MANGSOP 2:22 - OTSAO BAIBEL (BSI)

²² Ku zui akhople faomüi ningle azang ma saxle awüt angkya thamae ku zui akhople chang angkya nange ahyen, Ilaxle ija nang mongtsik nyix owachu paole azang ang chitho. Hwome ku su-sa hwom lang, kue künkak mongkün füi tuxle atsünkya naosombu a.

MANGSOP 2:22 ပူးပေါင်းရင်းမြစ်များ

JEREMIA 6:25

Kwom a tingtui-panja hia lomnu ma aham ang mong münchong tsuak, chemthüikoxle akhyep-adi laxle kwom zanpabu tha-nyemle tüile ilaxle thomshix-thamae kwom akhoplaxle tüile.”

MÜNCHUAK-TSAI 31:13

Ku zanpabu obiobi huxsa zangwün kue atatle; ku akhople thamama wüi. Hwome ku zongto chichangkyabu mok ang tungle ngole, ku mik amüt ang tungle ngole.

JEREMIA 46:5

“Ikoxle kue chem ngünpu?”, le Jowanpae atüi. “Hwome khong to fütle chatle. Hwom süpahibu a anongle afüt achatle; müimamale zakyae, otsuaktsuak ma hwom zikle pao ilaxle ojao aküile chihu.

JEREMIA 20:3

Ofüinop, Pushhur-e ku khale thomkya dan füima, kue chix ang thüi: “Nang ang Pushhur le mün Jowanpae fakya münchang. Chixe nang ang fakya mün a ‘Pangnu khato Tuwuk’, le changpu.

TSAITONG-KAXTONG 28:18

“Jowanpae thuakzom koxle hünzom ang sixlibu wan müi ang müntomüi, saxziak müi ang müntomüi, ilaxle tsom-pom, maihu hia chunbu hidaole wüi koxüi.

ISAIA 28:19

Ijae hünzom nopfo-nopfo to chatchatnaole chakmokle ngoüi. Hünzome ija zangnak zangngai adule hün angkya wüi. Zang-e tokhange kaxho hozün tuita hüikyae thama hozün apüi angkya changle!

JEREMIA 11:11

Ikhoma, athax ku, Jowanpae hwom hato thama ahüi angkya kaxkhün koxpu, ilaxle hwom a azang ang münthopu. Ilaxle chemtue hwome ku hato ozing alaile, hwom to fong angkya akhongle changüihex, kue ija to ojao münapa.

JEREMIA 44:7

“Ikhoma, ku, Jowanpa, Israel nok Khüthak Zang-e, athax hünzome büthüikoxle iningkya ochax mwot mokpule alüile ma ma atüile. Hünzome, lüka, sheko, naosom hia pexlaksa hwom opupuchu ota chitoxle bakle naxmaxdaole thütpia?

2 PUKAX-PANGAO 36:17

Ikhoma Jowanpae hwom zan to Babilon nok wanghompa akat. Wanghompa-e Judah nok naosünbu Zangshwom-Hom ma jaojao lang. Chixe owatochu chingcha ahokya chitüile, mixmüi hia naosom, sheko hia lüka, kakmix hia bwotmix owa chu shanle chitox. Zang-e hwom pangwüi chix chak to dan.

JEREMIA 14:19

Jowanpa, nange Judah nok owüiole awüt pia? Zaion angkya khünaknu thua nang anu pia? Nange kwom to chemkhoma ojao chimüi angkya maklaxle chang ang tompu? Kwome tumüi angkya to hule nuipu, ikoxle omüi chemchu chihüi; kwome kakmüi angkya to hule ngopu, ikoxle kwom hato chabüt-lasün angkya mix hüipu.

JEREMIA 21:7

Ikoxlechu nang tomta hanpakma, nang nguakax-wangkho hwom hanpakma, ilaxlechu zan ma, otui-onuak ma, tamchu kaklak ma chimaxle tüikya khünaknu hanpakma: kue hünzom pangwüi, hünzom mik amüt-sele tsukya wanghompa Nebukadnezar hia hünzom zanpabu ang kop ang tomüi. Chixe hünzom tuita ngaxchu shanle müntox chichangba hünzom owawa hatochu chixe chingcha-jajakya müntüiüi. Ija kax Jowanpa, kue akaxdaoa.”