MALAKI 3:6 - OTSAO BAIBEL (BSI)

⁶ “Ku a Jowanpa changpu ilaxle ku otuechu lüixchüix le müntüi. Ilaxle hünzom Jakop sixli hwomchu athax kople pangwüi maxdaoa le münchang.

MALAKI 3:6 ပူးပေါင်းရင်းမြစ်များ

HUAKE LAIPEX 23:19

Zang a khünak lailaile atsekya mix münchang, Chix a khünak tuita ningle monglüile ngokya mix münchang. Chixe chem tsaopuix, ijatix mokpu. Chixe chem akaxpuix, ija a tsuakpu.

IBRI 13:8

Jisu Khrista a münyix, anyix üntoxle othuithuima otyatya.

JAKOP 1:17

Müikya tamchu okhonguikya hingho pangwüi zangkangting tokhange hüikyabu changpu. Ija a, ding to zangngai zingle alaikya, owa tamchu chijei chichangba loploplüi le chitüi, ija Zang tokhange hüikya changle.

JEREMIA 32:27

“Ku a Jowanpa, khünaknu nok Zang changle. Ku zongto müimamale tsakkya oli chemchu müntüi.

1 SAMUEL 15:29

Tüle zaxzangle tüikya Israel nok Zang-e otuechu atsele münchang chichangba chix mong ajo-ajele münchang. Chix a khünak münchang, chixe chix mong ajo-ajele münchangüi.”

IBRI 6:18

Zange alüi-achüi ang hia atse ang chithokya ija nyi tüile. Ikhoma, kem opang chix ma azangle tüilaxpuix, keme kem pomtho ma danthomkya monghom to shingmongle kün angkya huanuma zong adünle.

MIKNGÜN-OHÜN 1:8

Owa athax tüipuix, tüikyahex, üntoxle tüi angkya hex, ija Jowanpa Khüthak Zange thüi: “Ku a Alfa tamchu Omega” thüikoxle Owang tamchu oshuk.

MIKNGÜN-OHÜN 22:13

Ku a Alfa üntoxle Omega, owang tamchu oshuk changle.”

ISAIA 44:6

Jowanpa, owae Israel nok to apün-ada ilaxle kho-awale thompuix, Jowanpa Khüthak Zang, chixe ija akaxle: “Ku a owang, oshuk, tuita wüi tüikya Zang changpu; ku boma Zang mama owachu müntüi.

MÜNCHUAK-TSAI 103:17

Ikoxlechu opange Jowanpa chathua zale tüipuix, hwom hanpakma chix mongkün jento ngo, ilaxle chix müikya tsüntsün to ngo;

MÜNCHUAK-TSAI 102:26

Hwom a samle paoüi, ikoxchu nang a ngoüi; hwom pangwüi nyi-za lailaile büile paoüi. Nange hwom nyi-za awütkya ningle awütüi ilaxle hwom a samle paoüi

FILIPI 1:6

Idaile Khrista Jisu Hanpak ashukle mahüi tanto, hünzom ma ija mwot müikya owang wangkya Zange ija zunle alyet angkya changpu le kue hünzom ang thüipu.

ISAIA 41:13

Ku a Jowanpa hünzom Zang changpu; kue hünzom ang janzüi koxlaxle thüipu: ‘Ojao taxza; kue hünzom to asunüi.’”

HOSIA 11:9

Kue hünzom to ku mongtsiktsik ma sikngün ang müntom; Kue Israel tamchatle münamüt. Chemthüikoxle ku a Zang changle zangjang khünak tuita münchang. Ku, Otsao a, hünzom füi tüile. Ku a hünzom hato mongtsik ma münngui.

MÜNCHUAK-TSAI 78:57

ikoxle hwom pupa hwom lailaile hwom chuwüi alün-aloxle kax ma chilaxle tüi, kwomkexkya san kia to ong ang chimüikya ningle.

MÜNCHUAK-TSAI 78:38

Ikoxle Zang-e chix khünaknu to chingchajaja. Chixe hwom ochax thailak tüi ilaxle hwom amüt ang chitom. Obithomthom ma hexle chixe hwom füikya chix mongtsik abaxle tüi ilaxle mongtsik adule hüi.

PONGWANG LAIPEX 15:7

Ifüima Jowanpae chix ang thüi: “Ija haxtok a nang haxtok ang kox angkya hanpakmale Babilon haxtok Ur tingsho tokya nang sele alai paokya Jowanpa a ku changpu.”

ROM NOK HATO ZAKYA POL LAIZA 5:10

Kem a Zang zongto zanbu changkya, ikoxle Hosa zikya makhange kem chix zuikhui ang zingpu. Athax a kem Zang füi zuikhui changle, ilaxle Khrista ozün ma ngokoxle chixe kem khosün angkya atsingsho!

PONGWANG LAIPEX 22:16

“Kue ku mün ma tsaosaxpu:Jowanpae akax ngopu: kue nang to okhonguile mohimanüi. Nange ile mokkya khoma tamchu hünsa tuita wüi tüikya ku ang kox angkya chiakhexkya khoma,

PONGWANG LAIPEX 15:18

Ija nyix Jowanpae Abram füi Tsaotsüt laxle thüi: “Ijip shuanu makhange Eufrat shuanu alople ija haxtok kue nang sixlibu ang koxpu.

MÜNCHUAK-TSAI 102:27

Ikoxlechu nang a otyatya, ilaxle nang tsün münashuktox.

DANEL 6:26

Ku wangting angkya khünak noknusae Danel-e shwomkya Zang chathua zale chang angkya kaxtom koxpu. “Chix a ozün ma tüikya Zang changle, ilaxle chixe jento apün-awangle ngo angkya changle. Chix wangting a chemtuechu münamütüi, ilaxle chix tsak-zong ma oshuk müntüitoxüi.

HABAKUK 1:12

Jowanpa, nang a pongwang tokhange wüi Zang changle. Nang a, otsao tamchu oshuk chitüikya ku Zang changpu. Jowanpa, ku Zang üntoxle ku khosünpa, Babilon nok nange zünle kop ilaxle kwom to sikangün tang hwom tsak-zongle tüi ang tom.

MÜNCHUAK-TSAI 102:28

Kem su-sa hwom chem chaza angkya chitüile ngoüi, ilaxle nange kho-awa laxle hwom sixlibu a khosam chitüile ngoüi.

ISAIA 46:4

Ku a hünzom Zang changpu ilaxle kue hünzom to humele thomüi hünzom azule khothokya kople a. Hünzom kue zingpu ilaxle kue humele thomüi; kue hünzom to fongüi ilaxle hünzom khosünüi.