MANGSOP 2:20 - OTSAO BAIBEL (BSI)

²⁰ Hulax, O Jowanpa! Nange kwom to ile büthüikoxle sikangün ngopu? Mixnu hwome mongkünle tüikya naosom hwom müi saxle ngole! Nguapabu hia ajebu a Zangshwom-Hom jaoma mik amütle.

MANGSOP 2:20 ပူးပေါင်းရင်းမြစ်များ

MANGSOP 4:10

Ku Khünaknu hato hüikya thama-thomshixe tüle khomtsi ang tom; mongkün honu hwome süt ang sax ang masu masa hwom müi song.

JEREMIA 19:9

Zanbue tingnu akhople kopüi ilaxle khünak pangwüi lang ang tungüi. Akhople kopkya a ipongpongle ziama ang changüi, tingnu mong ma tüikya khünakbue tata müi saxüi ilaxle masu masa hwom müi ngaxchu saxle changüi.”

MÜNCHUAK-TSAI 78:64

Changnong-pünthomle changkya khoma zompu-zangpabu mik max angkya atak, ilaxle hwome toxkya zomnubu a mangsop ang ngaxchu chitom.

MANGSOP 4:13

Ikoxlechu ija changle tsuak, chemthüikoxle she ma tüikya ajebue ochax lyen ilaxle nguapabue thaile mok, ija khokho male chemngax chichangkya khünaknu mik max.

TSAITONG-KAXTONG 9:26

Ilaxle kue zangjop, ‘Jowanpa Khüthak Zang, nang tsak-zong chongkya füi azün laxle Ijip nok tokya danle apüikya nang khünaknu max ang taxtom.

LAIPAO 32:11

Ikoxlechu Mosa-e Jowanpa chix Zang ma chingcha jule akax: “Jowanpa, nang khünaknu füi nang mong itukuxle chemthüikoxle ma angkya? Ibu a nangtsak nang zong chongkya füi nang Ijip nok tokya alaile apüikya münchangdai hia?

EZEKEL 5:10

Ija khokho ma, Jerusalem ma tüikya nu-pa hwome ma su-sa hwom saxüi, ilaxle naosom hwome manu mapa hwom saxle changüi. Kue hünzom to sikangünüi ilaxle atale toxkya ozün ma tüikya pangwüi ma lomkuakua to afanle pao ang tomüi.

MANGSOP 4:16

Jowanpa ma athaxpi hwom tokya chingchajaja ojao chitüi; chix-mixe hwom chiakle asam. Chixe kem nguapa hia lompa hwom to e-sekya ojao chitüi.

MANGSOP 1:19

“Ku füi nokmüima ngokyabu kue se, ikoxlechu hwome ku to fongse chitsu. Nguapabu hia lompabu tingjang lomnubu ma zi, Hwom azangle ngo angkya hanpakma sütlomngale a.

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”

LIWI 26:29

Hünzom woknuak a huanu changüi ilaxle hünzome masu-masabu müi saxüi.

ISAIA 22:2

Tingnu pangnu khato wüi pupuale, khünaknu mongmüi to akhong-akhakya ozinge awangle tüile. Hünzom khünaknu opang ija zan ma zilaxpuix hwom a azankya ma zikya chichang.

2 PUKAX-PANGAO 36:17

Ikhoma Jowanpae hwom zan to Babilon nok wanghompa akat. Wanghompa-e Judah nok naosünbu Zangshwom-Hom ma jaojao lang. Chixe owatochu chingcha ahokya chitüile, mixmüi hia naosom, sheko hia lüka, kakmix hia bwotmix owa chu shanle chitox. Zang-e hwom pangwüi chix chak to dan.

JEREMIA 21:7

Ikoxlechu nang tomta hanpakma, nang nguakax-wangkho hwom hanpakma, ilaxlechu zan ma, otui-onuak ma, tamchu kaklak ma chimaxle tüikya khünaknu hanpakma: kue hünzom pangwüi, hünzom mik amüt-sele tsukya wanghompa Nebukadnezar hia hünzom zanpabu ang kop ang tomüi. Chixe hünzom tuita ngaxchu shanle müntox chichangba hünzom owawa hatochu chixe chingcha-jajakya müntüiüi. Ija kax Jowanpa, kue akaxdaoa.”

EZEKEL 9:7

Zang-e hwom ang thüi: “Zangshwom-Hom chitsaokya ang achang kox. Ija nya-obu a mangbu füi awang ang tomkox. Mok ang sütkox!” Ikhoma hwome tingnu ma khünakbu lang ang süt.