MALAKI 3:12 - OTSAO BAIBEL (BSI)

¹² Ifüima pangnu jat-li angkya khünaknue hünzom ang mongmüi mixbu le nyaküi, chemthüikoxle hünzom haxtok a ngo ang amüikya haxtok ang changüi.

MALAKI 3:12 ပူးပေါင်းရင်းမြစ်များ

ZEKARIA 8:23

Hetuk ma mixnok sünbün Judah khünak tuita hato hüilaxle thüiüi, ‘Kwome chuwüi hünzom füi tomle oshuk-oza tomhanle changse tsupu, chemthüikoxle Zang hünzom füi womle tüikya kwome atatle hüidaoa.’”

ISAIA 61:9

Chaxwannu nok khama hwom a fuale wünüi; Hwom ngünkya pangnusae awanle changüi Hwom a kue mohimankya khünaknu changle le.”

ISAIA 62:4

Nange ang “Awütle thomkya”, le münnyaküi, Chichangba nang haxtok ang “Awüt thomkya kakonu”, le münnyaküi. Nang ang fakya mün hozün a “She füi Zag mongmüikya tüile”, le changüi. Nang haxtok ang “Mongmüi-Pwonlale aju-asomkya”, le nyaküi, Chemthüikoxle Jowanpa ang nang füi mongzom müikya tüile, Ilaxle chix a nang haxtok bama tuipa tuita ang achangüi.

KAXHO MÜIKYA LUK 1:48

chemthüikoxle chixe ahixkya, chix da ku texle atak! Athax makhange ku ang pangnusae shomüi chale nyaküi,

DANEL 11:41

Chixe Tsaotsüt-Haxtok to lünle tingtakle hüiüi ilaxle jatbün jattsa to lünle jao langüi, ikoxlechu Edom, Moab hia Amon nok to ota toxle changkyabu a paole azangüi.

DANEL 8:9

Ija müizong ali kha angkya hixkya müizong tuita lai; ija tsak-zong a shuathongchi hia handünchi ilaxle Tsaotsüt Haxtok chikao to o-le tüikya.

JEREMIA 33:9

Jerusalem a ku hanpakma mongmüi, achuak-achenkya hia mongngam otong ang changüi; Jerusalem angkya khünaknu to kue mwotmüi mokle koxkya hia ija tingnu hato ahak-aluakya apüile fakya atatkya zuma zangfang angkya onok pangwüi zaüi ilaxle chikux ahongle changüi.”

MÜNCHUAK-TSAI 72:17

Wanghompa mün otuechu chialakle naxngokox; zanghannu tsün lokya tukuxle chix mün fua-hi-zangle naxngokox. Pangnu jat-lie Zang ang hwom to mohimanfa le naxthüikox chixe wanghompa to mohimankya lailaile a.

2 PUKAX-PANGAO 32:23

Jowanpa hia Hezekiah nyi hato hingho-najobu koplaxle Jerusalem to khünaknu huanuma ngui, ija makhange pangnu noke wüi Hezekiah a achuakle thom.

TSAITONG-KAXTONG 11:12

Jowanpa hünzom Zang-e ija haxtok apu-achangle tamchu zanglao atale nyele ngole.

MALAKI 3:13

“Hünzome ku hanpakma za-adünkya kax akaxdaoa. Ingale hünzome ‘Kwome nang bama chemle akax daopu?’ le thüitüi.

ISAIA 62:5

Naosün tuitae chix tuinu ang naochasa laxkya ningle, Nange owae zingle alaipuix chixe wüi nang füi aju-asomle changüi. Tuipa tuitae ma tuinu füi chemle mongzom müipuix, Ija lailaile nang Zang chuwüi nang füi mongzom müiüi.