MALAKI 4:2 - OTSAO BAIBEL (BSI)

² Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

MALAKI 4:2 ပူးပေါင်းရင်းမြစ်များ

JEREMIA 33:6

Ikoxlechu ija tingnu hia ima tüikya khünaknu okak-olak pangwüi kue zingle achatkoxüi. Kue hwom hato okhonguikya mongsom hia zazyen angkya chitüile ngo angkya chingcha ahole koxüi.

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

ISAIA 30:26

Lyetnu a zanghan tukux nyanle tüiüi, ilaxle zanghan a jao angkya to othom anüte nüile, nyix anüt mongma nyakkya senyan zong ta ma asüilaxle nyankya ningle nyanüi. Jowanpae chix khünakbu to maklaxle tüikya to lople amüikya zuma ija ile changüi.

KAXHO MÜIKYA LUK 1:78

Kem Zang a chingchajaja füikya changle. Dongkya senu ningle nyankya, khosünpa chixe kem hato ahüiüi

JUHAN 8:12

Anaolechu Jisu-e farisibu ang thüi: “Ku a chaxwannu zangngai; ku füito azuikya khünakbu zangnak ma münaham, ikoxle hwom ma khüzün zangngai tüiüi.”

ISAIA 53:5

Ikoxlechu kem ochax khoma chix to maklax, keme mokkya ochax khoma chix to chakmok. Chixe apongkya sikngün khoma tix kem kak müi, chix to chakthom topkya khoma kem kuimüi-zangmale ngo ang kop.

MALAKI 3:16

Ifüima Jowanpa thua zale ngokya khünakbue tata füi zangwün, ilaxle Jowanpae hwom zangwün to apa üntoxle ija atatle lax. Chix mikngün ma, zale thomkya laipex tuita ma, Jowanpa chathua zale tüikya hia chix to achuak-achenle tüikyabu zale kop.

MIKNGÜN-OHÜN 22:16

“Jisu, kue hünzom ang ibu tsingang tom angkya hanpakma kaxtaimix apaodaoa. Ku a Dawid sixli tokhange hüikya changle; ku a tüle nyankya swomsa lyettsi changle.”

JUHAN 1:4

Ija Kax a khüzün otong changkya üntoxle ija khüzüne khünaknünsa hato zangngai apüi.

2 SAMUEL 23:4

chix a zangmüi puakakya nop dongkya zanghan ningle changpu, zanghan ojae zangwat füima hingzangbu chuile lai ang tompuix.”

MIKNGÜN-OHÜN 22:2

khüzün ti shuajen kaxtaimixe ku hama aho. Shuajen atale pangnyi chikao ma khüzün pün tüikya. Ija pün lyetjang to tampong, zanglao to othom bün anyi pongma ziak; ilaxle ija pünchakbu a chaxwannu kak amüi angkya hanpak ang twon.

2 PITAR 1:19

Ikhoma ajebue apukkya kaxho to otsing changpu le kwome sisile mongongpu. Anyixningkya zangngai ang machang tanto, üntoxle hünzom mong ma nyankya lyettsi malai tanto, zangnakle ngokya khato zangngai fakya wüntik tuita ningle, ija kax to hünzome mongkox koxle müi angkya changle.

RUT LAIPEX 2:12

Nang chem mokdaopuix ija to Jowanpae mohimankya naxtüi. Israel nok Jowanpa owa tong to nang ma khang khom ang nguile tüilaxpuix, chixe nang to chingchajajakya naxtüikox!”

MIKNGÜN-OHÜN 2:28

Ibu a hwom ang chaxwannu apün-awang angkya kuxmale Zange koxkya tsakzong ang changüi. Chatlechu kue hwom ang swomsa lyettsi koxüi.

MÜNCHUAK-TSAI 147:3

Chixe künmax-mongshanle ngokyabu amüile üntoxle hwom makbu to lople koxle.

MÜNCHUAK-TSAI 103:3

Chixe ku ochax pangwüi thailak kox ilaxle ku kak-lakbu amüile kox.

MATHI 11:5

Mikduakbue ngün ang kople; cha faikyabu aham ang tsuakle; angwonkyabu kak müile; naba mixe atat ang kople; zidaokyabu anaole zole; ilaxle mixshix-zasabu hato Kaxho Müikya apuk ang tomle.

ISAIA 35:6

Cha faikyabu fütle azüiüi, ilaxle zangwün ang chithokyabue mongmüile akhongüi. Sak-hax makhange ti chizopkya shuajenbu jenüi;

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

WANGSHEMBU MWOT 13:47

Chemthüikoxle Jowanpa-e kwom ang fakya kaxtom a ija changle: ‘Kue nang, mixnokbu hato, zangngai tuita ang, ilaxle chaxwannu pangnu khato; khosün angkya olom ang, süile kopdaoa.’”

JUHAN 9:4

Zangngai mik ma keme ku tsanle ajokya mix mwot mok angkya changpu; owaechu mok ang chithokya lima zangnaknu nguile ngole.

