MANGSOP 2:1 - OTSAO BAIBEL (BSI)

¹ Jowanpa-e chix mongtsik füi Zaion to zangnake chwop ang tomdaoa. Zangdingkho tokya ija sünmüi chixe oma ang achangdaoa. Chix mongtsikle mongmakya nyix chixe chix Zangshwom-Hom ngaxchu wüi dantoxle.

MANGSOP 2:1 ပူးပေါင်းရင်းမြစ်များ

MÜNCHUAK-TSAI 132:7

Kwome thüi: “Hai, kempi Jowanpa hom to paohax; chix chongwang ngwotnui tunthoma chix to shwomhax.”

1 PUKAX-PANGAO 28:2

Dawid a, hwom pangwüi tunthoma ajong ilaxle pünzün-wangsaile akax: “Ku wangpünnu, ku kax to apahüi. Kem Jowanpa chiting nui, chix longza-Kaxfün Suak hanpakma othuithuima lax ang kue hom tuita zaile alaise tsupu. Kue chix achuak-achenle chang angkya hanpakma Zangshwom-Hom zai angkya achwon-athale changdaoa,

KAXHO MÜIKYA LUK 10:18

Jisu-e hwom kax to lan: “Ding to khange jantsang ajepkya ningle bao dütkya kue ngünpu.

MATHI 11:23

Üntoxle nang Kaparnaum! Nang a zangkangting to nwonle thombae le texpuix nyi? Nang a haolum to tswonle awüt daoüi; chemthüikoxle nang hama mokkya ohünotün mwot Sodom nok ma mokpuix thüikoxba, ija anyix kople tüise.

JOEL 2:2

Ija a zangnak tamchu kochidongkya nyix ang changüi, naktukle zangfwom atyenkya nyix a. Zazwop-kuknu süpahibu chongkya süsox-süsoxle soxle hüi haxnubu to alumle zangnaknu hüikya ningle. Ija ningle chemchu machangtox, ilaxle füichimachu ile münchangtoxüi.

EZEKEL 30:18

Chemtue kue Ijip nok tsak-zong thuple akhixlaxle hwom mongngamle tüikya janzüi olithule changüihex, ipongma Tahpanhes hato zangnaknu hüiüi. Ijip nok a zangfwome awangle changüi, ilaxle she tingnubu ma tüikya khünaknu a zanda ang koplaxle paoüi.

MÜNCHUAK-TSAI 99:5

Jowanpa kem Zang achuak kox; chix tüntong tunthoma achuak kox! Chix a Otsao changle!

KAXHO MÜIKYA LUK 10:15

Üntoxle Kaparnaum, nang ding to nwonle thomse texpuix nyi? Nang amalum fang to ajoüi!”

EZEKEL 24:21

Israel khünaknu hato ija kaxho fa angkya akaxle: Hünzom a Zangshwom-Hom tsak-zong bama mongngamle. Hünzome ija to huse tamchu ikhato nguisele tsule, ikoxle Jowanpae ija chitsaokya ang achang angkya changle. Hünzom homkha angkya khünak Jerusalem ma ngole tüikya füichi-naolibu a azankya ma zi ang tomüi.

MANGSOP 4:1

Jikjeple ngokya kwom hun bidaoa; Zangshwom-Hom angkya longbu tingjang to chiakle thomle.

MANGSOP 1:1

Hanpak tuita ma khünake awangle tüikya Jerusalem, chemle wandangjale tüipuix! Hanpak tuita ma zangfange chathua zale tüikya, athax she a thanu ang changdaoa; Tingnubu khama sümüipupa a da tuita ang changdaoa.

ISAIA 64:11

ilaxle kwom Zangshwom-Hom, kwom pupa hwome nang to shwomle ngokya otsao tamchu osün amüikya nui, wün füi zokle amadaokha. Kwome mongkünle tüikya onui pangwüi amadaokha.

2 SAMUEL 1:19

“Israel haxhuabu ma kem lompabu zile kox! Kem süpahi khama naomüi mong füikyabu nguakdaoa!

1 SAMUEL 4:21

She-e ija nao ang Ikabod thüikoxle “Zang fuazangkyae Israel nok danle toxdaoa” lükya tsyento mün ija nao ang mün kox; chemthüikoxle Jowanpa Tsaotsüt Suak nang amütdao, hohopa nang zidao ilaxle she kakopa nang zan to maxdao, ibu pangwüi to saile amün.

MANGSOP 2:17

Jowanpae oshukma chixe moküile azakya mokdaoa: Chixe kem chingcha ojao chitüile amadaoa, kaitanto wüi chixe kaxkhün koxle thomdaokya ningle. Chixe kem zanpabu ang lütkya koxdaoa, kem nguakkya to hwom mongmüi ang tomdaoa.

EZEKEL 19:12

Ikoxle mongtsik chak füi ija otsing makhange file lax ilaxle ija a haxkha to tswonle awüt. Handünchi zangwine ija oziak to jeple azan. Ija pünkangbu apakle akhai; hwome ija azan ilaxle zokle ashun.

1 SAMUEL 4:22

She-e “Zang fuazangkyae Israel nok dantoxdaoa”, le thüikya a:Jowanpa Tsaotsüt Suak amütkya to saikya changle.

MÜNCHUAK-TSAI 89:45

Hanpak mangui tanto wüi nang chix azupa ang achangdaoa ilaxle künmax-mongshankyae chix to alum ang tomdaoa. Selah

JEREMIA 30:14

Hünzom mongkünbue hünzom alakle awütdaoa; hwome hünzom hanpakma athax humele müntüi münchang. Kue hünzom to zan to singkya ningle singpu 2 hünzom zothup tsakle wüi changkya chemthüikoxle hünzom ochaxbu a huanu chang koxle ilaxle hünzom chichang-chizangkya a chongle chang koxle.

MANGSOP 1:12

“Ku to hulax!”, le-zyenüi khünakbu pangwüi füi akaxle she akhong: “Ku to kakkya ningle owa tochu makak tox, Chix mongtsik pongma Jowanpae ku hato ahüikya okak a.

MANGSOP 4:11

Jowanpae chix mongtsik janzüi khak-kha atsok; chixe Zaion ma wüntak laxle ija labu ang achangle zokle ashun.

EZEKEL 13:13

Athax ija a Jowanpae chem akaxpuix ija changle: “Ku mongtsik füi kue zangchei chongkya ahüiüi, thokle zangwat ang tomüi, ilaxle jun-longbu dütkyae katuk tsun ang tomüi.