MANGSOP 2:3 - OTSAO BAIBEL (BSI)

³ Chix mongtsiktsik ma chixe Israel nok janzüi thule asumdaoa; Zan hüikya tuk ma chixe kwom to münfongle angam. Pangnusa amütle wün lailaile chix ang kem füi mongtsik.

MANGSOP 2:3 ပူးပေါင်းရင်းမြစ်များ

MÜNCHUAK-TSAI 74:11

Nange kwom to münfongpule büthüikoxle angam? Nang chak nange büthüikoxle nang tokfüi chito thompu?

ISAIA 42:25

Ikhoma chixe kem to chix mongtsik po ang tom ilaxle azankya ma ziama lejao sikngün ang tom. Israel pangnu khato chix mongtsik a wün lailaile chua, ikoxle chempang changngopuix keme otuechu chiawan; ija makhange keme chemchu tsingle chikop.

MÜNCHUAK-TSAI 75:10

Chixe chichang-chizangkya khünakbu tsak-zong akhixle awütüi, ikoxlechu otsao khünakbu tsak-zong a sisile zax-zangüi.

MÜNCHUAK-TSAI 75:5

kue hwom ang tsaichong-kaxbongle tüikya zak angkya akaxpu.”

JEREMIA 48:25

Moab a thule akhündao angpu; ija tsak-zong a ama daotüi angpu, Jowanpa, kue ija akaxdaoa.”

MÜNCHUAK-TSAI 89:46

Jowanpa, nang othuithuima azwonle ngoüi hia? Nang mongtsike wün lailaile chemtukux zokle ngoüi?

MÜNCHUAK-TSAI 79:5

Jowanpa, nang a kwom füi othuithuima mongmale ngo angkya hia? Nang mongtsik a chizakle wün ningle chuale ngo angkya hia?

KAXHO MÜIKYA LUK 3:17

Tsaxfa chaple awüt laxle tsaxtsangtsang pangnu pung ma athün angkya hanpakma chix chak ma own twonlaxle tüile; chixe tsaxfa tamchu chimax angkya wünkha to zokle ashunüi.”

KAXHO MÜIKYA LUK 1:69

Chixe kem hanpakma, tsakzong füikya khosünpa kox; Chix da Dawid sixli angkya a.

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

JEREMIA 21:14

Nange chem mokdaopuix ija khoma kue nang to sikangünüi. Kue nang wanghom homlo ma münlangüi, ilaxle ija hozui ma tüikya jali pangwüi ija wün füi zokle ashunüi. Ija kax, Jowanpa kue akaxdaoa.”

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

JEREMIA 4:4

Hünzom Judah hia Jerusalem angkya khünakbu, hünzome ku, Jowanpa füikya tsaotsüt thomlax, ilaxle ma lailai to ku ang atsaole koxlax. Hünzome ile chichang thüiningle, hünzome mokdaokya ochaxbu khoma wün füi zokkya ningle hünzom a ku mongtsik füi zoküi. Ijae hünzom zokle ashunüi ilaxle ija amüt angkya mix owachu müntüiüi.”

ISAIA 1:31

Wünpua pikyae tsaxsa ma wün apütle zokle ashunkya ningle, tüle zax-zangle tüikya khünakbu, alüile ma ochax khokho ma max angkya thama apongüi; ija thama owaechu tsyenle tui ang chithoüi

MÜNCHUAK-TSAI 132:17

Ikhama kue Dawid su-sa hwom khama tuita pongwün wang ang achangüi; Münga füi lile kamle kop angkya kue achwondaoa.

MÜNCHUAK-TSAI 89:24

Kue chix to mongkünüi ilaxle chix to kax ma laxle ngoüi; jento kue chixe lüt ang tomüi.

JOB LAIPEX 16:15

Kue mangsop laxle nyikhwon nyipong apongpu; chixe wüi lütlaxle ku a ija haxbu khato thungle ngopu.

TSAITONG-KAXTONG 32:22

Ku mongtsik a wünle laile jao chuale dongüi ilaxle chaxwantok angkya pangwüi zokle ashunüi. Ijae ama-lum jao alople changüi ilaxle haxnubu otsing komkaile zokle ashunüi.

2 PUKAX-PANGAO 34:25

Hwome ku hato tok ahopu ilaxle mama baozangbu ang töbu koxle changpu. Hwome mokkya ibu mwot makhange hwome ku ang mongtsik adünle changdaoa. Ku mongtsik a Jerusalem zongto wünchua le jao changdao, ilaxle ija a chwonpai ma amüt ang münthopu.

MANGSOP 1:13

“Chixe thakchi tokya wün ajole, ija wüne ku mongkha ashunle. Chixe ku hanpakma kam tha ilaxle ku haxkha to ahüi. Ifüima chixe ku danle tox ilaxle ku a jento tsütle kakkya füi ngo.

MANGSOP 4:11

Jowanpae chix mongtsik janzüi khak-kha atsok; chixe Zaion ma wüntak laxle ija labu ang achangle zokle ashun.

EZEKEL 7:14

Nyazongbu müt, ilaxle pangnusa achwonle changüi. Ikoxle owachu zan to chikaüi, chemthüikoxle Zang mongtsik noknusa hato tomwüi nguile tüikoxle.

EZEKEL 13:13

Athax ija a Jowanpae chem akaxpuix ija changle: “Ku mongtsik füi kue zangchei chongkya ahüiüi, thokle zangwat ang tomüi, ilaxle jun-longbu dütkyae katuk tsun ang tomüi.

NAHUM 1:6

Chemtue chix mongtsikpuix, ozün ma owa ngothoüi? Khompua-atsikkya chix mongtsik chak tokya owa azang thoüi? Chixe wünle ningkya chix mongtsik thokle adüt; chix tunthoma longnubu haxbu ang achangle akhix.