Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MALAKI 3:3 - OTSAO BAIBEL (BSI)

3 Chix a, khop achuk üntoxle atsaole changkya ningle kaxfün fa ang nguiüi. Hun-hi-khop jaokyabue ibu atsaokya lailaile Jowanpa mwot-tsan mixe zompu-zangpabu atsaoüi, ikoxle tix hwome Jowanpa hato chem koxse hex ibu tö apüi ang thoüi.

အခန်းကိုကြည့်ပါ။ ကော်ပီ




MALAKI 3:3
48 ပူးပေါင်းရင်းမြစ်များ  

Kue nang to chak mokle changüi. Tu achukle atsaokya lailaile kue hünzom atsaoüi, ilaxle kue hünzom chitsaokya pangwüi awütle faüi.


Hun hia khopbu a wün füi wanle anopu, ilaxle khünaksa kün-mong a Jowanpae wanpu.


Hwom zongto sukya olom ma kem müi-hi-aji honu hopabue onox ma kem zünsaile; ikoxle Zange zünsaikya a kem zongma naxmüi le zünpu tamchu kem chix otsao süntswon ma wom angkya hanpakma changle.


Khünaknu a huanuma otsao ang achangüi. Opang chichangchizangle tüipuix hwome ija müntsingüi ikoxle sisi-mix chichangchizangle ngole hüiüi; opang jetüi-hwonzaile tüilaxpuix hwome tix tsingle laxüi.


Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”


Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.


Ku khüzün aji a kue Zang ang tö koxle ngokya hünzom mongong to li angchu laxtüilax. Ile namchang thünchu ku zongma mongmüimüi wüi changpu ilaxle hünzom pangnusa füi ku mongmüi atom-ahanüi.


Nange kwom to thwontsingle ano, Zang; wün füi khop-jan achukle wankya ningle, nange kwom to wanle ano.


Idaile ahak-aluale tüi angkya hanpakma nange ku angkya hun, huntsaotsao shaklax le kue anopu. Nang thünzak hia ohua ma ngokya to chwop ang nyi tsekyachu shaklax. Nange ngün angkya kuxma nang mik to pa ang hinghaichu shaklax.


Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.


Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.


Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.


Ija khoma Juhan-e hwom pangnu ang thüi: “Kue hünzom tima bapti fapu, ikoxle ku thak to akhokya mix hüile ngole, ku a chix chisox sukle fa ang ngaxchu münasu. Chixe hünzom Otsao Chasa hia wün ma baptile faüi.


Khop angkya chitsaokyabu achukle awütlax ifüima zingpabue ija makhange osün müikya jali zingle alaiüi.


Jowanpa ang otsingtsing tö laxkox, üntoxle nang mongong chix ma thomkox.


Chixe kem to mongkün, üntoxle tö koxle chix zikya makhange chixe kem ochax tokya da üntoxle chix Zang tamchu Hopa thotha ang kem ma nguapabu wangting zingle. Fuazang hia tsakzong othuithuima Jisu Khrista, chix kux wüi naxchang. Amen.


Ozün ma tüikya longbu ningle hünzom chix hato hüilaxle, Jisu Khrista makhange Zange pongle koptsuakkya lima chasa tö koxkya khato otsao nguapabu ang achang ang tamchu chasa zangshwom-hom zing angkya to hünzom twon ang laxkox.


Ku bama, ku tö ang kox angkya hanpak nguile hüile; ija tsün dantox angkya ku hato hanpak athax hüile tüile.


Ija a Jisu Khrista da tuita ningle mixnokbu khato mok angkya hanpakma changle. Otsao Chasa makhange, mixnokbu a Zange pongle koptsuak angkya kuxma tö tuita ang naxchang, Zang tokhange hüikya Kaxho Müikya apuk-apua angkya kue nguapa tuita ningle mokpu.


Jowanpa hato chat-hüi, ilaxle ija zangjop a chix hato apüile koxkya tö ang achang kox: “Kwom ochaxbu thailak tüihüi ilaxle kwom zangjop pongle kop-hüi, ilaxle kwome tsaosax daokya ningle kwome nang achuaküi.


Wünchua sikngün ma kue hünzom to thwontsingle anodaoa, wünkha to zokle khop to wanle anokya ningle. Ikoxle kue hünzom a laxli chemchu müntüile atakle.


Kue nang ang münchong fakya tö tuita koxüi ilaxle ku zangjop tö nang ang koxüi.


Münchong fakya a ku achuakle tö koxkya changpu, ku kax ma laxle tüikya pangnusa kho kue sünüi.”


Ipongkhae ku ma kue alomlom komle tüile: ingaxchu onüi tüile! Epafrodita nguikya zuma hünzome ku ang koxkya hinghobu kopkya tokhange ku okhonguile tüile. Ibu a Zang zongma müikya ongan müile ngankya tö tuita ang achangle.


Ilaxle hünzom a Jowanpa nguapabu le awan ang kopüi, Kem Zang dapabu a. Hünzome chaxwannu nok tuina lax ang kopüi Ilaxle ibu a hünzom kux changpule angasomkya tüiüi.


Nange hwom, kem Zang thotha angkya kuxma, zommixbu wangting ang zingdaoa; hwome chaxwannu ma apün-adaüi.”


Nang ang münchong fakya a Zang tökya ang naxchang kox, üntoxle nange tsaosaxdaokya oli pangwüi Khüthak Zang ang laxkox.


Ifüima nange koxse olom ma koxkya töbu füi mongmüi ang kopüi üntoxle chu zokle ashunkya kwom töbu füi; ilaxle maihupongbu a nang tö-tsap ma tö koxüi.


Ile changkya khoma Jowanpa Khüthak Zang-e thüile, “Kue ku khünaknu jan atsao pupule atsaoüi ilaxle hwom to thwonle anoüi. Ku khünakbue ochax mwot mokdaoa— kue hwom to chemle mok angkya tamtüi?


Kue hünzom kha angkya alün-aloxle tüikya hia ochax khünakbu tswonle paoüi. Kue hwom a athaxpongma hwom ngole tüikya haxtok angkya paoüi, ikoxle kue hwom a Israel nok haxtok to chatle tamchat ang müntom. Ifüima hünzome ku a Jowanpa changpule tsingle lax ang kopüi.”


Hwom kha angkya jetüi-hwonzaile tüikya lompabu züizüi a langle awütüi, ikoxlechu ija a khünaknu atsaokya ang changüi. Ija a, Zang-e tyale thomkya hanpak ashukle machang tanto chizakle ile wüi ngoüi.


Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.


“Liwi hwom a Israel khünaknu mamabu füi süilax ilaxle


Ile zangjopkyabu tüihule: “Jowanpa, kwom ang mohiman onüi-onüi fahüi. Kwom to chingcha-jaja füi huhüi!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