MALAKI 3:5 - OTSAO BAIBEL (BSI)

⁵ Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

MALAKI 3:5 ပူးပေါင်းရင်းမြစ်များ

IBRI 13:4

Noke wüi aju-asomkya achuak achen angkya oli, ilaxle kakonu hia kakopabu tata chiale le ngo angkya changle. Chakzongkwonte le hia chinunchakkaile tüikyabu to Zange kaxfün angkya changle.

TSAITONG-KAXTONG 5:11

“‘Ku mün a ochax lom to taxtwon, chemthüikoxle ku, Jowanpa hünzom Zang-e, othai to ku mün twonle changkya mix pangwüi to sikangünüi

JAKOP 5:4

Ma haxtok ma thomkyabu ang hünzome owa angchu hingchak mün mafa. Apalax! Nang tsaxzüt hingchak kakyabue akhongkya ozing Zang, Khüthak Jowanpa na to nguidaoa.

MALAKI 2:14

Athaxpi chixe ibu büthüikoxle pongle chikop puixle hünzome atüi. Ija a hünzom naosom tanto tuiju-nasomle changkya ma kakonu füikya tsaotsüt hünzome amale changdaoa. She a nang üitho changkya. Nange mongong füi ngoüihex-ole Zang pomtho ma tsaosaxle changdao koxchu, nange she füikya ija tsaotsüt ama.

TSAITONG-KAXTONG 27:19

“‘Mixnok wünpa hia zomnu-khaxsabu to jemlaxle, hwom süntswon pale paokyabu to Zang-e thuakzomkya naxtüi.’ “Ilaxle noknusae lanüi, ‘Amen!’

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

LIWI 20:27

“Lüka wüi changlax sheko wüi changlax, owawae lwompubu füi apongle tsaitik-kaxshole changkya khünak jangtüi, ija khünak a long füi thuple lang angkya oli changle; owawae ile jangchang thüiningle ma tsangmüt khoma chix mik max angkya ataklaxpu.”

LIWI 20:6

“Owawae lwompubu füi apongle ngokyabu hato tsaitik-kaxsho ang paole jangchang, ku chix zan to kaüi ilaxle chix a ku khünak ang münlax.

LIWI 19:13

“Nange owawa mwot-kat zongma laxle taxpao chichangba mix ziasyen shomüi ang taxlax. Nange mwot amok daokya khünak ang hingchak mün chifa homtoxle jata ngaxchu taxthom.

MALAKI 2:17

Hünzome hünzom zangwün füi Jowanpa ang mongngwom ang tom. Ikoxlechu hünzome atüi: “Kwome chemle chix mongngwom ang tomle? Jowanpae ochax mwot mokle tüikya khünakbu pangwüi mixmüi changle chichangba chixe hwom to mongkünle le thüikya ma hia chichangba sukya mwot moksepa Zang omaün le atüikya ma?”

JEREMIA 29:23

Ija a hwom shoma changüi chemthüikoxle hwom a za-adünkya ochaxbu lyenle thaidaoa: hwome chinunchakkai mwot mok tamchu Jowanpa mün lünlaxle kaxthai zangwünle changdaoa. Ija a Jowanpa mongtex füi opüi changle; hwome chem mokdaopuix ija chixe awan ngole, ilaxle hwom zongto mikngün kaxkhi a chixjao changle. Ija kax Jowanpae akaxdaoa.”

WANWÜNKAX 16:6

Kax ma laxle tamchu mongong-chalomle tüile, jangchangba Zang-e nang ochax thailak tüiüi. Jowanpa kax ma laxle tüilax, chichang-chizangkya nang füi chemchu münapong.

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.

ROM NOK HATO ZAKYA POL LAIZA 3:8

Jangchangba: “Keme pi müikya naxlai ang oma mwot mokhax”, le büthüikoxle chithüi? Changle, züitae ija kaxfa akaxkya füi ku ma kaxhux fedaoa! Hwom a ahai haxkux ma ahaiüi.

