MANGSOP 1:17 - OTSAO BAIBEL (BSI)

¹⁷ “Kue ku chakbu thüi: Ikoxlechu ku to owaechu münfongüi. Jowanpae pangnu chitokya zanbu ku zan to ka ang se; Chilaxle tüi tuita ningle hwome ku ashikle akhix.

MANGSOP 1:17 ပူးပေါင်းရင်းမြစ်များ

JEREMIA 4:31

Kue sopkya ozing tuita atat, mixcha tuita nao ngün ang sopkya zing ningle, mixcha tuitae pongwang lükya nao ngün ang awaokya ningle. Ija a wikha akalaxle zaksyet ang azongle Jerusalem sopkya zing tuita, she chak pünlaxle she-e thüi: “Ku a maxdaoa! Hwom a ku lang ang nguile ngole!”

ISAIA 1:15

“Chemtue hünzome zangjop ang hünzom chak nwonle changpuix, kue hünzom to ojao münhu. Hünzome obukux wüi jopkoxlax, kue münapa chemthüikoxle hünzom chakbu a ajie awangle tüile.

MANGSOP 1:9

She chitsaokya ochwon ma ngünle lax, ikoxle she shoma hanpakma she to ojao chikak. She asongle dütkya a khomtsikya tuita; owaechu she joxle amüi ang chitho. She zanpabue lütdaoa, ilaxle she a Jowanpa ma chingcha jule akhong.

MANGSOP 1:19

“Ku füi nokmüima ngokyabu kue se, ikoxlechu hwome ku to fongse chitsu. Nguapabu hia lompabu tingjang lomnubu ma zi, Hwom azangle ngo angkya hanpakma sütlomngale a.

MANGSOP 1:16

“Ikhoma ku mikbu a mikfie awangle tüile. Ku mong owaechu asomle fa ang müntho; owaechu ku mong achenle chichang. Zanpa ku to anaole changdaoa; ku khünaknu chak ma chemchu müntox.

2 WANGHOMBU 25:1

Babilon nok wanghompa Nebukadnezar füi Zedekiah alünle ajong, ikhoma Zedekiah wanghom ang achangkya zanglao aku lükya lyetbün ma nyixbün lükya to Nebukadnezar, chix süpahibu pangwüi koplaxle nguile Jerusalem tingtak. Hwome tingnu tokna ma athongle pom zai, ija akhople zanhunuibu zai,

HOSIA 8:8

Israel chuwüi mixjat-mixli lailaile changdaoa ilaxle ija a ashixdaokya tikkux tuita ningle laxli chitüile changdaoa.

EZEKEL 36:17

Chixe thüi: “Ziün angkya khünak, chemtue Israel khünakbu hwom haxtok ma ngole tüikya hex, hwom ngokya zanglom-saikha hia mokkya mwot makhange hwome ija chitsaokya haxtok ang achang. Kue hwom zanglom-saikha a shekobu tutsyen paole changpongma zanglom ma chitsaokya ang tüikya füi tuita ang laxpu.

MANGSOP 4:15

Khünaknue akhong: “Paoün! Hünzom a akhudaoa!” Ikhoma hwom onok tuita angkya onok tuita to samle aham, owaechu hwom wünpwonle chikop.

MANGSOP 1:21

“Apalax ku wotkya zing to; ku ang mong asomle fang angkya owachu chitüi. Nange ku hato thama ahüikya ngünlaxle ku zanpabu ang tüle mongmüile. Apüihüi nange tsaosaxkya nyix; ku sikngündaokya ningle ku zanpabu sikngün ang tomkox.

MANGSOP 1:2

She a jamütungle sople apüi; she bwomzong to mikfi jenle ju. She üinu ozang hwom khama, she mong asom ang tuita ngaxchu chitüi. She füi nokmüile changkyabue she ale ilaxle athax a hwom pangwüi she zongto zan ang chang.

JEREMIA 34:22

Kue hwom ang kaxkoxle changüi ilaxle hwom a ija tingnu hato chatüi. Hwome ija to singüi, ija hwople kopüi, ilaxle ija zokle ashunüi. Kue Judah angkya tingnubu a owachu chingokya sak-hax ang achangüi. Ku, Jowanpae ija akaxdaoa.”

JEREMIA 16:6

Hakpa-luapa hia tüimix-nuak mix pangwüi ija haxtok ma ziüi, ikoxle owachu hwom man münsop ilaxle owae hwom münakhün. Hünzom kha angkya owaechu ma thün münakhiküi chichangba mongma ahole kho-ongle münchangüi.

JEREMIA 6:3

wanghombue ikhato süpahibu füi tomle pom zaile ngoüi. Hwome tingnu akhople hwom nyihombu ajongüi, ilaxle hwom pangnusae ma mong atsutsu ma pom zaile athongüi.

1 WANGHOMBU 8:38

ipongma hwom zangjop to apakox. Israel nok nang khünak owawae athukle küntsik-mongmakya tokhange, ija Zangshwom-Hom chito chakthui laxle zangjople changpongma

1 WANGHOMBU 8:22

Ifüima Solomon tö-tsap zui to donglaxle khünaknu tunthoma ajong. Imakhange chixe chak ajong

JEREMIA 8:18

ku mongma kak müifang münchang; Ku a khaxtua ma kakle.

JEREMIA 12:9

Kue zünle kopkya khünaknu a osa tuita lailai olae shingpupule pangnuchi tokhange singlangle. Faomüibu sele asox kox ija müisüt ma wom ang!

MANGSOP 1:8

She achuak-achenkya paodaoa; she a tomhua ma ilaxle mongtextex ma nutnuile. She awao ilaxle azakle thün khom. Jerusalem-e khomtsikya ochaxbu füi she alüile zakkop ang tom.

HWON-NWOT-JAONO 4:1

Ifüima kue ija chaxwannu ma chisukya mwot mokle ngokyabu to hule anopu. Mix fangto ngokyabu a sople ngo, ilaxle hwom to owaechu chifong tsuak. Hwom to owaechu chifong tsuak, chemthüikoxle hwom to afangle thomkya khünakbu ma tsak-zong tüile ngo.

ISAIA 54:11

Jowanpae thüile: “O Jerusalem, nang sikngünle, fongle fa angkya mix chitüikya tingnu, owaechu nang mong asom fa angkya mix chitüile, kue nang chifün tamchatle thalix long füi zingüi.

JEREMIA 15:5

Jowanpae thüi: “Jerusalem angkya khünaknu, hünzome ching owa chaüi, ilaxle hünzom mang owa sopüi? Hünzom chemle tüipuixle atüi angkya okuilole owa zakthoüi?