MANGSOP 2:21 - OTSAO BAIBEL (BSI)

²¹ Naosom hia zunu-zupa tomwüile tingjang lomnubu to mang ma pangle tüile, Naocha hia naosün hwom, zan changlo fang ma lamkyabu a. Nang mongtsik nyix nange ojao chingcha chitüile ibu langle awüt.

MANGSOP 2:21 ပူးပေါင်းရင်းမြစ်များ

2 PUKAX-PANGAO 36:17

Ikhoma Jowanpae hwom zan to Babilon nok wanghompa akat. Wanghompa-e Judah nok naosünbu Zangshwom-Hom ma jaojao lang. Chixe owatochu chingcha ahokya chitüile, mixmüi hia naosom, sheko hia lüka, kakmix hia bwotmix owa chu shanle chitox. Zang-e hwom pangwüi chix chak to dan.

ZEKARIA 11:6

Jowanpae thüi: “Kue chaxwan tok angkya owatochu athax chingchakya müntüiüi. Kujaoe khünaknu pangwüi hwom thakma apünle ngokya chak to danüi. Apün-awangkya ibue chaxwannu thomjole changüi, ilaxle kue ija hwom chak tokya khosünle münchang.”)

MANGSOP 3:43

“Nange kwom to achua ilaxle kwom langle awüt; nang mongtsike nang chingcha tukle thom,

JEREMIA 13:14

Ifüima kue tipebu ningle kue hwom tata füi ahongle changüi, naosom hia mixmüi owachu süile müntox. Hwom mik amüt angkya ku chemningkya chingcha hia jajae chu abaxle tui ang müntho.”

MANGSOP 2:17

Jowanpae oshukma chixe moküile azakya mokdaoa: Chixe kem chingcha ojao chitüile amadaoa, kaitanto wüi chixe kaxkhün koxle thomdaokya ningle. Chixe kem zanpabu ang lütkya koxdaoa, kem nguakkya to hwom mongmüi ang tomdaoa.

MANGSOP 2:2

Judah angkya tingkhua pangnu Jowanpa-e chingchingchichale amütdaoa Ilaxle haxtok khosele ngokya zanhunui pünle adütdaoa. Chixe wangting hia ija apünle ngokyabu hato thünkhux-thajao apüidaoa.

MANGSOP 1:15

“Ku süpahi atsakkyabu cha Jowanpa nyi; Ku naosombu amüt ang chixe süpahibu akat. Grep-ti fyetkya nui to grep zutle asyep pupule chixe ku khünaknu zutle asyep.

JEREMIA 18:21

Ikoxle athax, Jowanpa, hwom naosombu woknuak ma zi ang laxkox; hwom a zan ma max ang tomkox. Mixnu hwome ma kakopa hia naosom hwom amüt-asamle naxchang kox; mixpabu a okak-olak ma ilaxle tsünzün thom a zanhok male max ang tomkox.

AMOS 4:10

“Kue hünzom hato Ijip nok hato ajokya ningle thama-thomshix ajopu. Kue hünzom naosün hwom zanhok ma zi ang tompu ilaxle hünzom manbu kue tsuile paopu. Kue hünzom nakua ma hünzom pom angkya khünak mangbue mut ang tompu. Ikoxlechu hünzom a ku hato mongchatle chihüipu.

EZEKEL 9:10

Ikoxlechu kue hwom to chingchakya müntüiüi; hwome mix to chemle hwondaopuix ija ningle kue hwom to hwonüi.”

EZEKEL 8:18

Hwome ku mongtsik janzüi bakle awan ang kop angkya changle. Kue hwom to münshan chichangba chingcha ahole münchangüi. Hwome tsuakkya tukuxle akhongle ku to jopüi, ikoxlechu kue hwom zangjop to münapaüi.”

EZEKEL 7:9

Kue hünzom opupuchu müntox chichangba hünzom hato chingcha ojao münaho. Hünzome mokle changdaokya zakkop mwot bama kue hünzom to sikangünüi, ikoxtix ku a Jowanpa changle tamchu hünzom to sikangünle ngokya a ku changpule hünzome awanle laxüi.”

EZEKEL 7:4

Kue hünzom opupuchu müntox chichangba opupu tochu chingcha münaho. Hünzome mokle hüidaokya zakkop mwot khoma kue hünzom to sikangün angkya changle, ikoxtix hünzome ku a Jowanpa changle le awan ang kopüi.”

EZEKEL 5:11

“Ile ku a ozün ma tüikya Zang chang koxle: ija a Jowanpa Khüthak Zang zangwün changle: hünzom chichang-chizangkya hia ochax mwotbu füi ku Zangshwom-Hom akhu ang tomkya khoma, chingcha ojao chitüile kue hünzom dakle anguaküi.

MANGSOP 1:18

“Ikoxlechu Jowanpa a sukya changle, chemthüikoxle kue chix kax ma chilax. Ku kax to apalax, khünaknue pangnu khato; ku tsütle kakle ngokya to hulax. Ku naosom sheko hia lüka pangwüi zanda ang kople paodaoa.

