MANGSOP 1:20 - OTSAO BAIBEL (BSI)

²⁰ “Hulax, O Jowanpa, ku künmax-mongshan to, chasa ma ku chamax-muasamle changkya to! Ku mongkha a ku ochax bama mongmaxkya ma ashixle changdaoa. Tingjang lomnubu to mix langkyabu tüile; hommong khato ngaxchu mang tüile.

MANGSOP 1:20 ပူးပေါင်းရင်းမြစ်များ

MANGSOP 2:11

Ku mikbu a sopkyakyae fingle tüile; ku chasa a chamax-muasamle tüile. Ku khünaknu maxkya bama mongmakyae ku na-juale maxdaoa. Süshix naosom hwom a tingjang lomnu to zakmaxle ngole.

EZEKEL 7:15

Tingjang lomnu to achyet-amüikya, ilaxle homkha ma kaklak hia woknuak tüile ngo. Tatok to paole asukyabu a zan ma maxüi, ilaxle tingnu mong ma asukyabu a okak-olak hia woknuak shoma ma womüi.

ISAIA 16:11

Moab hanpakma mongmakyae ku wot, tamchu Kir Heres hanpakma mongmaxkya füi.

TSAITONG-KAXTONG 32:25

Ochax-ozan ma hwom tingjang lomnu to zikmüt mangkho atak ang tomüi; hwom homkhabu to tuma-wanshixkyae chakmok ang tomüi. Naocha hia naosünbu zile paoüi; Süshix-naosa hia taiko owachu shanle chitoxüi.

JEREMIA 4:19

Kakle! Kue adu ang chithole kakle! Ku khaxtua! Ku khaxtua zongbakle jao twople! Ku dangjale ngo ang müntho; Kue nyazongbu zing atatle azan ang akhongkya zingbu a.

JOB LAIPEX 30:27

Sikngün hia tsangle kakkyae ku ashik-afündaoa; hanpak füima hanpakle kue sikngün apongle hüidaoa.

HABAKUK 3:16

Ijabu pangwüi kue atat, ilaxle ku zale abün; zakyae ku tunpün abün. Ku tsangtsa ma jao-jao zong chitüile chang, ilaxle ku chitong ma chikho thu. Hanpak nguile hüikya thatanle ku dangjale ngoüi kem to single hüikyabu to Zang-e sikangünle changpongma.

HOSIA 11:8

“Israel, kue nang chemle danle awütüi? Kue nang chemle dantoxüi? Kue Admah amütkya ningle hünzom amütüi hi chichangba kue nang to Zeboiim to hwonkya ningle hwonüi hi? Ku mongkhae ku ang ija mok ang müntom! Hünzom tokya ku mongkün a huanu changpu.

MANGSOP 1:18

“Ikoxlechu Jowanpa a sukya changle, chemthüikoxle kue chix kax ma chilax. Ku kax to apalax, khünaknue pangnu khato; ku tsütle kakle ngokya to hulax. Ku naosom sheko hia lüka pangwüi zanda ang kople paodaoa.

MANGSOP 1:11

She khünaknue hidaole ngaxchu sax angkya süt tüichale lom pongma awao; Hwom ozün ma thom angkya kux male hwome ma tuinabu osüt-oling füi alüix. Tingnu akhong: “Jowanpae ku max-samle ngokya chifün to huhüi.”

MANGSOP 1:9

She chitsaokya ochwon ma ngünle lax, ikoxle she shoma hanpakma she to ojao chikak. She asongle dütkya a khomtsikya tuita; owaechu she joxle amüi ang chitho. She zanpabue lütdaoa, ilaxle she a Jowanpa ma chingcha jule akhong.

JEREMIA 48:36

“Owawae thuaput-waxmai angaole mangtsakya ningle Moab nok hia Kir Heres angkya khünaknu hanpakma ku mong sople, chemthüikoxle hwom ma tüipupu komle amütdaoa.

JEREMIA 31:20

“Israel, nang a kue mongkünkya kusa changle, kue ataxle mongkünkya mix a. Chemtue kue nang mün lünpuix, kue nang bama mongkün füi ajangpu nang bama mongkün füi a. Ku mongtsang nang hato laile pao; ku a chingchajajale tüiüi.

JEREMIA 14:18

Chemtue ku zang kotho to laile paopuix, kue zanhok ma langkya khünak mangbu ngün; chemtue ku tinglongbu to paopuix, kue khünaknu woknuak ma zile ngokyabu ngün. Zompu-zangpabu hia jebue hwom mwot mokle ngo, ikoxle hwome chem mokle ngopuix hwome chitik.”

JEREMIA 3:13

Nang thaidaoa, Jowanpa nang Zang zongto nang zanpa ang changle hüidao ale ngaikox. Nange ku kaxtombu kax ma chilax ikoxle pünnu tong hex athüithüi ma nang mongkün a mixnok baozangbu ang koxle tüidaoa. Ija kax Jowanpae akaxdaoa, le Israel füi akax angkya kax chixe ku füi akax.

JEREMIA 2:35

hünzome thüitüi, ‘Ku a oma chemchu chitikkya khünak; Jowanpa ang ku füi mongtsikya müntüi angpu.’ Ikoxle nange ochax lyenkya bama nang atsekya khoma Jowanpa kue nang to sikangünüi.

ISAIA 38:14

Ku zangwün ngaxchu ashole nai, ilaxle su-o ngao ma ngaole ku sop. Zangkho to hukyakyae ku mik nale hüi. Jowanpa, ija zothup chak tokya ku azünhüi.

WANWÜNKAX 28:13

Nange ma ochaxbu pyenle jangthom, nange tsün ma tho-lünkya münngüntoxüi.

MÜNCHUAK-TSAI 22:14

Ku janzüi a samdaoa, chaxwan tok to ti thokkya zople paopu ninglea. Ku zapong-kapong bakle atsaile changüna; ku okhax-omong a bakle shanle paoüna.

JOB LAIPEX 33:27

Chixe noknu tunthoma akaxüi: “Kue ochax lyendaoa. Kue changle chimok, ikoxlechu kua Zang-e panle thompu.

MÜNCHUAK-TSAI 38:8

Ku a shanle changdaoa ilaxle bakle thule akhündaoa; ku ang mongthang ngole, tsütle kakkyae ku wotpu.

JEREMIA 14:20

Kwome nang zongto ochax lyenle changdaoa, Jowanpa; kwome ku ochax ngaile ngopu ilaxle kwom pupa hwom ochaxbu a.

MANGSOP 1:8

She achuak-achenkya paodaoa; she a tomhua ma ilaxle mongtextex ma nutnuile. She awao ilaxle azakle thün khom. Jerusalem-e khomtsikya ochaxbu füi she alüile zakkop ang tom.

DANEL 9:5

“Kwome ochax lyenle changdaoa, kwom a chichangchizangle tüidaoa, kwome thaile mokdaoa. Nange kwom ang mok ang fakya kaxtom kwome chilaxle awüt ilaxle nange kwom hama ahole fakya sukya lomtang angkya kwom thaile paodaoa.

MANGSOP 5:16

Kwom mongngamle ngokya oli chemchu danle chitox. Kwome ochax lyen, ilaxle athax kwom a maxdaoa.