MANGSOP 1:14 - OTSAO BAIBEL (BSI)

¹⁴ “Chixe ku ochax pangwüi akhi-atak ilaxle ibu pangwüi tuita ma athop; Chixe ibu ku dingkux ma alikle kox, ilaxle ijae lixle ku ang zongsho. Jowanpa-e ku a ku zanpabu chak to kox, ilaxle ku hwom tuto chem angchu chichangle max.

MANGSOP 1:14 ပူးပေါင်းရင်းမြစ်များ

ISAIA 47:6

Ku a ku khünaknu füi mongtsikle ngokya; kue hwom to ku kux chichangkya ningle hwon: kue hwom a nang tsak-zong chak to kox, ilaxle nange hwom hato chingcha ojao chiaho; zunu-zupabu to ngaxchu nange ziamale hwon.

TSAITONG-KAXTONG 28:48

Ikhoma, Jowanpae hünzom hato ahüi angkya zan-nokbu thothale hünzom ngoüi. Hünzom a wokno-tilanle tamchu tsangtsa ma chemngax chitüile tui-nolanle ngoüi. Hünzom bakle olithule machang tanto Jowanpae atsangle afang thomüi.

EZEKEL 25:7

Hünzome ija ile mokkya khoma, kue hünzom a, hünzom kux-ka tsuile pao angkya hia amale tox angkya mixnokbu chak to koxüi. Hünzom a komkaile amütüi, ilaxle otuechu onok-oza le münngo chichangba hünzom haxtok hünzom kux ang münchangtox. Ifüima hünzome ku a Jowanpa wüi changpule awan ang kopüi.”

EZEKEL 25:4

Ile hünzom ang mongmüile changkya khoma, handün chitokya jat-libu apüilaxle kue hünzom tingtakle kop ang tomüi. Ibue hünzom haxtok ma hwom pombu zaile changüi ilaxle ikhato hwom hom-haxbu zaile ngo ang tomüi. Hünzome saxhaxkux pünziak hwome saxüi ilaxle hünzome linghaxkux tsomti hwome lingüi.

JEREMIA 28:14

Chixe ibu jat-li pangnusa ang wüi jan danglang alikle koxüi ilaxle Babilon nok wanghompa Nebukadnezar thothale chang ang tomüi; chixe faomüibu ang ngaxchu wanghompa Nebukadnezar thothale chang ang tomüile Jowanpae akaxle.”

WANWÜNKAX 5:22

Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

HOSIA 5:14

Kue Israel hia Judah to mailangpa lailaile shingle hüiüi. Kujaoe hwom ashikle akhixlaxle dantoxüi. Chemtue kue hwome linle paoüihex, owaechu hwom khosünle kop ang chithoüi.

EZEKEL 23:28

Ija a Jowanpa, Khüthak Zang-e akaxkya kax changpu: “Nange anule tamchu mongshix le hukya khünakbu chak to kue nang koxle apaoüi.

EZEKEL 21:31

Kue ija wünkhix ningle hünzom khangkho ma danle apaokya zuma hünzome ku mongtsike pokya awanle laxüi. Ilaxle kue hünzom a, tuikhex chitüikya khünakbu, thama adün ang ataxle awan ngokyabu chak to kox angkya changle.

EZEKEL 11:9

Kue tingnu angkya nang paoüi ilaxle nang a mixnokbu chak to koxüi. Kue nang a mik max ang tom angkya zangwün tsuakdaoa,

JEREMIA 37:17

Ofüima wanghompa Zedekiah-e ku apüi ang apao, ilaxle wanghom homlo ma chixe huxsa ma ku ma atüi: “Jowanpa tokhange kaxho tütali tüichami?” Kue lan: “Tüile! Nang a Babilon nok wanghompa chak to kox angkya changle.”

JEREMIA 32:5

Zedekiah a Babilon nok to paoüi, ilaxle kue chix füi zangwünle machang tanto chix a ikhato ngoüi. Chixe Babilon nok füi azanle changkoxchu, chixe lütüile münchang. Ku, Jowanpae ija akaxdaoa”, lükya Jowanpa kaxho kue apüipule kaxhux fe.

JEREMIA 27:12

Ija kaxkax wüi kue Judah nok wanghompa Zedekiah füichu akaxpu: “Babilon wanghompa chak to koxlax. Chix tamchu chix khünaknu thothale changlax, ikoxtix nang ozün ma ngoüi.

JEREMIA 27:8

“Ikoxle owawa jat-li hia wangting tuitae chix ang apün ang chitomle jangchang, kue ija onok to ochax-oza, woknuak-tilan ibu füi, Nebukadnezar chak to hwom komkaile maxle machang machangle sikangünüi.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

ISAIA 14:25

Kue Asiria nok a ku haxtok Israel ma amütüi ilaxle ku haxnubu ma hwom to cha füi naküi. Asiria nok dang chak tokya tamchu hwome hün angkya hünlit chak tokya kue ku khünaknu danüi.

JEREMIA 28:13

Hananiah hato nguilaxle ija akax angkya kaxkox: “Nange pün danglang apak-akhix ang thokoxlax, ikoxle chixe ija jan füi lüile zingüile Jowanpae thüile.

JEREMIA 32:3

Wanghompa Zedekiah-e ku kun to shole thom ilaxle chixe ku ma: “Kue ija tingnu a Babilon nok wanghompa ang kop ang tomüi,

MIKA 2:3

Ikhoma Jowanpae akax: “Kue hünzom hato thama apüi ang mongzangwünle ngole, ilaxle ija chak tokya hünzom azangle pao ang münthopu. Ma thoma alüile hünzom a thama ma bangüi, ifüima hexle athaxpi hünzom ongam ahole aham angkya chitüiüi.