HOSIA 6:3

Kemepi Jowanpa tikle lax ang azong hax. Tütakoxchu zangngaile hüikya ningle, ojao chithaile chaxwan tok to tsosa zangwat dütkya ningle, chix a kem hato hüiüi jaojao.”

HOSIA 6:1

Khünaknue thüi: “Athaxpi Jowanpa hato chat-hax! Chixe kem to mak-koxdaoa, ikoxlechu chixe tütakoxlechu kem kak amüile fa angkya changle; chixe kem to mak-khapu, chixe wüi kem mak to lople fa angkya changpu!

EZEKEL 47:12

Shuasa kax pangnyichi ma wüi süt koxkya tuita ang saxli pünziak füikya pünbu nyemüi. Ibu pünchak otuechu dütle münpao, ilaxle ibue oziak ziakkya otuechu ahuale münngo. Ibu ma lyetfo le pünziak hozünzün ziakle ngoüi, chemthüikoxle ibu a Zangshwom-Hom makhange jenle jukya shuasae ti koxle. Pün ibue süt koxüi, ilaxle ibu pünchak ang khünaknu kak amüi ang twonüi.”

ISAIA 50:10

Jowanpa to achuak-achenle tüikya hünzom pangwüi ilaxle chix dapa kax ma laxle tüikyabu, hünzom lekya lomtang a zangnak tukle chang koxlax, ikoxlechu Jowanpa to mongong thomlax, Zang to chalom lax.

ISAIA 9:2

Zangnak fangto ahamle ngokya khünaknu hwome chongkya zangngai ngündaoa. Hwom a zangnak fang chaxwan to ngokya, ikoxle athax hwom to zangngaie nyanle ngole.

WANWÜNKAX 4:18

Otsao khünakbu ahamkya lomtang a, anyixning ang achangle süzaxzaxle dongkya zanghan dün ningle changpu.

MÜNCHUAK-TSAI 85:9

Chix chathua zale tüikyabu ang tütakoxlechu khosün kox angkya chix achwonle ngole, ilaxle chix khosün tsak-zong a kem haxtok ma ngoüi.

MÜNCHUAK-TSAI 67:1

Zang, kwom to chingchahüi tamchu mohimanhüi; kwom to chingchajaja füi huhüi, Selah

MIKNGÜN-OHÜN 11:18

Chaxwannu khünak ang, tüle mongtsike awang; nang mongtsik hanpak tamchu, omangbu kaxfün hanpak, nguile hüiünkoxle; nang thothakya ajebu, nang khünaknu pangnu; nang chathua zale tüikyabu, hixkya, chongkya pangwüi to, nang mohiman hanpak nguile hüile. Chaxwannu amütkyabu amüt angkya, hanpak nguile hüile.

1 JUHAN 2:8

Ibachu athax kue hünzom hato zale ngokya kaxtom a hozün tuita changle, chemthüikoxle ija otsingtsing a Khrista machu tamchu hünzom machu ngo ang kople. Chemthüikoxle zangnaknu kaile leüna, ilaxle zangngai tsingtsinge nyanle tüile.

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

2 THESALONIKA 1:3

Kwomtüi kwomnaohom, othuithuima kwome hünzom hanpakma Zang ang münchong fa angkya changle. Ile mok angkya kwom zongma sukya mwot changle, chemthüikoxle mongong namwüi chongle hüile ilaxle hünzome tata to mongkünkya mong süchong süchongle chongle.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

JUHAN 1:8

Chix tomtata a ija zangngai chichang; chix a ija zangngai bama apua ang nguikya mix.

KAXHO MÜIKYA LUK 2:32

Mixnokbu hato nang mongtex ngai angkya, zang-ngai üntoxle nang khünaknu, Israel hato fuazang apüi angkya bama.”

KAXHO MÜIKYA LUK 1:50

Chix chathua zakyabu hato, tsün ta makhange ata tsün kople, chixe chingcha aho.

MATHI 23:37

“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

JEREMIA 17:14

Jowanpa, ku kak amüihüi ilaxle ku kodong-handongle changüi; ku khang azün hüi ilaxtix ku khangkho zangngaikya ang ngoüi. Kue achuakkya a nang changpu!

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

WANGSHEMBU MWOT 13:26

“Kutüi kunaohom, Abraham susabu tamchu ikhama Zang shwomle ngokya mixnokbu; khosün angkya kaxho Ija a kem hato apüikya changle!

JUHAN 12:40

“Zange hwom miksutbu ang achang daoa, ilaxle chixe hwom mongtsang atsakdaoa; ile chichang hwome mik füi ngünse; ma mongtsang füi ajang ang those; ilaxle hwom mong chatkoxle, kue hwom müi ang tomse.”

MÜNCHUAK-TSAI 61:5

Nange ku tsaosütbu atatle kopdao, O Zang, ilaxle chempang nang chathua zakyabu kux changpuix ibu nange ku ang kox.

JEREMIA 30:17

Kue hünzom tamchatle müi ang tomüi; ‘Zaion a pünpao tuita changle, she to hume ang owa müntüi,’ le hünzom zanpabue thüikoxchu, kue hünzom mak amüiüi, Ku, Jowanpae ija akaxdaoa.”