MANGSOP 1:9 - OTSAO BAIBEL (BSI)

⁹ She chitsaokya ochwon ma ngünle lax, ikoxle she shoma hanpakma she to ojao chikak. She asongle dütkya a khomtsikya tuita; owaechu she joxle amüi ang chitho. She zanpabue lütdaoa, ilaxle she a Jowanpa ma chingcha jule akhong.

MANGSOP 1:9 ပူးပေါင်းရင်းမြစ်များ

TSAITONG-KAXTONG 32:29

Hwom to büthüikoxle lütpuixle hwome chingüntsuak; chempangle changpuix hwome ojao chitsing.

ISAIA 47:7

Nange nang a othuithuima wangchanu ang ngoüile thüt, ilaxle ibu mongkha to zule chilax chichangba ibu oshuk chemle shuüi chiajang.

MANGSOP 1:17

“Kue ku chakbu thüi: Ikoxlechu ku to owaechu münfongüi. Jowanpae pangnu chitokya zanbu ku zan to ka ang se; Chilaxle tüi tuita ningle hwome ku ashikle akhix.

HWON-NWOT-JAONO 4:1

Ifüima kue ija chaxwannu ma chisukya mwot mokle ngokyabu to hule anopu. Mix fangto ngokyabu a sople ngo, ilaxle hwom to owaechu chifong tsuak. Hwom to owaechu chifong tsuak, chemthüikoxle hwom to afangle thomkya khünakbu ma tsak-zong tüile ngo.

MÜNCHUAK-TSAI 25:18

Ku sikngün-mongthangbu ngünle laxhüi, ku ochaxbu thailakkya tüihüi.

ZEFANIA 2:10

Ile Moab hia Amon nokbu a, hwom mongngam hia mix to asongle hukya tamchu Jowanpa Khüthak Zang khünaknu adix-adale changkya khoma sikngün ang tom angkya changle.

JEREMIA 48:26

Jowanpae akax: “Moab to jutok ang laxkox, chemthüikoxle ijae ku zongto chichangle tüidaoa. Moab a ma fat dingma alüile atüiüi, ilaxle khünaknue ija chanyile changüi.

JEREMIA 2:34

Hünzom nyizabu a chem chitsingkya mixshix hia zasa hwom aji füi akhik laxle tüile, ahuxmix hwom aji füi münchang. “Ikoxlechu ibu pangnu lüi to,

ISAIA 3:8

Changle, Jerusalem a maxdaoa! Judah a nguakle ngole! Hwome akaxkax tamchu amokmok pangwüi Jowanpa zongto omama wüi; hwome ngaithole Zang adale.

MÜNCHUAK-TSAI 119:153

Ku sikngün to hulax, ilaxle ku khosünlax, chemthüikoxle chemtuechu kue nang wanlom ahaile chichang.

1 PITAR 4:17

Kaxfün owang wang angkya hanpak chwonle hüiüna, üntoxle pongwang ma kaxfün angkya a Zang khunakbu changle. Ija mwot kem makhange owang jangwang thüikoxle Zang chitsingkyabu füi chemle ashuk laxüi hex?

JUHAN 11:19

Honao zikya khoma mang sople ngokya, hona hia honao nyi mong asom ang, Meri hia Martha nyi hato Jehudi khünakbu huanuma nguile tüikya.

HOSIA 2:14

Ikhoma kue she a tamchatle sak-hax to paoüi; ikhato kue she a ku mongkün zangwünbu füi mongchat ang tomüi.

MANGSOP 4:1

Jikjeple ngokya kwom hun bidaoa; Zangshwom-Hom angkya longbu tingjang to chiakle thomle.

MANGSOP 2:13

O Jerusalem, ku mongkün Jerusalem, kue chemle wünthoüi? Kue chemle nang jox thoüi? Ija ningkya sikngün owaechu tüma-apong. Nang thama ma othüt chitüi tinukha lailai; monghom atak angkya olom ojao chitüi.

MANGSOP 1:21

“Apalax ku wotkya zing to; ku ang mong asomle fang angkya owachu chitüi. Nange ku hato thama ahüikya ngünlaxle ku zanpabu ang tüle mongmüile. Apüihüi nange tsaosaxkya nyix; ku sikngündaokya ningle ku zanpabu sikngün ang tomkox.

JEREMIA 50:29

“Sanhap füikya süpahibu ang Babilon to sing angkya akaxkox. Sanhap twon ang mankyabu pangwüi tomle akatkox. Tingnu akhople kopkox ilaxle owachu paole azang ang taxtom. Ijae mokdaokya pangwüi olüix khomkox, ilaxle ijae mix to chemle hwondaopuix ijaningle chix to hwonkox, chemthüikoxle tuita Israel nok Otsaopa, ku zongto ongam füi chixe mokdaoa.

JEREMIA 16:7

Owawa mamix zile changpongma owaechu owa füichu mong asom ang hexle tomsax-tomlingle chichangüi. Owaechu chingchajaja ahole chitüiüi. Honu hia hopa max-samle changkya khünak to ngaxchu humele chichangüi.

JEREMIA 13:27

Hünzome chixe anukya mwot mokle changkya chixe ngündaoa. Zwonpong tuita zwonnu tuita to achuale zikpupule hünzom a ma tomzi kakonubu füito zikle ilaxle haxkho hia kotho to hünzom a songsari baozangbu hato paole changkya chixe ngündaoa. Jerusalem angkya khünakbu, hünzom a maxdaoa! Hünzom a chemtue tsaotha laxüi?