MIKA 1:2

Ija apalax, jat-li pangnu; ija to apalax, chaxwan ma ngokyabu pangnu! Jowanpa Khüthak Zang-e hünzom füi alünle kaxkhi koxüi. Apalax! Chixe zangkangting zangshwom-hom tokhange akaxle.

MÜNCHUAK-TSAI 96:13

apün-awang angkya hanpakma Jowanpa chaxwannu to nguipongma. Masüi-mixlüi chitüile sukya kaxfün füi chixe chaxwannu angkya khünaknu thakma apünüi.

MÜNCHUAK-TSAI 81:8

Ku khünaknu, ku kaxkhün to apahüi; Israel khünaknu, hünzome ku kax to apakoxbae le texpu!

NEHEMIA 5:15

Ku thoma Gowarnor ang ngole hüikya khünakbu a khünaknu zongto hünlit ang achangle tüikya, chemthüikoxle hwome nyixfokya to hwom angkya khop ngunkhix punyi pong, süt hia ju hanpak ang jule lax. Hwom dabue ngaxchu khünaknu to sikangün. Ikoxlechu kue ile chimok, chemthüikoxle kue Zang achuakachenle tüikoxle.

TSAITONG-KAXTONG 24:17

“Püntüibu hia khaxsabu ang hwom süntswon chifale müntüiüi, ilaxle ma thashe hanpak thathap ang zomnu tuita angkya nyiwun laxle chichangüi.

LIWI 20:10

Mixsün tuitae, Israel khünak tomtom mix kakonu füi chinunchakkaile jangchang, ija mixsün hia mixcha pangnyi wüi mik max ang tom angkya changle.

LAIPAO 18:21

Ikoxlechu ito bole, mokle tho-angkya khünakbu zünlaxle nange hwom a khünaknu lompabu ang zinglax; züizüi a ojat thakma azüi ang, züizüi a oho thakma azüi ang, iningle punyi-bün hia bün thakma azüi ang tomkox. Hwom a Zang thua zakyabu, owa to mongong ang tsuakle tüipuix, tamchu huxkün-lopmong chitüikya mix chang koxle müiüi.

LAIPAO 1:17

Ikoxlechu ija naotswonnu nyi a Zang thua zakya mixcha nyi changkya, idaile hokhie wanghompa kax ma chilax, ikoxle lüka naosom azün.

PONGWANG LAIPEX 42:18

Nyix azom lükya to Jusep-e hwom ang thüi: “Ku a Zang thua zakya mix tuita changle, kue hünzom danle apaoüi, ikoxlechu chifün tuita ma.

JAKOP 5:12

Kutüi kunaohom, pangnu thakma ija changle, hünzome zangkangting mün ma, chichangba ma tüta mün machu tsao saxle taxatsao, ikoxle hünzom kaxfün ma chiwom angkya kuxma, hünzom zangwün “jo” jangchangba jole: “mün” jangchangbachu mün le changlax.

1 THESALONIKA 4:6

Ija olom ma khünak owaechu ma üitho khristan füi thaile chimoküi chichangba dyen-nganle chichangüi. Kwome ija hünzom hama thotochu akaxdaoa, athaxchu kaxkhün koxle akaxpu, iningle mokkya khünak to Jowanpa-e sikngün faüi.

KAXHO MÜIKYA LUK 23:40

Ikoxle ata mixsüne chix to sale thüi: “Chix füi tomwüi sikngün kop laxle ngaxchu nang Zang thua münza hia?

MÜNCHUAK-TSAI 36:1

Chichangchizangkyabu füi ochaxe hwom mong othongdua to zangwünle; hwome Zang awütle üntoxle chix chathua zakyajao müntüi.

PONGWANG LAIPEX 20:11

Abraham-e lan: “Ikhato Zang thua zakya mix owachu müntüi ikhoma ku kakonu laxüima hwome ku langle awüt-kop angkya le kue thütdaokoxa.

