MANGSOP 2:2 - OTSAO BAIBEL (BSI)

² Judah angkya tingkhua pangnu Jowanpa-e chingchingchichale amütdaoa Ilaxle haxtok khosele ngokya zanhunui pünle adütdaoa. Chixe wangting hia ija apünle ngokyabu hato thünkhux-thajao apüidaoa.

MANGSOP 2:2 ပူးပေါင်းရင်းမြစ်များ

MANGSOP 3:43

“Nange kwom to achua ilaxle kwom langle awüt; nang mongtsike nang chingcha tukle thom,

MANGSOP 2:17

Jowanpae oshukma chixe moküile azakya mokdaoa: Chixe kem chingcha ojao chitüile amadaoa, kaitanto wüi chixe kaxkhün koxle thomdaokya ningle. Chixe kem zanpabu ang lütkya koxdaoa, kem nguakkya to hwom mongmüi ang tomdaoa.

ISAIA 43:28

ilaxle hünzom lompabue Zang mün ama zangshwomnui. Ikhoma kue Israel nok hato thama ahüi; kue ku khünaknu ajao-adale chang ang kox.”

ISAIA 25:12

Moab nok ziakop ang shwonkya tsuathakya long katukbu chixe amütüi ilaxle ibu haxbu khato wotle düt ang tomüi.

MÜNCHUAK-TSAI 21:9

Chix ngaikya zuma chixe ibu wün füi zokle ashunkya ningle olithu ang tomüi.

EZEKEL 9:10

Ikoxlechu kue hwom to chingchakya müntüiüi; hwome mix to chemle hwondaopuix ija ningle kue hwom to hwonüi.”

MANGSOP 2:21

Naosom hia zunu-zupa tomwüile tingjang lomnubu to mang ma pangle tüile, Naocha hia naosün hwom, zan changlo fang ma lamkyabu a. Nang mongtsik nyix nange ojao chingcha chitüile ibu langle awüt.

MANGSOP 2:5

Zanpa tuita ningle, Jowanpa-e Israel nok amütdaoa; Chixe she zanhunui hia chongwang homlobu ama toxdaoa. Chixe Judah angkya khünaknu hato chiashuk toxkya mongma ahüidaoa.

ISAIA 26:5

Ngamkya khünakbu chixe puinai ang tomle; hwom ngole tüikya tsak-zongkya tingnu chixe amale, ilaxle ija long katukbu haxbu ang achangle akhixle.

2 KORIN 10:4

Kwome achax-azan ang twonkya chang-pax a chaxwannu chang-pax münchang ikoxle Zang tsakzong chang-pax changle. Kwome ibu oshing mongle ziakop laxle ngokya tha ama ang twonle. Chichang khato kaxma ma alatkya pangnu tha kwome amale.

MATHI 18:33

Nang to kue chingchakya ningle ma zuikhui da tuita tochu nange chingchase tsyen changle.’

MALAKI 1:4

“Kwom tingnubu a amadaokya changpu, ikoxlechu ibu kwome zingle laxüi”, le Esau sixli Edom noke jang akax, Jowanpae hwom kax to lanüi: “Hwome ibu tamchatlechu naxzingkox--kue ibu anaole chuwüi pünle ama angkya changle. Khünaknue hwom ang ‘Othuithuima hwom füi Jowanpa ang mongtsikle ngokya ochax chaxwan’ le nyaküi.”

EZEKEL 8:18

Hwome ku mongtsik janzüi bakle awan ang kop angkya changle. Kue hwom to münshan chichangba chingcha ahole münchangüi. Hwome tsuakkya tukuxle akhongle ku to jopüi, ikoxlechu kue hwom zangjop to münapaüi.”

EZEKEL 7:9

Kue hünzom opupuchu müntox chichangba hünzom hato chingcha ojao münaho. Hünzome mokle changdaokya zakkop mwot bama kue hünzom to sikangünüi, ikoxtix ku a Jowanpa changle tamchu hünzom to sikangünle ngokya a ku changpule hünzome awanle laxüi.”

EZEKEL 7:4

Kue hünzom opupuchu müntox chichangba opupu tochu chingcha münaho. Hünzome mokle hüidaokya zakkop mwot khoma kue hünzom to sikangün angkya changle, ikoxtix hünzome ku a Jowanpa changle le awan ang kopüi.”