JEREMIA 51:22

sheko hia lükabu mik amüt ang, zunu-zupa hia naosom lang ang, lüka naosom hia sheko naosombu lang ang,

JEREMIA 21:7

Ikoxlechu nang tomta hanpakma, nang nguakax-wangkho hwom hanpakma, ilaxlechu zan ma, otui-onuak ma, tamchu kaklak ma chimaxle tüikya khünaknu hanpakma: kue hünzom pangwüi, hünzom mik amüt-sele tsukya wanghompa Nebukadnezar hia hünzom zanpabu ang kop ang tomüi. Chixe hünzom tuita ngaxchu shanle müntox chichangba hünzom owawa hatochu chixe chingcha-jajakya müntüiüi. Ija kax Jowanpa, kue akaxdaoa.”

JEREMIA 11:22

Ikhoma Jowanpa Khüthak Zang-e akax: “Kue ibu to sikangünüi! Hwom naosünbu a zanhok ma max ang tomüi; hwom naosa hwom a woknuake ziüi.

JEREMIA 9:21

Kem thangmikbu makhange mik max angkya hüile ilaxle kem wanghom homlobu to nople; ijae naosombu tingjang lomnu to asexle awütle ilaxle hat-sütnui to naocha-naosünbu langle.

JEREMIA 6:11

Jowanpa, hwom füikya nang mongtsike ku to ngaxchu zokle, ilaxle athaxpi kue ija kople thom ang müntho.” Ifüima Jowanpae ku ang thüi: “Ku mongtsik a tingjang lomnu tokya naosombu hia naocha-naosünbu asoxle ngokya ding to thokkox. Kakonu hia kakopabu a tswonle paoüi, azupi hia azupa hwom ngaxchu shanle müntox.

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

ESTAR 3:13

Zikkyabue ija khuapu laiza wangting angkya tingnu-noksa pangnu khato afan. Ija laiza ma zangwün otong ang: Nyixta ma wüi, ija a Adar lyetnu nyixbün azom lükya to, mixnu-naosa zunu-zupa chisüile: Pangwüi mik max ang tom angkya changle. Hwom a ojao chingchajaja chitüile lang angkya üntoxle hwom mwot-kat a pangwüi tsui angkya changle.

1 SAMUEL 15:3

Paokox ilaxle Amalek nok tingtakkya ningle tingtakle hwom ma atüitüi pangwüi langdao; mixnu-naosa, sheko-lüka tamchu naosa le chemchu chisüile langdao; tsom-pom: maihu, chun, ut hia mantsak, ibu pangwüi langdao.”

JIHUSUA 6:21

Hwome ma changlobu füi tingnu ma atüitüi komle, sheko, lüka, taiko, naosom pangwüi lang. Hwome osu-maihu, chun hia zwonbu chu pangwüi lang.

TSAITONG-KAXTONG 28:50

Hünzom zongto hwom tüle shix-male tüiüi, ilaxle hwome owa mixnu-naosa tochu chingchale münchangüi.

TSAITONG-KAXTONG 32:25

Ochax-ozan ma hwom tingjang lomnu to zikmüt mangkho atak ang tomüi; hwom homkhabu to tuma-wanshixkyae chakmok ang tomüi. Naocha hia naosünbu zile paoüi; Süshix-naosa hia taiko owachu shanle chitoxüi.

MANGSOP 1:4

Otsao nazak nyix Zangshwom-Hom to zangshwom ang nguikya athaxpi khünak tuita chitüi. Ikhama tsai ngaole ngokya naochabu sikngün ma ngo, ilaxle nguapabu wotle awao angkya boma chemchu chitüi. Tingnu panja ahuasak, ilaxle Zaion a künduk-mongthang ma ngo.

AMOS 8:13

Ija nyix a tsaktan-zongtan tüikya naocha hia naosün hwom ngaxchu tilan ma maxüi.

JEREMIA 4:31

Kue sopkya ozing tuita atat, mixcha tuita nao ngün ang sopkya zing ningle, mixcha tuitae pongwang lükya nao ngün ang awaokya ningle. Ija a wikha akalaxle zaksyet ang azongle Jerusalem sopkya zing tuita, she chak pünlaxle she-e thüi: “Ku a maxdaoa! Hwom a ku lang ang nguile ngole!”

JEREMIA 9:20

Kue thüi: Hünzom shekobue Jowanpa kaxzing to apalax, ilaxle chix zangwünbu to nathalax. Hünzom sacha hwom hama sop angkya anole laxkox, ilaxle hünzom zuikhuibu hama mangsop tsai ngao angkya anole laxkox.

EZEKEL 24:21

Israel khünaknu hato ija kaxho fa angkya akaxle: Hünzom a Zangshwom-Hom tsak-zong bama mongngamle. Hünzome ija to huse tamchu ikhato nguisele tsule, ikoxle Jowanpae ija chitsaokya ang achang angkya changle. Hünzom homkha angkya khünak Jerusalem ma ngole tüikya füichi-naolibu a azankya ma zi ang tomüi.