MANGSOP 2:7 - OTSAO BAIBEL (BSI)

⁷ Jowanpa-e chix tö-tsap awüt ilaxle chix otsao Zangshwom-Hom chilaxle dantoxdaoa; Chixe zanpa ang ija pan-katuk pünle adüt ang kox. Kwome mongmüi atungle zangshwom ngokya nui ma hwome sungdün ngadongle akhong.

MANGSOP 2:7 ပူးပေါင်းရင်းမြစ်များ

EZEKEL 24:21

Israel khünaknu hato ija kaxho fa angkya akaxle: Hünzom a Zangshwom-Hom tsak-zong bama mongngamle. Hünzome ija to huse tamchu ikhato nguisele tsule, ikoxle Jowanpae ija chitsaokya ang achang angkya changle. Hünzom homkha angkya khünak Jerusalem ma ngole tüikya füichi-naolibu a azankya ma zi ang tomüi.

AMOS 2:5

Ikhoma kue Judah hato wün ajoüi ilaxle Jerusalem angkya zanhunuibu zokle ashunüi.”

JEREMIA 52:13

Chixe Zangshwom-Hom, wanghom homlo, ilaxle Jerusalem angkya okho-olo hwom hom-hax pangwüi zokle ashun;

MATHI 24:2

Chixe thüi: “Changkoxa! Hünzome ibu müile le ngüntüi angpu. Kue hünzom ang thüipu, ikha angkya long tuita ngaxchu omanman ma müntoxüi; ibu bakle atsun dao angkya changle.”

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.

EZEKEL 7:24

Kue ikhato chisumüikya nok apüiüi ilaxle hwom ang hünzom homhaxbu lax ang tomüi. Chemtue kue chaxwannu nokbu ang hünzome zangshwomle ngokya nui ochax ang achang ang tomüihex, hünzom khama mixtsak naomüile ngokya mixe ngaxchu chix mongong ma athaüi.

MANGSOP 2:5

Zanpa tuita ningle, Jowanpa-e Israel nok amütdaoa; Chixe she zanhunui hia chongwang homlobu ama toxdaoa. Chixe Judah angkya khünaknu hato chiashuk toxkya mongma ahüidaoa.

MANGSOP 2:1

Jowanpa-e chix mongtsik füi Zaion to zangnake chwop ang tomdaoa. Zangdingkho tokya ija sünmüi chixe oma ang achangdaoa. Chix mongtsikle mongmakya nyix chixe chix Zangshwom-Hom ngaxchu wüi dantoxle.

JEREMIA 39:8

Ile changpongma, Babilon noke wanghom homlo hia khünaknu hom-haxbu zokle ashun ilaxle Jerusalem katuk thuple atsun.

JEREMIA 32:29

ilaxle ija to wün langüi. Hwome homkho to Bal ang ongai müikya so zokle changkya hia mama baozangbu ang töbu koxkya füi ku ang mongtsik adünle changkya hom-haxbu füi afomle, hwome ija tingnu zokle ashunüi.

JEREMIA 26:18

“Chemtue Judah ma wanghom ang Hezekiah changkya hex, Moresheth ang ajepa Mika-e khünaknu pangnusa hama Jowanpae akaxkya kax apuale thüi: ‘Zaion ma haxkhutle tihax lailaile achangüi; Jerusalem a pünle amakyabu athünkya kha ang changüi, ilaxle Zangshwom-Hom a tuita faonukha ang changüi.’

JEREMIA 26:6

Hünzome chizakle kax ma chilax lüwüi jangngo, kue chemle Shiloh to hwondaopuix ijaningle ija Zangshwom-Hom to chuwüi moküi, ilaxle zangfang angkya onok pangnusae ija tingnu mün a othuak-ozom lom to lünüi.”

2 PUKAX-PANGAO 36:19

Chongwang homlobu hia tuinabu pangwüi füi afomle chixe Zangshwom-Hom hia tingnu zokle ashun ilaxle tingnu long katukbu atsunle ama.

LIWI 26:44

Ile chang koxlechu, hwom zan-nok chaxwan to ngopongma ngaxchu kue hwom komkaile dantoxüi chichangba oli thuüile münchang. Ile chang koxle hwom füikya ku Tsaotsüt oshuk ang achangüi, chemthüikoxle ku a Jowanpa hwom Zang changpu.

LIWI 26:31

Kue hünzom tingnubu amaüi, ilaxle hünzom zangshwom nuibu wandangjale toxüi; athax kue hünzome koxkya ongan müikya tö münatumüi.

MÜNCHUAK-TSAI 89:39

Nange nang dapa füikya Tsaotsüt amadaoa ilaxle chix wanghom khohom a haxthom khato awütdaoa.

JEREMIA 21:4

ilaxle Jowanpa, Israel nok Zang-e akaxkya ija kax Zedekiah hama wün angkya tom: “Zedekiah, Babilon nok wanghompa hia chix süpahibu füi azan ngokya nang süpahibu to kue ang tomüi. Nang süpahibu chang-pax pangwüi kue tingnu osungwa ma athünle dan ang tomüi.

JEREMIA 50:28

Pünpaobu Babilon angkya paole azang ilaxle Jerusalem to ngui, ilaxle ija Zangshwom-Hom to hwome chemle hwondaopuix ija olüix khom ang Jowanpa, kem Zang-e mokkyabu pangwüi hwome wün.)

MANGSOP 1:4

Otsao nazak nyix Zangshwom-Hom to zangshwom ang nguikya athaxpi khünak tuita chitüi. Ikhama tsai ngaole ngokya naochabu sikngün ma ngo, ilaxle nguapabu wotle awao angkya boma chemchu chitüi. Tingnu panja ahuasak, ilaxle Zaion a künduk-mongthang ma ngo.

2 WANGHOMBU 25:9

Jerusalem angkya Zangshwom-Hom, wanghom homlo, ilaxle nguakax-wangkhobu hom pangwüi chixe wün füi zokle ashun.

ISAIA 64:9

idaile kwom füi zongbakle mongma taxtüiünfa chichangba kwom zongto kwom ochax kople taxthomünfa. Kwom a nang khünaknu changpu; kwom to chingchakya tüihüi.

JEREMIA 4:26

Haxzao füikya haxtok a tuita sak-hax ang achangle pao; ima tüikya tingnubu pünle ama thomdaoa zadünkya Jowanpa mongtsik tokhange. (

JEREMIA 4:27

Zangfang pangwüi awütkya haxtok ang achang angkya Jowanpae akaxdaoa, ikoxle ijae ija komkaile amütüile münchang.)