Maxkya chifün ma she tata athax, Jerusalem-e she sünmüi-joma thütle atak. Chemtue she a zanpabu chak to dongpuix, she to asunle fa angkya mix tuita chitüi; She to anaokya zuma lütkyabue she chanyile wanjai.
Müiza hia ajibu ku ang tö koxle changpongma, hwome Khwonzüt-Zom chizingkya hia ku kax ma chilaxle tüikya khünakbu Zangshwom-hom homkha to adünkya makhange hwome ku Zangshwom-Hom chitsaokya ang achangdaoa.
Zang-e hwom ang thüi: “Zangshwom-Hom chitsaokya ang achang kox. Ija nya-obu a mangbu füi awang ang tomkox. Mok ang sütkox!” Ikhoma hwome tingnu ma khünakbu lang ang süt.
Kue ija tingnu ang tuina zan-nokbue tsui pao ang tomüi ilaxle ima atüitüi pangwüi, Judah nok wanghompa tuina ngaxchu wüi bakle Babilon nok to pao ang tomüi.
Jowanpae ku ang thüi: “Kue ku khünaknu angkya tuina hia ngun-syenbu hünle pao angkya zan-nokbu ahüiüi. Ija a pangnu khato wüi hwome mokle hüikya ochaxbu khoma tuita tsangmüt ang changüi.
Hünzome Ijip nok tokya lailaxle lomba to tüipongma hwome hünzom ang süt hia ti jukoxle chemngaxchu chifa, ilaxle hwome Mesopotamia angkya Pethor tingnu ma ngokya Beor sasün Balam hwome hünzom to thuakzomle chang ang shakle apüi.
Babilon nok wanghompa-e, Zangshwom-Hom, Zangshwom-Hom tuinabu, wanghompa hia chix nguakax-wangkho hwom tuinabu, ibu pangwüi tsuile koplaxle Babilon nok to kat.