MANGSOP 3:25 - OTSAO BAIBEL (BSI)

²⁵ Chix to mongongle tüikya pangnusa hanpakma Jowanpa a müikya changle,

MANGSOP 3:25 ပူးပေါင်းရင်းမြစ်များ

ISAIA 40:31

Ikoxlechu opangsa Jowanpa to mongong thompuix ibue hwom ang janzüi tüile ngokya awanle laxle. Hwom a lawangbu ningle ozang füi piüi; hwom ziküi ikoxle china-chijuaüi; hwom ahamüi ikoxlechu chisho-chinaiüi.

MÜNCHUAK-TSAI 37:34

Nang monghom Jowanpa ma thomlax ilaxle chix kaxtombu kax ma laxlax; hünzom ang haxtok koxle chixe hünzom achuak-achenle changüi, üntoxle chichang-chizangkya khünakbu jwonle apaokya hünzome ngün ang kopüi.

ISAIA 25:9

Chemtue ija changüihex, pangnusae thüiüi: “Chix a kem Zang changle! Keme kem mongong chix ma thompu, ilaxle kem chixe azünpu. Chix a Jowanpa changle! Keme kem mongong chix ma thompu, ilaxle athax kem a pwonla dongle mongmüipu chemthüikoxle kem kho chixe sündaoa.”

MANGSOP 3:26

Idaile thuakjokle tan angkya a kem zongto amüikya changle—kem khosün bama chix thatan angkya a—

MÜNCHUAK-TSAI 27:14

Jowanpa to mongong tüikox. Mongong tüikox, mong taxatho. Jowanpa to mongongkya tüikox.

MÜNCHUAK-TSAI 37:7

Adukya tüikox üntoxle Jowanpa mok angkya tanle changkox; ahak-aluale changkyabu hanpakma mong taxthang chichangba hwom ochax mwotbu ma ozalünkya bama taxaban.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

2 PUKAX-PANGAO 31:21

Zangshwom-Hom hanpakma wüi changlax chichangba Wanlom tokya olom ma wüi changlax, chixe chasae awangle Zang achuakkya füi mok, ikhoma chix mwot pangwüi tsuakle hüi.

JAKOP 5:7

Idaile kutüi-kunaohom, Jowanpa mangui tanto aduhüi. Hwom haxtokbue hwom ang ma manzai oziak opua dün angkya hanpakma manzai mixbue chemle adupuix, ito hulax. Tsosa hia khokse zangwat hwome adule tan.

HOSIA 10:12

Kue thüi: ‘Hünzom hanpakma haxzün khutlax, ilaxle ku to jop-tole changkya mohiman ma kopkya puamün hünzome zütlax. Ija a, ku, hünzom Jowanpa hato mongchat angkya hanpak changle, ilaxle ku nguilaxle hünzom ang mohiman thokle koxüi.’

ISAIA 64:4

Nang mong mongong thomkyabu hanpakma iningle mwot mokkya mix, nang lailaikya Zang owaechu mangün chichangba atatle machang.

2 PUKAX-PANGAO 15:2

ilaxle chix a wanghompa Asa füi apong ang pao. Chixe nyakle thüi: “Wanghompa Asa, tamchu Judah hia Benjamin ma ngokya khünaknu, ku kax to apahüi! Hünzom chix füi ngokya kople Jowanpa a hünzom füi tüipu. Hünzom chix lomle jangchang, chixe hünzom ang chix atak ang tomüi, ikoxlechu hünzome chix hato tok ahole jangchang chixechu hünzom hato tok ahoüi.

ISAIA 55:6

Jowanpa hato chatlax ilaxle chix to zangjoplax, athax chix a hoxhoxle tüile.

MÜNCHUAK-TSAI 61:5

Nange ku tsaosütbu atatle kopdao, O Zang, ilaxle chempang nang chathua zakyabu kux changpuix ibu nange ku ang kox.

MÜNCHUAK-TSAI 39:7

Jowanpa, jangchangthüiba kue chem hanpakma monghom thom angkya dai? Kue ku mongong nang ma thompu.

MÜNCHUAK-TSAI 27:8

Chemtue nange: “Oman, ku to shwomlax le thüipuix, Jowanpa, ku nguiüi”

MÜNCHUAK-TSAI 25:8

Chemthüikoxle Jowanpa a otsao tamchu müikya changle, chixe ochax khünakbu hama hwom le angkya lom anwot-ano fale.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

MÜNCHUAK-TSAI 119:2

Opange hwom kün-hi-mong makhange abakle chix kax ma laxle chix kaxtombu tole tüipuix, hwom a mohiman.

PONGWANG LAIPEX 49:18

“Jowanpa, ku a nang khosün hanpak tanle ngopu.

1 THESALONIKA 1:10

Tamchu hünzom mong chatkya a: chix Hosa Jisu Khrista, chixe owa zidaokya chatle azünpuix üntoxle hüile ngokya Zang mongtsik tokya kem owae azün laxpuix, ija chix Hosa zangkangting tokya chatüi tan angkya bamachu changle.

MÜNCHUAK-TSAI 22:26

Chitüi-chinang khünakbue hwom mongzom ma müile saxüi; opang Jowanpa hato nguipuix hwome chix achuaküi. Hwom a othuithuima ahak-aluale naxtüi!

ZEFANIA 3:8

“Jowanpae thüi: ‘Nuibang!’ Kue jat-libu pangwüi ma tsaitox-kaxfele changkya nyix tanle nuilax. Kue ku mongtsik mongma tsak-zong atsangle hüikya hwome awanle laxle chang angkya hanpakma jat-li hia wangtingbu asox ang tom angkya ku mong ma zangwünle tsuakdaoa. Ku küntsik-mongmakya chaxwannu pangwüi max ang tomüi.

ISAIA 26:9

Mong makhange zongbakle zangnak ma kue nang sung; chemtue nang ija chaxwannu hia ija khünaknu kaxfünle changpuix, hwom pange wüi sukya chem hex ija awanle laxüi.

MÜNCHUAK-TSAI 105:3

Kem a chix kux changkya khoma mongmüikya tüikox; chix to shwom-tole changkyabu pangnu mongmüi-pwonlakox.

MÜNCHUAK-TSAI 61:1

O Zang, ku sopkya zing atatlax; ku zangjop to apahüi!

MÜNCHUAK-TSAI 69:32

Chemtue mix fangto ngokyabue ija ngünüihex, hwom ang mongmüikya tüiüi; opange Zang to shwomle tüipuix, hwom ang mong achenüi.

2 PUKAX-PANGAO 30:19

“O Jowanpa, kwom putong hwom Zang, nang künmüi-mongmüi füi, ma kün-hi-mong makhange zongbakle nang to shwomle ngokyabu, zanglom ma hwom otsao ang machang koxlechu, ibu thaikya nange alakkox.”

2 PUKAX-PANGAO 19:3

Ile chang koxle nang ma müikya oli züita tüile. Nang khünakbue shwomle ngokya baozangchanu Asherah chapabu pangwüi nange awüt tsuakdaoa, ilaxle nange Jowanpa mongtex ma laxle chang angkya azongdaoa.”

IZRA 8:22

Kwom nye angkya hanpakmale chongwangpa ma süpahibu ju angkya ku zongto tuita zakkop ang changle süt, chemthüikoxle chix to mongong tüikya khünak pangnusa to Zang-e mohimanle, ikoxlechu chix hato tok ahole paokyabu to chixe sikngün fa angkya changle le kue chix hama wünle kopdao koxle.

MÜNCHUAK-TSAI 71:14

Kue othuithuima ku mongong nang ma thomüi; Kue nang sisile achuaküi.