MALAKI 3:2 - OTSAO BAIBEL (BSI)

² Ikoxle chix nguikya nyi owae adule thoüi? Chix ngai pongma ozün ma owa ngoüi? Chix a tuita tsakkya sabon ningle, tamchu tu-hi-khop achukle atsaokya wün ningle changüi.

MALAKI 3:2 ပူးပေါင်းရင်းမြစ်များ

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

ISAIA 4:4

Chix tsak-zong makhange Jowanpae ija jat-li kaxfünüi, atsaoüi ilaxle Jerusalem ochax hia ikhama thokdaokya aji sole faüi.

MIKNGÜN-OHÜN 6:17

Chemthüikoxle hwom mongtsik chongkya nyix hüile ngole, üntoxle ija mongtsik thüntho ma ajong ngo ang owae thoüi?”

KAXHO MÜIKYA LUK 21:36

Ibu pangnu zia akaile letsuak angkya üntoxle Khünak Hosa chitong ma ajong angkya hanpakma, hünzome othuithuima hule ngolax ilaxle mik-hingle zangjoplax.”

MÜNCHUAK-TSAI 2:7

Wanghompa-e thüi: “Jowanpae chem akax daopuix ija kue apuküi. Chixe ku ang thüi: ‘Nang a kusa changle; anyix ku hünpa ang achangpu.

KAXHO MÜIKYA LUK 3:17

Tsaxfa chaple awüt laxle tsaxtsangtsang pangnu pung ma athün angkya hanpakma chix chak ma own twonlaxle tüile; chixe tsaxfa tamchu chimax angkya wünkha to zokle ashunüi.”

KAXHO MÜIKYA LUK 3:9

Pün otsing makhange dak angkya hanpakma wa achwonle thomle; müile chiziak chipuakya pün pangnu wüi dakle anguaküi ilaxle wünkha to awütüi.”

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

IBRI 12:25

Kaxzexkya mix kax ma chilaxle chitüi angkya bama hünzom likhün lax, chemthüikoxle chaxwannu ma likhün angkya kax owae zexpuix, ija kax ma chilaxkyabu ngaxchu paole azang ang chitho, jangchangba zangkangting tokhange kaxkhün zexkya mix thüntho angkya tomning chemle paole azang thoüi!

JUHAN 8:55

Ikoxle hünzome chix otuechu chiawan, kue a chix awan ngopu; kue chix münawan le jangthüi: ku chuwüi hünzom ningle thaikya ang achangpu; ikoxlechu kue chix awanpu ilaxle chix kax ma laxle tüipu.

KAXHO MÜIKYA LUK 2:34

Simeon-e hwom to mohiman ilaxle honu Meri ang thüi: “Ija naosa a, ama angkya bama üntoxle Israel khünaknu huanuma khosün angkya hanpakma Zange kamdaoa. Khünaknue owa mo amale wünüi hex ilaxle owae hwom huxsa mongtex angaile kox üihex,

JEREMIA 2:22

Nang a sümüi pupu sabon füi sokoxle chu, kue nang thaikya janman ngün ang kople.

ISAIA 1:18

Jowanpae thüi: “Athaxpi zangwün tsuakle kop-hax. Nang a ochax füi lyetle akhik thomle, ikoxlechu kue nang paiput ningle sole atsyetüi.

MATHI 25:10

Ikoxle angacha hwom bibi a wünti shak ang chat. Ile hwom chatngo tama tuipa nguile lop. Atha anyem le ngokya naocha hwom aga a tuipa füi tomle aju-asomkya püntut fongsüt ma hak ang dong, ilaxle ka hak.

MARK 9:3

Chix nyiza, chaxwannu ma owaechu sole chiatsiet tsuak tang le tse.

EZEKEL 22:14

Kue hünzom to mwot tsuakle mokkya zuma hünzom ma chachen-mongchen toxüi chichangba nang chak nwon ang thole hünzom ma janzüi tüiüile hünzome thütpia? Ku, Jowanpa Khüthak Zang-e ija akaxdaoa, ilaxle kue ija ku kax thom angkya changle.

MIKNGÜN-OHÜN 19:8

Jikjepkya jaknyi tsaothakya füi, she aza-apua ang koxdaoa.” (Nyitse a Zang khünakbue mokkya mwot müikya changpu).

MIKNGÜN-OHÜN 7:14

“Alixachong, nange wüi awan, kue münawan hex”, le kue lan. Chixe ku ang thüi: “Ibu khünakbu a tüle tülekya zothup chak tokya azangle hüikyabu changle. Hwome hwom nyiza solaxle Chun Hosa aji füi tsekya ang achangle.

KAXHO MÜIKYA LUK 7:23

ku to mongao chitüikyabu otukuxkya mohiman!”

1 SAMUEL 6:20

Ikhoma Bethshemesh angkya khünakbue thüi: “Ija ningkya otsao Zang, Jowanpa tunthoma owa ajong thoüi? Keme chix kem füi atsaile ojongto apaoüi?”

MÜNCHUAK-TSAI 76:7

Ikoxle Jowanpa, nang thua a pangnusa wüi zale. Nang ngwotnui ma owachu ajong ang chitho, nang mongtsikle changpongma a.

MÜNCHUAK-TSAI 130:3

Nange kwom ochaxbu akiakle thomkoxle, thaikya chitüile azangtsuak angkya mix owa bangüi?

WANWÜNKAX 25:4

Khop angkya chitsaokyabu achukle awütlax ifüima zingpabue ija makhange osün müikya jali zingle alaiüi.

ISAIA 33:14

Zaion angkya ochax khünakbu a zale abün ngole. Hwome thüile: “Zang kaxfün a othuithuima zokle ngokya wünchua ningle changle. Kem kha angkya owawae iningkya wünkham adu ang tho angchami?”

DANEL 11:35

Hwom kha angkya jetüi-hwonzaile tüikya lompabu züizüi a langle awütüi, ikoxlechu ija a khünaknu atsaokya ang changüi. Ija a, Zang-e tyale thomkya hanpak ashukle machang tanto chizakle ile wüi ngoüi.

JOEL 2:11

Jowanpa zangtsak-zangdunge chix süpahibu ang kaxtom kox. Chix kax ma laxle tüikya zankat naomüibu huanuma tamchu tsak-zongle tüikya. Jowanpa Hanpak-zanghan a chemtukux zadünkya hex! Ija thoto owa paole azan thoüi?

NAHUM 1:6

Chemtue chix mongtsikpuix, ozün ma owa ngothoüi? Khompua-atsikkya chix mongtsik chak tokya owa azang thoüi? Chixe wünle ningkya chix mongtsik thokle adüt; chix tunthoma longnubu haxbu ang achangle akhix.

PONGWANG LAIPEX 19:28

Chixe Sodom hia Gomorah üntoxle haxsha pangwüi to asongle hukoxle chaxwan angkya wünkhut laile, tsanzok wünchao lailaile ding to dongkya ngün.

JOB LAIPEX 28:1

Khop-jan tho angkya okhabu tüile; hun zokle atsaokya onuibu tüile.