a adu ang thoüi tukux thüt!