MALAKI 3:17 - OTSAO BAIBEL (BSI)

¹⁷ Jowanpae thüi: “Hwom a ku khünaknu ang changüi. Chemtue kue moküihex, ija nyix a hwom ku mamixbu ang changüi. Ma thothale tüikya su-sa hwome honu-hopae chingchale tüikya ningle kue chu hwom to chingchakya tüiüi.

MALAKI 3:17 ပူးပေါင်းရင်းမြစ်များ

LAIPAO 19:5

Athax, hünzome ku kax ma laxle ku Tsaotsüt otya ma jangthom, hünzom a ku khünakbu ang changüi. Chaxwannu komle ku kux changpu; hünzom a kue zünle kopkya,

TSAITONG-KAXTONG 7:6

Hünzom a Jowanpa, hünzom Zang kux changpu, idaile hünzome ile mokkox. Chaxwannu khünak nüjen kha angkya hünzom a Jowanpae chix khünaknu ang zünle kopkya jat-li changle.

2 KORIN 6:18

Ku a hünzom Hopa changüi; hünzom a kusu kusahom changpu, le Khüthak Zange akax.”

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

ROM NOK HATO ZAKYA POL LAIZA 8:32

Chixe Hosa tomtata ngaxchu chitui le kem ang kox! Chix Hosa ngaxchu kox: chixe mamabu tomning komkaile münfa pia?

MALAKI 1:6

Jowanpa Khüthak Zang-e zompu-zangpabu ang thüi: “Naosombue manu-mapa hwom achuak-achenle, ilaxle dabue ma hopupa hwom achuak-achenle. Ku a hünzom hopa changle--ikoxle hünzome ku achuak-achenle büthüikoxle chitüi? Ku a hünzom hopupa changle--ikoxle hünzome chathua büthüikoxle chiza? Hünzome ku wünhaile ilaxle hünzome atüitüi, ‘Kwome nang-wün chemle haidaopu?’

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

TSAITONG-KAXTONG 14:2

Hünzom a Jowanpa hünzom Zang kux changpu; hünzome chixe chaxwannu angkya khünak khama chix khünak ang kamle kopdaoa.

1 KORIN 6:20

chixe nang a otha koxlaxle shakdaoa. Idaile nang tsangtsa nange Zang fuazang angkya olom ma twonlax.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

EZEKEL 16:8

“Anaole chu ku emakhange lekya zuma, nang a mongkün dong angkya hanpak nguile tsongdaoale kue ngün ang kop. Kue ohua ma ngokya nang tsawan to ku nyipongnu füi awunle kox ilaxle nang to mongkün angkya tsaosax. Changle, kue nang füi aju-asomkya tsaosax, ilaxle nang a ku kux ang achang.” Ija a Jowanpa Khüthak Zang-e chem akaxpuix ija changpu.

JEREMIA 31:20

“Israel, nang a kue mongkünkya kusa changle, kue ataxle mongkünkya mix a. Chemtue kue nang mün lünpuix, kue nang bama mongkün füi ajangpu nang bama mongkün füi a. Ku mongtsang nang hato laile pao; ku a chingchajajale tüiüi.

NEHEMIA 13:22

Liwi hwom ma alüile atsao koxle, Sabath müile atsaole thom angkya kuxma panbu nye angkya kue kaxkoxle changpu. Ija bamachu ku texle atat-hüi, O Zang, ilaxle nang mongkün chongkya tüikya khoma ku panle thom hüi.

ZEFANIA 2:2

zangwin to tsaxfa ningle pikle pao thoto, Jowanpa mongtsik wünchua nang hato mahüi tanto, chixe chix chabüt-lasün ahole changüi hanpak thoto.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

GALATIA 5:24

Ilaxle opang Khrista Jisu ma tüilaxpuix, hwome khünak jaopo a ma müi-hi-aji mwot füi tomle takle langdaoa.

1 KORIN 15:23

Ikoxlechu pangnu wüi olom ma leüi; Pongwang ma Khrista; ifüima chix nguikya zuma, chix to ongkyabu pangnu.

JUHAN 17:24

“Apa, nange ibu ku ang koxdaoa, idaile ku ojong to ngoüi hex, hwomchu wüi ija khato ngo angkya a ku mongtex changle. Ile oja fuazang nange ku ang koxdaopuix, ija hwome naxngün; chemthüikoxle chaxwannu mazing tanto wüi nange ku to mongkünpu.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

TSAITAX-NGAONÜI 2:16

Ku mongkün a ku kux, ku a chix kux. Chixe chix chunbu lili maipua tham to tux

LAIPAO 32:32

Chingchalaxle hwom thaikya alak-hüile jupu; ikoxlechu nang ija thailak müntüipu jangthüiningle, chingchalaxle nange nang khünaknu mün zale tüikya laipex ma zale tüikya ku mün shong-apaofa.”

ISAIA 4:2

Jowanpae ija haxtok angkya pünzuabu tüle chongle tamchu osün müile tsong ang tom angkya hanpak hüile ngole. Chimaxle azangkya Israel nok pangwüi mongmüiüi ilaxle hwom haxtok ma saxkop-linglole changkya to hwom ang mong ngamüi.

ISAIA 43:1

Israel, Jowanpa owae hünzom zingle alaipuix chixe thüile: “Ojao taxza — kue hünzom sünle kopüi. Kue hünzom a mün makhange nyakle koppu — hünzom a ku kux.

ISAIA 43:21

Ibu a kue ku hanpakma zingkya khünakbu changle, ilaxle hwome ku achuakle tsai ngaoüi!”

MALAKI 4:3

Kue ija mwot mokkya nyix, hünzome ochax to lütkya tüiüi, ilaxle hwom a hünzom chifa fang tokya haxbu ningle.

MÜNCHUAK-TSAI 115:13

Chix achuak-achenle tüikya pangnusa to chixe mohimanüi, chongkya hixkya pangnusa to tomwüi.