TSAITONG-KAXTONG 18:10

Ibu tö-tsap ma tüikya wünkha to hünzome masu-masabu zokle ashunle taxchang; hünzome khünakbu ang o-nan, jenu-shipa

ISAIA 57:3

Ikhato kaxfün ang nguihüi, hünzom ochax khünakbu! hünzom a jenu-shipabu, chinunchakkaikyabu, ilaxle ma tsangtsa hangkyabu füi sümüikya le münchang.

JEREMIA 5:2

Hünzome Jowanpa to shwompule akaxkoxle chu, hünzome ija kaxwa akax wüi.

JEREMIA 5:29

“Ikoxlechu, ibu khokho ma kue hwom to sikangün angkya changle; ija nok to kue jannong alüile changüi.

JEREMIA 23:10

Haxtok a Jowanpa to mongong chitüikya khünakbue awangle tüile; hwom chichangchizangle ngole ilaxle hwom tsak-zong chichangkya lom to twonle. Jowanpa thuakzom khoma haxtok a sople ilaxle müitsüt fum zile zanle.

JEREMIA 27:9

Hünzom ajebu chichangba owawae wünmang makhange chichangba lwompu chasabu nyakle apüilaxle chichangba chajik-muashem mwot makhange jekax akax ang thole le wünlaxpuix, khünak ibu kax to taxapa. Hwom pangwüie hünzom ang Babilon nok wanghom chak to koxle chichang angkya akaxle.

JEREMIA 27:10

Hwome hünzom dyenle ngole ilaxle hünzom a hünzom haxtok füi atsaile tsailo nok to kople pao ang tom angkya changle. Kue hünzom jwonle apaoüi ilaxle hünzom a amütüi.

JEREMIA 42:5

Ifüima hwome ku ang thüi: “Kwom hanpakma nang makhange fakya Jowanpa kaxtom pangwüi kax ma kwome chilaxle jangtüi, ija bama ngünmix hia zangwün changle thom angkya mix a Jowanpa naxngokox.

HABAKUK 1:12

Jowanpa, nang a pongwang tokhange wüi Zang changle. Nang a, otsao tamchu oshuk chitüikya ku Zang changpu. Jowanpa, ku Zang üntoxle ku khosünpa, Babilon nok nange zünle kop ilaxle kwom to sikangün tang hwom tsak-zongle tüi ang tom.

ZEKARIA 11:12

Kue hwom ang thüi: “Hünzom ang mong jangtsu, ku hingchak mün fahüi. Ikoxlechu hünzom mong chitsu, ibu thomlax.” Ikhoma hwome ku ang hingchak mün hex-ole khop ngunkhix huak tsübün kox.

LAIPAO 20:7

“Ochax lom to ku mün Lünle taxchang; chemthüikoxle Jowanpa, ku hünzom Zang-e chichang-chizang lom to ku mün lünkyabu to sikngün apong ang tomüi.

LAIPAO 22:20

“Jowanpa ku boma owawa ang tö koxkya mix jangtüi, chix thajaole wünhai ang tomkox.

TSAITONG-KAXTONG 15:13

Chemtue nange ija khünak danle changüihex, chix a chak-hua ma pao ang taxtom.

JOB LAIPEX 7:2

Dahai tuitae kongkya kha zangkhung lomkya ningle; mwotmok mixe hingchak mün tan-ngokya ningle changle.

JOB LAIPEX 31:12

Ile changkyae ku ma atüitüi komle zokle ashunle, ija a ku zongto amalum okham wün thama ang changüi.

MALAKI 1:6

Jowanpa Khüthak Zang-e zompu-zangpabu ang thüi: “Naosombue manu-mapa hwom achuak-achenle, ilaxle dabue ma hopupa hwom achuak-achenle. Ku a hünzom hopa changle--ikoxle hünzome ku achuak-achenle büthüikoxle chitüi? Ku a hünzom hopupa changle--ikoxle hünzome chathua büthüikoxle chiza? Hünzome ku wünhaile ilaxle hünzome atüitüi, ‘Kwome nang-wün chemle haidaopu?’