MANGSOP 1:19 - OTSAO BAIBEL (BSI)

¹⁹ “Ku füi nokmüima ngokyabu kue se, ikoxlechu hwome ku to fongse chitsu. Nguapabu hia lompabu tingjang lomnubu ma zi, Hwom azangle ngo angkya hanpakma sütlomngale a.

MANGSOP 1:19 ပူးပေါင်းရင်းမြစ်များ

MANGSOP 2:20

Hulax, O Jowanpa! Nange kwom to ile büthüikoxle sikangün ngopu? Mixnu hwome mongkünle tüikya naosom hwom müi saxle ngole! Nguapabu hia ajebu a Zangshwom-Hom jaoma mik amütle.

MANGSOP 1:11

She khünaknue hidaole ngaxchu sax angkya süt tüichale lom pongma awao; Hwom ozün ma thom angkya kux male hwome ma tuinabu osüt-oling füi alüix. Tingnu akhong: “Jowanpae ku max-samle ngokya chifün to huhüi.”

MANGSOP 1:2

She a jamütungle sople apüi; she bwomzong to mikfi jenle ju. She üinu ozang hwom khama, she mong asom ang tuita ngaxchu chitüi. She füi nokmüile changkyabue she ale ilaxle athax a hwom pangwüi she zongto zan ang chang.

MANGSOP 5:12

Kwom lompabu kople paolaxle afünle lang; kwom tüichong mixmüibu to ngaxchu chingchakya nox chitüi.

MANGSOP 4:17

Fongkya ojong tochu chiatak angkhato, kwome mik-hu ngwomle shule hu. Fongkya ojao chifa angkya khato kwome onok tuita to ngwomtokle hule tan.

JEREMIA 30:14

Hünzom mongkünbue hünzom alakle awütdaoa; hwome hünzom hanpakma athax humele müntüi münchang. Kue hünzom to zan to singkya ningle singpu 2 hünzom zothup tsakle wüi changkya chemthüikoxle hünzom ochaxbu a huanu chang koxle ilaxle hünzom chichang-chizangkya a chongle chang koxle.

JEREMIA 2:28

“Hünzom hanpak ang zingle alaikya hünzom baozangbu omaün? Hünzom sikngün-tuitaile changpongma ibu ang azünhüile thüilax—hwome tsuak angkya oli jangchangba! Judah, hünzom ang tüile ngokya tingnu büta hünzom ang baozangbu tüihupu.

JEREMIA 4:30

Jerusalem, nang a maxdaoa! Nange haxkhi-zangsumle omalax ang aza-apua ngo? Nange omalax ang likwünbu lax tamchu mikbu to zong füi lyetle changpu? Nange oba to nang sün jo amüile zing-ngole! Nang mongküne nang awütdao a ilaxle nang mik amüt-se tsule.

MANGSOP 1:1

Hanpak tuita ma khünake awangle tüikya Jerusalem, chemle wandangjale tüipuix! Hanpak tuita ma zangfange chathua zale tüikya, athax she a thanu ang changdaoa; Tingnubu khama sümüipupa a da tuita ang changdaoa.