EZEKEL 5:11

“Ile ku a ozün ma tüikya Zang chang koxle: ija a Jowanpa Khüthak Zang zangwün changle: hünzom chichang-chizangkya hia ochax mwotbu füi ku Zangshwom-Hom akhu ang tomkya khoma, chingcha ojao chitüile kue hünzom dakle anguaküi.

JEREMIA 21:7

Ikoxlechu nang tomta hanpakma, nang nguakax-wangkho hwom hanpakma, ilaxlechu zan ma, otui-onuak ma, tamchu kaklak ma chimaxle tüikya khünaknu hanpakma: kue hünzom pangwüi, hünzom mik amüt-sele tsukya wanghompa Nebukadnezar hia hünzom zanpabu ang kop ang tomüi. Chixe hünzom tuita ngaxchu shanle müntox chichangba hünzom owawa hatochu chixe chingcha-jajakya müntüiüi. Ija kax Jowanpa, kue akaxdaoa.”

JEREMIA 13:14

Ifüima kue tipebu ningle kue hwom tata füi ahongle changüi, naosom hia mixmüi owachu süile müntox. Hwom mik amüt angkya ku chemningkya chingcha hia jajae chu abaxle tui ang müntho.”

JEREMIA 5:10

Ku khünakbu grep haxtok züt ang kue zanpabu ahüiüi, ikoxle ibu komkaile oli thu angkya hanpakmale münchang. Kue hwom ang okangsasa tum angkya akaxüi, chemthüikoxle okang ibu a ku kux münchang.

ISAIA 47:6

Ku a ku khünaknu füi mongtsikle ngokya; kue hwom to ku kux chichangkya ningle hwon: kue hwom a nang tsak-zong chak to kox, ilaxle nange hwom hato chingcha ojao chiaho; zunu-zupabu to ngaxchu nange ziamale hwon.

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

ISAIA 23:9

Ija a Jowanpa Khüthak Zang mwot changle. Hwome mokdaokya mwot bama tüikya hwom mongngam oshuk hato ahüi angkya hanpakma tamchu hwome achuak-achenle tüikyabu tha ajao angkya hanpakmale chixe ile mokkya changle.

JOB LAIPEX 2:3

Jowanpa-e atüi: “Nange ku dapa Job ngünhex chami? Chaxwannu ma chix lailaile mongong füikya hia müikya khünak owachu müntüi. Chixe ku to shwomle ilaxle tütali ma thaithaxle chichang angkya hanpakma chix tüle khünzaile. Nange chemtsai-chemkax chitüikhato Job zan to ka angkya kuma tsaiju-kaxjule changpu, ikoxlechu athaxkople Job mongong ma otiatia wüi.”

MÜNCHUAK-TSAI 74:7

Hwome nang Zangshwom-Hom thuple atsun ilaxle ija to wün lang; hwome nang to shwomle ngokya onui chitsaokya kha ang achangle ama.

ISAIA 22:5

Ija a chabüt-lasünkya, zane lütkya, ilaxle Mikngünohün Haxsha ma jemax-hwonsamkya hanpak changle. Kem hato ija a Jowanpa Khüthak Zang tokhange ahüikya changle. Kem long katukbu a thuple anguakdaoa, ilaxle asun hüile sopkya ozing a haxnukhobu to taitailaile atatle.

MIKA 5:14

Kue hünzom haxtok angkya baozangchanu Asherah chapabu thuple atsunüi ilaxle hünzom tingnubu amütüi.

TSAITONG-KAXTONG 28:52

Jowanpa hünzom Zang-e hünzom ang kox angkya haxtok ma atüitüi tingsho pangwüi to hwome single changüi ilaxle tüle chuakkya long katuk pan, ojabu to hünzome tüle mongongle tüikya hex, ibu bakle atsunüi.

TSAITONG-KAXTONG 32:22

Ku mongtsik a wünle laile jao chuale dongüi ilaxle chaxwantok angkya pangwüi zokle ashunüi. Ijae ama-lum jao alople changüi ilaxle haxnubu otsing komkaile zokle ashunüi.

JEREMIA 19:15

ilaxle Khüthak Jowanpa, Israel nok Zang-e akaxkya kax ngaile thüi: “Ija tingnu hia tomzi tinglongbu pangwüi hato, kue ahüiüile tsaokya sikngün pangwüi kue apüiüi, chemthüikoxle hünzom mong khüidaoa ilaxle hünzome ku zangwün to nathaüi münchang.”