MANGSOP 3:23 - OTSAO BAIBEL (BSI)

²³ Swomsa ma puakale tüikya ningle, atsingshokya zanghannu dün ningle.

MANGSOP 3:23 ပူးပေါင်းရင်းမြစ်များ

IBRI 10:23

Chikchexle chichang homtoxle keme tsaole ngaidaokya to monghom füi shingmongle künhax, chemthüikoxle owae tsaodao laxpuix chix a mongao chitüi angkya mix changle.

MÜNCHUAK-TSAI 30:5

Chix mongtsik a noxta wüi, chix müikya a tsünjangmasule. Zangnak ma mikfi jenle jukoxlax, ikoxlechu ngainop ningle mongmüi hüile.

ISAIA 33:2

Jowanpa, kwom to chingcha hüi. Kwome kwom mongong nang ma thompu. Nyixfokya to kwom kho-awale thom hüi ilaxle sikngün pongma kwom sünle kop hüi.

MÜNCHUAK-TSAI 89:33

Ikoxlechu kue Dawid to mongkünkya münzak chichangba chix füikya ku tsaosüt chithom homle müntüi.

MÜNCHUAK-TSAI 36:5

Jowanpa, chizakkya nang mongküne zangkho to alople; nang ma mongong tüikya zangdingkho to thule tüile.

ZEFANIA 3:5

Ikoxlechu Jowanpa a ija tingnu mawüi tüile ngo; Chixe chem supuix ija mok ikoxle chem chisupuix ija otuechu chimok. Nopfokya to chixe chix khünaknu ang sukya kaxfün fa. Ikoxlechu ikhama tüikya ochax khünakbue ojao chiazakle chisukya mwotbu mokle ngo.

MÜNCHUAK-TSAI 146:6

ding-hi-hax tamchu tinu shinthuk anaolechu ibu ma tüikya pangwüi zingpupa to a, mongmüi mixbu a hwom changpu. Chixe jento chix kaxtsaobu thomle;

LAIPAO 34:6

Ifüima Jowanpa a chix tuntho makhange le ilaxle akhongle thüi: “Jowanpa ku a chingchajajae awangle tüikya Zang changle. Ku ang mong chwonle chitsiküi ikoxle chongkya mongkün hia ojao chialekya mongong-chalom tüipu.

IBRI 6:18

Zange alüi-achüi ang hia atse ang chithokya ija nyi tüile. Ikhoma, kem opang chix ma azangle tüilaxpuix, keme kem pomtho ma danthomkya monghom to shingmongle kün angkya huanuma zong adünle.

TITA 1:2

Hanpak zanghan thoto wüi, thai angkya jao chichangkya Zange kem ang ija tsün khüzün fa angkya tsaole,

MÜNCHUAK-TSAI 36:6

Nang otsao a haxnukhobu lailai tsuale; nang sukya a tinu shinthuk jithong büta zule. Khünaknu hia müi-nyax nangkui-nangzang fang ma.