MANGSOP 1:18 - OTSAO BAIBEL (BSI)

¹⁸ “Ikoxlechu Jowanpa a sukya changle, chemthüikoxle kue chix kax ma chilax. Ku kax to apalax, khünaknue pangnu khato; ku tsütle kakle ngokya to hulax. Ku naosom sheko hia lüka pangwüi zanda ang kople paodaoa.

MANGSOP 1:18 ပူးပေါင်းရင်းမြစ်များ

ZEFANIA 3:5

Ikoxlechu Jowanpa a ija tingnu mawüi tüile ngo; Chixe chem supuix ija mok ikoxle chem chisupuix ija otuechu chimok. Nopfokya to chixe chix khünaknu ang sukya kaxfün fa. Ikoxlechu ikhama tüikya ochax khünakbue ojao chiazakle chisukya mwotbu mokle ngo.

MÜNCHUAK-TSAI 119:75

Jowanpa, nang kaxfünbu a otsao changpule kue awanpu, ilaxle nang ma chialekya mongong tüikya khoma nange ku to sikangünpu.

MANGSOP 1:12

“Ku to hulax!”, le-zyenüi khünakbu pangwüi füi akaxle she akhong: “Ku to kakkya ningle owa tochu makak tox, Chix mongtsik pongma Jowanpae ku hato ahüikya okak a.

JEREMIA 12:1

“Jowanpa, kue nang füi ku zangwün bama alale jangchang, nang wüi sukya ang bangüijao. Ikoxle kue sukya kaxfün bama nang ma kax tuita atüi angkya wüi. Chichangchizangkya khünakbu mix büthüikoxle huanuma ahak-aluale tüipu? Chisax-chisukya khünakbu khünakbue mix chemle tholünpuix?

MANGSOP 3:42

“Kwome ochax lyendaoa ilaxle nang zan to kadaoa, ilaxle Jowanpa, nange kwom ang thailakkya chitüi.

MÜNCHUAK-TSAI 107:11

Ija a hwome Khüthak Zang tsak-zong füi alünle changkya khoma ilaxle chixe adangle fakya chilaxle changkya khoma.

NEHEMIA 9:33

Kwom to sikangünkya bama nange sukya mwot mokpu; Kwome ochax lyenle changkox ngaxchu, nang mongong ma chiale.

ROM NOK HATO ZAKYA POL LAIZA 3:19

Owaechu ma khosele zangwün angkya chitüi angkya ilaxle chaxwannu bakle Zang kaxfün hato apüi angkya hanpakma, wanlom ma atüitüi komle wanlom fangma ngokyabu pangnu hanpakma akaxkya changle le athax keme awan ang kople.

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

DANEL 9:7

Jowanpa, nange jento sukyakya wüi mokpu, ikoxle kwome kwom hato alüile thünkhux-thajao apüipu. Judah hia Jerusalem ma ngole tüikya hia nang kax ma chilaxle tüikya khoma zangfang ma pangnu chaxwan tok to chiakle tüikya Israel nok pangwüi zongto ija a otsing tomtata changpu.

JEREMIA 49:12

“Sikngün apong koxle ojao chiasukya mixe ngaxchu sikngün wansa angkya ling angkya changpu, hünzom to sik-chiangün homtoxle dantoxüile hünzome thütdaicha? Ile münchang, ija wansa angkya hünzome ling angkya wüi!

MÜNCHUAK-TSAI 145:17

Chix mwot pangnusa towüi Jowanpa a otsao changle, chix mwot pangwüi chixe chingchajaja füi mokle.

NEHEMIA 9:26

“Ikoxlechu nang khünaknue nang füi alünle ajong ilaxle nang kax ma chilaxle tüi; hwome nang Wanlom hato hwom tok aho. Hwom ang kaxkhün koxkya ajebu hwome langle awüt, nang hato mong chatle hüi angkya hwom füi akaxkyabu a. Janpong bato hwome nang tha ajao,

IZRA 9:13

Kwom ochax hia thaikyabu bama kwome sikngün komle apongle hüidaobachu, nange kwome kopsese sikngün ashukle kwom ang chifa ilaxle kwom ozün ma ngo ang tompu.

1 WANGHOMBU 13:21

ilaxle chixe Judah nok tokya ajepa füi akhongle akax: “Jowanpae thüile: Nange chix kax ma münlax tamchu chix kaxtom ma münmok.

1 SAMUEL 15:23

Chix zongto chichangle tüikya a tuita chajik-muashem mwot thatha ma amakya changpu, ilaxle ija a kaxma ma alanle chapa to shwomle changkya tukuxkya oma mwot changpu. Nange Jowanpa kaxtom kax ma chilaxle tekya khoma chixe nang a wanghom ang chilaxle awütdaoa.”

KAXFÜNPA-HWOM 1:7

Adonibezek-e thüi: “wanghom hwom 70 ang a chak-khi khinu hia chakhi khinubu texle awüt laxle ku tsap chitong angkya saxfun tswon ang koxdaopu. Hwom to kue chemle hwonpuix ija ningle Zang-e athax ku to hwonpu.” Chix ang Jerusalem to pao ilaxle chix ikhato zi.

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

LAIPAO 9:27

Wanghompa-e Mosa hia Arun nyi sele apüi ilaxle akax: “Izuma kue ochax lyendaoa; Jowanpa wüi sule. Ku tamchu ku khünakbu thaidaoa.

MÜNCHUAK-TSAI 119:137

Jowanpa, nang a otsao changle, ilaxle nang wanlombu sukya changle.

JEREMIA 4:17

ilaxle zimfa nyele ngokya khünakbu lailaile hwome Jerusalem akhople kopüi, chemthüikoxle she angkya khünaknue Jowanpa zan to kale tüile. Ija kax Jowanpae akaxdaoa.

JEREMIA 32:23

Ikoxle chemtue hwom ija haxtok to nguipuix ilaxle ija kop ang sütpuix, hwome nang kaxtombu kax ma chilaxle ilaxle nang hwom-nwot ningle hwom chingo; nange hwom ang kaxtom fakya mwot hwome chemchu chimokpu. Ikhoma nange hwom hato ibibi thomshix thama ahüipu.

DANEL 9:5

“Kwome ochax lyenle changdaoa, kwom a chichangchizangle tüidaoa, kwome thaile mokdaoa. Nange kwom ang mok ang fakya kaxtom kwome chilaxle awüt ilaxle nange kwom hama ahole fakya sukya lomtang angkya kwom thaile paodaoa.

AMOS 8:13

Ija nyix a tsaktan-zongtan tüikya naocha hia naosün hwom ngaxchu tilan ma maxüi.

MANGSOP 5:16

Kwom mongngamle ngokya oli chemchu danle chitox. Kwome ochax lyen, ilaxle athax kwom a maxdaoa.

ZEKARIA 1:6

Ku dapa aje hwom makhange kue hünzom pupa hwom ang kaxtom hia kaxkhünbu koxle hüipu, ikoxlechu hwome ibu kax to chiapa ikhoma hwome ija olüix apongle sikngün kop angkya lai. Ifüimatix, Jowanpa, kue chemle texlaxpuix ija ningle hwom to sikngün ang tomkya changa, le tsing laxle mongchat.’”