Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MANGSOP 1:15 - OTSAO BAIBEL (BSI)

15 “Ku süpahi atsakkyabu cha Jowanpa nyi; Ku naosombu amüt ang chixe süpahibu akat. Grep-ti fyetkya nui to grep zutle asyep pupule chixe ku khünaknu zutle asyep.

အခန်းကိုကြည့်ပါ။ ကော်ပီ




MANGSOP 1:15
27 ပူးပေါင်းရင်းမြစ်များ  

Kue ija mwot mokkya nyix, hünzome ochax to lütkya tüiüi, ilaxle hwom a hünzom chifa fang tokya haxbu ningle.


Jowanpae lan: “Kue grepbu to nakkya ningle chaxwannu nok to cha füi nakdaoa, ilaxle ku to asun ang owachu chihüi. Ku mongtsiktsik ma kue hwom to nak, ilaxle hwom ajie ku nyi-za bakle akhikdaoa.


Hünzome oja zangwün zikmüt-mangkho füi tsuakle tüipuix, ija a oman chitoxle amütüi. Chemtue thama zutle hüiüihex, ijae hünzom to lüt ang tomüi.


Anaxkya changlo oja füi chixe chaxwannu nok to anao angkya hex, ija changlo chix wikha angkya lai. Chixe jan kaithox füi hwom thakma apün angkya changle, üntoxle tüle shixkya Khüthak Zang mongtsik grep-ti fyetnui to chix cha füi tingüi.


Jangchangba, ochax tokya hwom atsaole fakya Zang aji chem angchu chilaxle hwon tamchu chingcha fakya chasa adix-adale opange Zang Hosa tha ajaole changlaxpuix, ajang anohu, hwome kop angkya zothup otukux thama changüihex!


Üntoxle hwom züizüi chang ma maxüi; hwom züizüi kop laxle pangnu chaxwan to paoüi. Üntoxle mixnok hanpak ma-ashuk ma-ashukle Jerusalem to mixnok cha füi naküi.


Ikoxle kem zanpabu opange kem chanyi laxle “Jowanpa hünzom Zang a omaxün?”, le akaxpuix, keme ibu to lomtang angkya haxthom to tingpupu le nakle tingle lütkya ngün ang kopüi.


Ija kax thoto wanghompa ang huanuma mongtsik dong, ilaxle mixsün hwom azom chix hato apüi angkya kax kox.


Kem chasa kun khato zutle akhix thomkya Jowanpa-e awanle ngole;


Babilon nok wanghompa-e Jerusalem hütle lang ilaxle ija saxle awüt. Tikkux tuita ahuakya ningle chixe tingnu ahuale dan; baoma tuita ningle chixe ija jokle ling. Chix mong atsutsu chixe laxle pao ilaxle mamabu a tswonle awüt.


Ija to pangnuchi makhange singkox ilaxle hwome saxziak shole thomkya saxpung daple dongkox! Saxjun thokle dan pupule tsui kopkya tuinabu dankox! Ija haxtok amale toxkox! Ikhama chemchu taxtox!


Hünzome Babilon nok süpahi pangwüi to anao ilaxle maklaxdao pupu hwom nyihombu ma opao chitsuakle danle tox, ile changkox-ngaxchu ibu laoxle zo ilaxle ija tingnu zokle ashuntox angkya changle.”


Ikoxle athax, Jowanpa, hwom naosombu woknuak ma zi ang laxkox; hwom a zan ma max ang tomkox. Mixnu hwome ma kakopa hia naosom hwom amüt-asamle naxchang kox; mixpabu a okak-olak ma ilaxle tsünzün thom a zanhok male max ang tomkox.


Jowanpae ku ang kaxtom koxle ku mongtsik bama khünaknu hama apua angkya tamchu: “Ku mik ma zangnak zangngaile mikfi jenle naxngo, ku sopkya tamchizakle naxchang, chemthüikoxle ku khünaknu to zule mak-kha laxle tüile ilaxle hwom to chisumüile thomzünle.


“Handünchi tokhange anaole hüikya ija a owa, chix alele chito chixe wüi anaokya a? Wanghom-wanghombu hia onok onokbu to lüt angkya chix ang janzüi owae kox? Ibu a haxkhix-labu tukuxle chix changlo fang ma nguak. Chix sanhap tuntho to hwom a tsaxsabu ningle pikle pao.


“Kue ku grep haxtok to ile mok angkya changle; kue ija akhople tüikya tsawat paoüi, ija to tsyenle thomkya katuk atsunüi, ilaxle faomüie ibu naxsaxkox tamchu nakle naxakhixkox.


Nang wanlombu kax ma chilaxle tüikyabu pangwüi nange chilaxle awüt; hwome dyenlale atsing-atsangkya mwot laxli chemchu müntüi.


ilaxle Jehu-e hwom ang thüi: “She e adütdao.” Hwome she hax to tswonle awüt ilaxle she ajie katuk hia manbu to fule chwop. Jehu-e chix man hia man-kanlin she ding ma alyet,


Zanglao 18 hanpakma ibue Gilid angkya Amor nok Jordan Shuanu zongma handünchi ma ngole tüikya Israel nokbu to sikngün-zothuple ngo ang tom.


Hünzome sikngün ashukle zaile alaikya saxziak mixnoke tsuile paodaoüi. Othuithuima mix fang to ngokya hia atsangle aza-anakya sikngün boma chemchu chikopüi.


Jowanpa, hwom füikya nang mongtsike ku to ngaxchu zokle, ilaxle athaxpi kue ija kople thom ang müntho.” Ifüima Jowanpae ku ang thüi: “Ku mongtsik a tingjang lomnu tokya naosombu hia naocha-naosünbu asoxle ngokya ding to thokkox. Kakonu hia kakopabu a tswonle paoüi, azupi hia azupa hwom ngaxchu shanle müntox.


Sak-hax zangwin to jeple paopu tsaxsa lailaile Jowanpae hünzom a chaxwan tok to chiak angkya changle.


Hwom a huanuma chichang-chizangkyabu changle; tsaxtu pongma tsax zütkya ningle hwom zütle anguak dao; oti jenle laile machang-machangle, grep ziak awangle sholaxle fyetkya ningle hwom komle fyetle asumdao.”


Naosom hia zunu-zupa tomwüile tingjang lomnubu to mang ma pangle tüile, Naocha hia naosün hwom, zan changlo fang ma lamkyabu a. Nang mongtsik nyix nange ojao chingcha chitüile ibu langle awüt.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