MANGSOP 3:31 - OTSAO BAIBEL (BSI)

³¹ Jowanpa ma chingcha tüile ilaxle chixe kem othuithuima awütle münthom.

MANGSOP 3:31 ပူးပေါင်းရင်းမြစ်များ

MÜNCHUAK-TSAI 94:14

Jowanpa chix khünakbu danle müntoxüi; opang chix kux changpuix, ibu chixe tsiakle müntox.

MÜNCHUAK-TSAI 77:7

“Jowanpa-e kem jento awütle thomüi hia? Chix tamchatle kem füi mong münmüi angpia?

JEREMIA 32:40

Kue hwom füi oshuk-chitüikya tsaotsüt tuita zingüi. Kue hwom hanpakma müikya mwot mokkya tam-münzak, ilaxle hwom mong makhange abakle ku chathua zale ngo ang tomüi, ikoxle tix hwome ku hato tok chiahoüi.

ISAIA 57:16

Kue ku khünakbu ang khüzün koxpu, ilaxle kue hwom ma tsaitox-kaxfele münngoüi chichangba othuithuima hwom füi mongmale münngoüi.

1 SAMUEL 12:22

Jowanpae hünzom a chix khünaknu ang achang angkya tsaosaxdaoa, üntoxle mongzangwünle tsuakdaoa.

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

JEREMIA 33:24

“Kue zünle kopkya homkha anyi, Israel hia Judah nyi kue chilaxle awütle le khünaknue akax ngokya nange ngünchami? Ikhoma hwome ku khünaknu to adale hule ilaxle ibu a tuita jat-li ang chilaxle changle.

JEREMIA 31:37

Nyixta zangdingkho thütle chang ang tsuakle chang ilaxle chaxwannu chifün bakle lomle atak ang tho, ile changkox tix chixe Israel nok chilaxle awüt ang tsuak hwom thaidaokyabu ma kaxhux-fe laxle a. Jowanpae ija akaxdaoa.

NAHUM 1:12

Ija a Jowanpae chix khünaknu Israel nok füi akaxkya kax changle: “Asiria nok a tsak-zongle tamchu huanuma tüikoxlechu, hwom a olithule amütdao angkya changle. Ku khünaknu, kue hünzom sikngün ang tomdaoa, ikoxle kue ija tamchatle ile chang ang müntom.

2 SAMUEL 14:14

Kem pangwüi zi angkya changle; kem a haxkha to ti thokle awütkya füima tamchatle tswonle asox ang chimüikya thatha changpu. Zang-e ngaxchu zile paodaokya tamchatle chat ang müntom, ikoxlechu wanghome tütale thüichu paole samngoünkya zandabu apüi ang tsuak.

1 WANGHOMBU 11:39

Solomon ochax khoma kue Dawid sixli hwom to sikangünüi, ikoxlechu othuithui male münchang.’”

ISAIA 27:8

Jowanpae chix khünaknu to pünpao ang achangle sikangün. Handünchi tokya mongtsik zangchei füi chixe hwom tswonle pao.