MANGSOP 1:21 - OTSAO BAIBEL (BSI)

²¹ “Apalax ku wotkya zing to; ku ang mong asomle fang angkya owachu chitüi. Nange ku hato thama ahüikya ngünlaxle ku zanpabu ang tüle mongmüile. Apüihüi nange tsaosaxkya nyix; ku sikngündaokya ningle ku zanpabu sikngün ang tomkox.

MANGSOP 1:21 ပူးပေါင်းရင်းမြစ်များ

MANGSOP 1:8

She achuak-achenkya paodaoa; she a tomhua ma ilaxle mongtextex ma nutnuile. She awao ilaxle azakle thün khom. Jerusalem-e khomtsikya ochaxbu füi she alüile zakkop ang tom.

MANGSOP 2:15

Le-zyenüi khünaknue nang to khomtsile hu. Hwome hwom ngom akho-akhe ilaxle Jerusalem maxkya chanyi: Ija osün müikya tingnu changchami? Ija a chaxwannu mongngam changchami?

MANGSOP 1:22

“Hwom chichang-chizangkya ochax pangnu khoma hwom thaile le ajaokox; Nange ku to ku ochaxbu khoma chemle sikangünle changdaopuix ija ningle hwom tochu sikangün kox. Ku mongmaxle awaopu, ilaxle ku a mongkha ma kakle.”

MANGSOP 1:16

“Ikhoma ku mikbu a mikfie awangle tüile. Ku mong owaechu asomle fa ang müntho; owaechu ku mong achenle chichang. Zanpa ku to anaole changdaoa; ku khünaknu chak ma chemchu müntox.

JEREMIA 50:11

Jowanpae thüi: “Babilon angkya khünaknu, hünzome ku khünaknu thomjole toxpu. Hünzom a mongmüi-pwonlale ngole, tsaxnakle anguix ngokya maihu tuita ningle chichangba man tuita akhongkya ningle changkoxchu,

MÜNCHUAK-TSAI 35:15

Ikoxlechu chemtue ku hato thangnak hüipuix, hwom pangwüi mongmüi, üntoxle ku chanyi-wanjai ang tomle asox; mixnok wünpabue ku to fit üntoxle chizakle ku to chakmok.

MANGSOP 1:4

Otsao nazak nyix Zangshwom-Hom to zangshwom ang nguikya athaxpi khünak tuita chitüi. Ikhama tsai ngaole ngokya naochabu sikngün ma ngo, ilaxle nguapabu wotle awao angkya boma chemchu chitüi. Tingnu panja ahuasak, ilaxle Zaion a künduk-mongthang ma ngo.

MANGSOP 1:2

She a jamütungle sople apüi; she bwomzong to mikfi jenle ju. She üinu ozang hwom khama, she mong asom ang tuita ngaxchu chitüi. She füi nokmüile changkyabue she ale ilaxle athax a hwom pangwüi she zongto zan ang chang.

JEREMIA 51:24

Jowanpae thüi: “Jerusalem to hwome chichangchizangle chempang hwon daopuix ibu bama kue hwom to jannong alüikya hünzome ngünüi.

MIKNGÜN-OHÜN 18:6

She-e hünzom to hwondaokya ningle, ilailaile she tochu hwonkox; She-e mokdaokya mwot-thom to, othom anyie bole she ang oma laxkox. She-e hünzom hanpakma achwonkya ju, ito thom anyie nüile tsakkya ju füi, she pe awang ang laxkox.

JOEL 3:14

Hajat hajat makhange kaxfün fakya haxsha ma tüile. Jowanpa hanpak chwonle ngui angkya a ikhama changle.

EZEKEL 26:2

Chixe thüi: “Ija a Tair tingnu angkya khünakbu mongmüikya ozing changle. Hwome akhong, ‘Jerusalem a amadaoa! She thalex janzüi samdaoa! Athax otuechu she a kem zan ang münchangtoxüi!’

JEREMIA 51:49

Babilon noke zangfang pangnu khato khünak mik max ang tomle, ilaxle athax a hwome Israel nok huanuma amütle changdaokya khoma Babilon a nguak angkya hüipu. Ku, Jowanpae ija akaxdaoa.”

JEREMIA 50:31

“Babilon nok, hünzome a ongame awangle tüile, ikhoma Jowanpa Khüthak Zang, ku a nang zanpa ang changdaoa! Nang to sikangün angkya ku hanpak nguile hüidaoa.

JEREMIA 50:29

“Sanhap füikya süpahibu ang Babilon to sing angkya akaxkox. Sanhap twon ang mankyabu pangwüi tomle akatkox. Tingnu akhople kopkox ilaxle owachu paole azang ang taxtom. Ijae mokdaokya pangwüi olüix khomkox, ilaxle ijae mix to chemle hwondaopuix ijaningle chix to hwonkox, chemthüikoxle tuita Israel nok Otsaopa, ku zongto ongam füi chixe mokdaoa.

JEREMIA 50:15

Tingnu akhople ua-le single akhong kox! Athax Babilon-e chak ajong daoa. Ija pan katuk bakle amadaoa ilaxle atsundaoa. Kue Babilon nok to olüix khomle ngopu. Idaile hünzome hwom to olüix khomkox, ilaxle hwome mix to chemle hwondaopuix ilailaile hwom tochu hwonkox.

JEREMIA 48:27

Moab, nange Israel nok cha chemle nyikya dai texle atakcha? Nange hwom to ahuxmixbu kopkya to hwonkya lailaile hwondaoa.

JEREMIA 30:16

Ikoxle athax, hünzom jokle lingkyabu pangwüi jokle lingüi, ilaxle hünzom zanpabu pangwüi zanda ang koplaxle paoüi. Hünzom to afangle thomdaokyabu to afangle thomüi, ilaxle hünzom tsui changkyabu to tsui changüi.

MÜNCHUAK-TSAI 38:16

Ku shoma khoma ku zangpabue chanyile wanjaikya tüi ang taxtom; kue chithole changkya bama hwom tsaichong-kaxbongkya tüi ang taxtom!

MÜNCHUAK-TSAI 37:13

Ikoxlechu chichang-chizangkyabu cha Jowanpa nyile, chemthüikoxle lebama wüi hwom olithudao angkya chixe awanle.

ISAIA 14:5

Jowanpae ochax lompabu tsak-zong ashuk ang tomle;

ISAIA 14:6

chix a mongtsik ashukle khünaknu to zothuple ngokya ilaxle chixe kople tsuakkya jat-libu to zothupkya tamchizakkya mix changkya.

MANGSOP 2:16

Nang zanpa pangwüie nang wanjaile ilaxle nang to nushix dongle hule. Hwome tun apexle ajao: “Keme ija ama tsuakdaoa! Anyix ija a keme tanle hungokya hanpak changle!”