MANGSOP 2:16 - OTSAO BAIBEL (BSI)

¹⁶ Nang zanpa pangwüie nang wanjaile ilaxle nang to nushix dongle hule. Hwome tun apexle ajao: “Keme ija ama tsuakdaoa! Anyix ija a keme tanle hungokya hanpak changle!”

MANGSOP 2:16 ပူးပေါင်းရင်းမြစ်များ

MÜNCHUAK-TSAI 35:21

Hwome ku ma kaxhux fele akhong, “Nange mokkya kwome ngündaoa!”

MANGSOP 3:46

“Kwom zanpabu noke wüi kwom chanyile wanjai.

MÜNCHUAK-TSAI 56:2

Nyixtungtale ku zanpabue ku to single. Ku füi alünle azan angkyabu huanuma tüile.

MÜNCHUAK-TSAI 37:12

Chichangchizangkyabu müikya khünakbu to tungle üntoxle miktsak füi hwom chanyi-wanjaile.

JEREMIA 51:34

Babilon nok wanghompa-e Jerusalem hütle lang ilaxle ija saxle awüt. Tikkux tuita ahuakya ningle chixe tingnu ahuale dan; baoma tuita ningle chixe ija jokle ling. Chix mong atsutsu chixe laxle pao ilaxle mamabu a tswonle awüt.

MÜNCHUAK-TSAI 124:3

hwom mongtsik-tsik ma, hwome kem ozün ma alwomle jokdaose;

MÜNCHUAK-TSAI 35:16

Tuita chafai mix chanyikyabu ningle, miktsak makhange hwome ku to khinle hu.

MÜNCHUAK-TSAI 22:13

Mailangbu lailaile hwome hwom wikhabu akapu, zadünle tse tamchu ku to khile hungale a.

WANGSHEMBU MWOT 7:54

Stefen zangwün apa laxle nguawangbu ang huanuma mongtsik dong ilaxle chix füikya mongtsike hwome wa azyak.

HOSIA 8:8

Israel chuwüi mixjat-mixli lailaile changdaoa ilaxle ija a ashixdaokya tikkux tuita ningle laxli chitüile changdaoa.

EZEKEL 36:3

“Aje-kox, ilaxle ku, Jowanpa Khüthak Zang-e akaxkya kax ija tsingang tomkox: Chemtue tomzi nokbue Israel haxnubu hwople koplaxle amale changpuix, noknusae Israel nok wanjaile chang.

EZEKEL 25:15

Jowanpa Khüthak Zang-e thüile: “Hwom füi tsün-tsün to zannok ang ngole hüikyabu to Filistia noke mongtsik ashukle olüix khom ilaxle hwom miktsak-mongngwom füi ibu amütle changdaoa.

EZEKEL 25:6

“Ija a Jowanpa Khüthak Zang kax changle: Hünzome chakbu akhaole mongmüi tungle fütle. Hünzome Israel haxtok thajao wünhaile chang ang tomle.

EZEKEL 25:3

Jowanpa Khüthak Zang, kue akaxkya kax ija o apale chang angkya hwom füi akaxkox: Ku Zangshwom-Hom akhule amakya ngünlaxle, Israel haxtok chilaxli ang awütle tüikya ngünlaxle, Judah angkya khünaknu zanda ang kople paokya ngünlaxle, ibu bama hünzom ang ngadongle.

JEREMIA 50:17

Jowanpae thüi: “Israel khünaknu a, mailangbue achuale asamkya chunbu ningle changpu. Pongwang ma hwom to Asiria chongwangpae singpu, ilaxle Babilon nok wanghompa Nebukadnezar-e hwom za jao shaole akhixpu.

JEREMIA 50:7

Hwom füi apongpong pangnusae hwom to sing. Hwome zanpabue thüi: ‘Hwome Jowanpa zongto ochax lyendaoa, idaile keme hwom to chemle hwonpuix ija ma thaikya müntüi. Hwom pupa hwome Jowanpa to mongong thom, iningle hwom chuwüi mongong füi ngokoxle müisepa.’

ISAIA 49:19

“Nang haxtok a amale owachu chingole changdaokya— ikoxle athax ija a hidaoküsa ang achangüi ikhato ngo ang nguingokyabu hanpakma. Ilaxle opange nang amale dantoxpuix ibu a nang füi ochu to atsaile apaoüi.

MÜNCHUAK-TSAI 112:10

Chichangchizangkya khünake ija ngünlaxle chix ang tüle mongtsikle; chix a miktsak füi wa aziakle samle paole; hwom monghom a othuithui hanpakma paodaoa.

MÜNCHUAK-TSAI 109:2

Chichangchizangkya hia tselopbue ku to single. Hwome ku bama khualople

MÜNCHUAK-TSAI 57:3

Zangkangting tokhange chixe ku to lanüi ilaxle ku khosünüi; chixe ku zothuple ngokyabu to anaoüi. Selah Tamchu chizakkya mongkün hia mongong-chalom Zang-e ku ang ahoüi.

MÜNCHUAK-TSAI 41:8

Hwome thüi: “Chix a chisumüile kak ngole; chixe chemtuechu chix lya danle müntoxüi.”

MÜNCHUAK-TSAI 35:25

“Chix chitüikya müidaoa! Kwome ija lomwüi!” le hwom lualua to zangwün ang taxtom.

JEREMIA 29:18

Kue hwom a ochax-ozan, woknuak-tilan hia okak-olak füi achuaüi, ilaxle hwome ija ngünlaxle chaxwannu angkya khünaknu nok a huanuma abütle changüi. Khünaknue hwom wanjaiüi ilaxle hwome ibu mün a othuak-ozom lom to lünüi.

JEREMIA 26:6

Hünzome chizakle kax ma chilax lüwüi jangngo, kue chemle Shiloh to hwondaopuix ijaningle ija Zangshwom-Hom to chuwüi moküi, ilaxle zangfang angkya onok pangnusae ija tingnu mün a othuak-ozom lom to lünüi.”

MANGSOP 1:21

“Apalax ku wotkya zing to; ku ang mong asomle fang angkya owachu chitüi. Nange ku hato thama ahüikya ngünlaxle ku zanpabu ang tüle mongmüile. Apüihüi nange tsaosaxkya nyix; ku sikngündaokya ningle ku zanpabu sikngün ang tomkox.

EZEKEL 5:15

“Chemtue ku ang hünzom füi mongtsik mongma laxle hünzom to sikangünle changüihex, hünzom akhople tüikya ting-nokbu a abüt-abanle changüi. Hwome hünzom to ajaole huüi ilaxle hünzom wanjaile changüi.

EZEKEL 23:32

Jowanpa Khüthak Zang-e thüile, “Nange hünna wansa makhange lingüi; ija a chong wüi chongle zudak tüile. Noknusae nang to kaxma thüile wanjaiüi; wansa ang awangle tüile.

MIKA 4:11

Jat-libu tüle-tüle hünzom to sing ang asoxüna. Hwome thüile: “Jerusalem a ama angkya wüi changpu! Kwome ija tingnu komkaile male paokya to huüi!”