MANGSOP 2:11 - OTSAO BAIBEL (BSI)

¹¹ Ku mikbu a sopkyakyae fingle tüile; ku chasa a chamax-muasamle tüile. Ku khünaknu maxkya bama mongmakyae ku na-juale maxdaoa. Süshix naosom hwom a tingjang lomnu to zakmaxle ngole.

MANGSOP 2:11 ပူးပေါင်းရင်းမြစ်များ

MANGSOP 1:20

“Hulax, O Jowanpa, ku künmax-mongshan to, chasa ma ku chamax-muasamle changkya to! Ku mongkha a ku ochax bama mongmaxkya ma ashixle changdaoa. Tingjang lomnubu to mix langkyabu tüile; hommong khato ngaxchu mang tüile.

MANGSOP 1:16

“Ikhoma ku mikbu a mikfie awangle tüile. Ku mong owaechu asomle fa ang müntho; owaechu ku mong achenle chichang. Zanpa ku to anaole changdaoa; ku khünaknu chak ma chemchu müntox.

JOB LAIPEX 16:13

ilaxle pangnu chito khange san füi happu. Ibu sanbue ku to tsunle maklax ang tompu. Itukuxle changkya füima ngaxchu chixe ku to chingchichapu.

JEREMIA 4:19

Kakle! Kue adu ang chithole kakle! Ku khaxtua! Ku khaxtua zongbakle jao twople! Ku dangjale ngo ang müntho; Kue nyazongbu zing atatle azan ang akhongkya zingbu a.

ISAIA 22:4

Athax a ibu ku khünaknu mikmaxünkyabu hanpakma mongmaxle sop ang ku to chitsale danhüi. Owaechu ku taxjox.

MÜNCHUAK-TSAI 22:14

Ku janzüi a samdaoa, chaxwan tok to ti thokkya zople paopu ninglea. Ku zapong-kapong bakle atsaile changüna; ku okhax-omong a bakle shanle paoüna.

MÜNCHUAK-TSAI 6:7

Kue mimima lanle ngünle; ku mikbu a fingsule tüile zanpabue ku mong asop thomkoxle.

KAXHO MÜIKYA LUK 23:29

Chemthüikoxle hulax: ‘Naosom chipux chipai le zomnu ang ngokyabu üntoxle otuechu tsom chiasipkyabu shomüi’, le khünaknue thüi angkya hanpak tunu hüile ngole.

JEREMIA 44:7

“Ikhoma, ku, Jowanpa, Israel nok Khüthak Zang-e, athax hünzome büthüikoxle iningkya ochax mwot mokpule alüile ma ma atüile. Hünzome, lüka, sheko, naosom hia pexlaksa hwom opupuchu ota chitoxle bakle naxmaxdaole thütpia?

JEREMIA 14:17

Jowanpae ku ang kaxtom koxle ku mongtsik bama khünaknu hama apua angkya tamchu: “Ku mik ma zangnak zangngaile mikfi jenle naxngo, ku sopkya tamchizakle naxchang, chemthüikoxle ku khünaknu to zule mak-kha laxle tüile ilaxle hwom to chisumüile thomzünle.

JEREMIA 8:19

Apalax! Haxtok pangkha towüi Ile ku khünaknu akhongkya kue atatle, “Zaion ma Jowanpa münngo hia? Zaion nok wanghompa ima müntüi hia?” Jowanpa, hwom wanghompa-e lan, “Hünzome ma chapabu to shwomlaxle tamchu laxli chitüikya mixnok baozangbu tong to akhuxlaxle ku ang mong büthüikoxle amapu?”

MÜNCHUAK-TSAI 69:3

Fong angkya nyakle akhongkyakyae ku zongshole maxündai, Ilaxle ku dingdua a zanle maxngole. Nang nguilaxle ku khosünle kop angkya hanpakma kue nang tanle hungopu.

MÜNCHUAK-TSAI 31:9

Jowanpa, ku to chingchahüi, chemthüikoxle ku a thangnak ma tüile; tüle sople ngokyae ku mik nadaoa; ku a komkaile chamax-muasamle changdaoa.

1 SAMUEL 30:4

Dawid hia chix khünakbu sopkya na lütix zakle shu.

ISAIA 38:14

Ku zangwün ngaxchu ashole nai, ilaxle su-o ngao ma ngaole ku sop. Zangkho to hukyakyae ku mik nale hüi. Jowanpa, ija zothup chak tokya ku azünhüi.

JOB LAIPEX 30:27

Sikngün hia tsangle kakkyae ku ashik-afündaoa; hanpak füima hanpakle kue sikngün apongle hüidaoa.

MÜNCHUAK-TSAI 38:8

Ku a shanle changdaoa ilaxle bakle thule akhündaoa; ku ang mongthang ngole, tsütle kakkyae ku wotpu.

MÜNCHUAK-TSAI 119:82

“Nange ku to chemtue fong angkya?”, le atüi pongma, nang kaxtsao to hule ngokya ku mik nadaoa.

MANGSOP 5:17

Kwom ang mongtsang ma tsangle kakle ilaxle mikfitie tixle kwome ngün ang chitho,

ISAIA 51:20

Lomnu nuk pangkha towüi nang khünakbu a hona-ojuae nguakle haxmax-zangsam; hwom a müikhisa tai ma mankya thatha ang achang. Hwom to Zang mongtsik janzüie po.

MANGSOP 1:11

She khünaknue hidaole ngaxchu sax angkya süt tüichale lom pongma awao; Hwom ozün ma thom angkya kux male hwome ma tuinabu osüt-oling füi alüix. Tingnu akhong: “Jowanpae ku max-samle ngokya chifün to huhüi.”