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”

ISAIA 54:11

Jowanpae thüile: “O Jerusalem, nang sikngünle, fongle fa angkya mix chitüikya tingnu, owaechu nang mong asom fa angkya mix chitüile, kue nang chifün tamchatle thalix long füi zingüi.

ISAIA 40:2

Jerusalem angkya khünakbu ang mong achenkox. Hwome okuilole jao sikngün apongdaoa ilaxle athaxpi hwom ochaxbu thailak tüidaoale thüikox. Kue hwom to hwom ochaxbu khoma okhonguile sikangündaoa.”

ISAIA 37:29

Ku füi mongtsikkya hia nang mongngam bama ku hato kaxwün wangdaoa, ilaxle athax kue nang nakua makhange jankuix füi huküi ilaxle nang wikha danglang ataple koxüi ilaxle oja lomtang makhange nang nguipuix ija lom to kue nang chatle achatüi.”

ISAIA 37:23

Nange owa ajaole owa chanyipule texpu? Nange ku, Israel nok otsao Zang to chie-chisele changpu.

ISAIA 37:17

Athax, Jowanpa, kwom to apahüi ilaxle kwom to chemle chang-ngopuix hulax. Nang khüzün Zang to adix-adale chang angkya chempangsa Sennacherib-e akaxpuix ibu to apalax.

ISAIA 37:4

Asiria nok chongwangpae khüzün Zang tha ajao ang chix nguakax-wangkho ahüile. Jowanpa hünzom Zang-e ija ajao-ahaile changkya naxatat kox ilaxle ibu akaxkyabu to chixe sikngün naxfakox. Idaile kem khünakbu opang ozün ma tüipuix hwom hanpakma Zang to jopkox.”

MÜNCHUAK-TSAI 140:8

Chichangchizangkyabue mokse tsukya mokle tsuak ang taxtom, O Jowanpa; chixe tungkya ochax mwot mokle tsuak ang taxtom! Selah

NEHEMIA 9:32

“O Zang, nang kwom Zang, nang a chemtukux chongpuix! Chemtukux za-adünle, chemtukux tsak-zongle tüipuix! Nange chialekya mogong füi nange tsaokyabu kaxfün otya ma thom. Asiria nok wanghombue kwom to zothuple changkya tokhange, athax kople, kwom chemtukuxle sikngünle hüidaopuix! Kwom wanghombu, kwom lompabu, kwom nguapabu hia ajebu, kwom putong hwom, ilaxle kwom khünaknu pangwüi sikngünle hüidaoa. Kwome chemtukuxle sikngün apongle hüidaopuix texle atak-hu!

2 WANGHOMBU 14:26

Israel noke zothup huanuma apongkya Jowanpae ngünle lax; hwom to asun-azu angkya mix owachu chitüi.

2 SAMUEL 16:12

Owatsing Jowanpae ku sikngün ngünle laxüi ilaxle ija chix thuakzom lüi ma lax ang ku ang mohiman ozüita fale chuwüi changtüilax.”

1 SAMUEL 1:11

Hannah-e tsaotsütle thüi: “Jowanpa Khüthak Zang, nang danu ku to huhüi! Ku künduk-mongthang ngünle laxhüi ilaxle ku texle ataklax! Ku taxalakünfa! Nange ku ang lüka naosa tuita jangfa, kue chix atsaole, chix tsüntsüne nang thotha ang danüi ilaxle chix ang otuechu kho münsexüi.”

TSAITONG-KAXTONG 32:27

Ikoxlechu ku khünaknu to anaole tsuakdaoale kue hwom zanpabu ang mongngam ang tomse chitsu, chemthüikoxle hwom a ku jaojaoe thuple akhixkya changpu.’

TSAITONG-KAXTONG 26:7

Ifüima kwom to asun angkya bama kwome Jowanpa, kwom putong hwom Zang to nyakle akhong. Chixe kwome nyakkya ozing atatle lax ilaxle kwom sikngün-zolit ilaxle fuxtsüile nuzaokya ngünle lax.

LAIPAO 4:31

Hwome mongong, ilaxle chemtue hwom hato Jowanpa nguilaxle hwome sikngün apongle ngokyabu to komkaile hule toxkya kax atatle changpuix, ipongma hwome akhuxlaxle chix shwom.

LAIPAO 3:17

Kue thüipu, kue hünzom Ijip nok chak to sikngün apongle ngokya chak tokya alaile paoüi, ilaxle tsomti hia nax-ti shuajen jenle ngokya Kanan haxtok; Kanan nok, Hit nok, Amon nok, Periz nok, Hip nok tamchu Jebu nok ngokya chaxwan to apüiüi.’

LAIPAO 3:7

Ifüima Jowanpae akax: “Kue ku khünakbu Ijip chaxwan to sikngün ashukle ngokya nuzao ngünle laxdaoa, hwom mwot to hu-ang ngokya da humix khoma hwom sople ngokya kue atatdaoa. Hwom sikngün kue awan tomta daoa.

MÜNCHUAK-TSAI 69:21

Ku woknuak ma maxle changpongma, hwome ku ang zik-hing ningkya oma-oshix kox; chemtue ku tilan maxle tüipuix, hwome zik-hing sikya ningkya tisik kox.

ISAIA 51:19

Nang hato thama anyi athütle hüidaoa: ochax-ozane nang haxtok a chilaxle ang achangle toxdaoa, ilaxle nang khünaknu a woknuak ma ngo. Nang hato chingchajaja aho angkya mix owa chitüi.

MANGSOP 5:1

Texle ataklax, O Jowanpa, kwom to chemle pang changdao puix. Kwom to hulax, ilaxle kwom thünzak ngünlax.