MALAKI 3:13 - OTSAO BAIBEL (BSI)

¹³ “Hünzome ku hanpakma za-adünkya kax akaxdaoa. Ingale hünzome ‘Kwome nang bama chemle akax daopu?’ le thüitüi.

MALAKI 3:13 ပူးပေါင်းရင်းမြစ်များ

MALAKI 2:17

Hünzome hünzom zangwün füi Jowanpa ang mongngwom ang tom. Ikoxlechu hünzome atüi: “Kwome chemle chix mongngwom ang tomle? Jowanpae ochax mwot mokle tüikya khünakbu pangwüi mixmüi changle chichangba chixe hwom to mongkünle le thüikya ma hia chichangba sukya mwot moksepa Zang omaün le atüikya ma?”

ROM NOK HATO ZAKYA POL LAIZA 9:20

Ku zuikhui, Zang kax to anongle lan angkya mix nang a owa changlax? “Nange ku ile büthüikoxle zingpu?”, le hax tikkuxe jaopupa füi münakax.

ISAIA 37:23

Nange owa ajaole owa chanyipule texpu? Nange ku, Israel nok otsao Zang to chie-chisele changpu.

2 THESALONIKA 2:4

Chixe zang le athüiüi pangnu füi chichangba shwomkya oli pangnu füi alünüi ilaxle chix hwom pangnu thak tokya ang achangüi. Chix zangshwom-hom to nop ilaxle thungüi üntoxle chix a zang changpu le thüiüi.

MALAKI 2:14

Athaxpi chixe ibu büthüikoxle pongle chikop puixle hünzome atüi. Ija a hünzom naosom tanto tuiju-nasomle changkya ma kakonu füikya tsaotsüt hünzome amale changdaoa. She a nang üitho changkya. Nange mongong füi ngoüihex-ole Zang pomtho ma tsaosaxle changdao koxchu, nange she füikya ija tsaotsüt ama.

JEREMIA 8:12

Ku khünaknu, hünzome chichangchizang mwot ibu pangwüi moklaxle azakzi pia? Münchang, hünzom a ojao münazak; hünzome thünkhi angkya ngaxchu müntik! Ikhoma mix chemle ngolaxpuix ilailaile hünzom chuwüi nguaküi; chemtue kue hünzom to sikangünüihex, hünzom hanpakma oshuk a ija changüi. Jowanpa, kue ija kax akaxdaoa.

JOB LAIPEX 40:8

Ku a chichangkya ikoxle ang a changkya ang achang angkya hanpakma nange ku münsule aho ang azong pia?

LAIPAO 5:2

Wanghompa-e atüi: “Jowanpa a owa? Kue büthüikoxle chix kax ma lax üntoxle Israel khünakbu danle apao angkya? Kue Jowanpa mün müntsing; ilaxle kue Israel khünaknu pao ang müntom.” Ile wanghompa ang mongtsak.

MALAKI 3:8

Kue hünzom ma atüifang, khünake Zang dyenla angkya olom changcha? ‘Chemle?’ hünzome atüi. Ija a bünfong hia töbu koxkya ma changle.

ISAIA 5:19

Hünzome thüile: “Jowanpae chixe moküihex-ole akax daokya nonokhaile naxmokdao, ikoxle tix kwome ija ngünle lax ang thoüi. Israel nok otsao Zang-e chix mwot mokle naxle-kox; chix mongto chemle texpuix, keme shong-huhax.”

MÜNCHUAK-TSAI 10:11

Chichangchizangkya khünakbue hwom mongto zangwünle thüi: “Zang-e chemmünthüi! Chixe chix mik achik thomdaoa, chixe ku tamngünüi münchang!”

ISAIA 46:12

“Ku kax to apalax, hünzom kheba chithüikyabu lüt angkya a ochu towüile owae thüipuix.

JEREMIA 44:18

Ikoxle kwome Zangkangting Baozangchanu ang tö koxkya hia ju thokle koxkya zakkya füi tomle kwom ang chemchu chitüile maxpu, ilaxle khünaknu a ochax-ozan hia woknuak-tilan ma zipu.”

EZEKEL 18:25

“Ikoxle nang thüipu, ‘Zang-e chem mokpuix ija a sukya münchang.’ Ku kax to apalax, hünzom Israel nok. Kue mokkya olom münsule hünzome thütpuix nyi? Chisukya a hünzome ajangkya olom mix changpu.

HOSIA 7:16

Hwome tsak-zong chemchu chitüikya baozang hato paoüima ku hato tok ahokya chizak. Hwom a mongong thom ang chimüile chitangkya san ningle changle. Chemthüikoxle hwom lompabue mongngam füi zangwün, hwom a alün-aloxkya ma ziüi, ilaxle Ijip noke hwom cha nyiüi.”

MALAKI 3:12

Ifüima pangnu jat-li angkya khünaknue hünzom ang mongmüi mixbu le nyaküi, chemthüikoxle hünzom haxtok a ngo ang amüikya haxtok ang changüi.

MALAKI 3:14

Hünzome thüipu, ‘Zang thothakya ma olüi chemchu müntüi. Chixe akaxkax mokkya ma chemtüi chichangba kwome chem mokdaopuix ija bama kwom thaikya ngaipu le Jowanpa hato aho ang azongkya ma chemtüi?

JOB LAIPEX 15:13

Zang füi mongtsik üntoxle nange chix pongle chikoppu.

ISAIA 3:8

Changle, Jerusalem a maxdaoa! Judah a nguakle ngole! Hwome akaxkax tamchu amokmok pangwüi Jowanpa zongto omama wüi; hwome ngaithole Zang adale.

EZEKEL 35:13

Hünzome ku zongto tsaima-kaxshix hia mongngam kaxbu akaxkya kue atatle laxdaoa.”