MALAKI 3:10 - OTSAO BAIBEL (BSI)

¹⁰ Zangshwom-Hom to hünzome bünfong anguile apüihüi, ikoxtix ikhama süt okhonguile tüingoüi. Kue zangkangting fülom daplaxle müikya oli pangwüi okhonguile hünzom ang thokle chikox hia koxkox, ku to thwontsingle anohu.

MALAKI 3:10 ပူးပေါင်းရင်းမြစ်များ

MATHI 6:33

Itülüi thüikox hünzome pongwang ma chix wangting hia chix otsao shonglomlax; ifüima ibu pangnu chixe hünzom ang kox angkya changle.

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

TSAITONG-KAXTONG 28:12

Hünzom hato nuaklom ang nguikya khünakbu ang hünzome koxle apao ikoxlechu hünzom otuechu mixnok to nuaklom ang pao angkya chitüile ngo angkya hanpakma, ding to chixe athünle thomkya tilua chongkya kha angkya chixe otu thütle zangwat ajoüi ilaxle hünzom mwot pangnu to mohimanüi.

LIWI 27:30

Haxtok ma tüikya, tsaxsa-hikha wüi changlax, pünziak laimo wüi changlax, bün kha angkya othom tuita a Jowanpa kux wüi changle.

NEHEMIA 12:44

Ipongma khünakbu a Zangshwom-Hom hanpakma tuinabu apüile koxkya athünle thomkya pungbu to hu ang dan. Hwome apüikya khama bünfong, zangpua mong angkya saxziak hia pünziak puamün wünkya ibu pangwüi tüikya. Wanlom ma tüikya ningle nguapabu hia Liwi hwom hanpak ang tingnubu zui ma tüikya manzai kha angkya saile asox angkya hwom mwot changkya. Judah angkya khünaknu pangwüi nguapabu hia Liwi hwom füi mongmüile tüikya,

HUAKE LAIPEX 18:21

Jowanpae Arun ang thüi: “Israel khünaknue ku ang koxkya pangnuli kha angkya kue bün ma thom tuita Liwi hwom ang koxpu. Ija a hwome ku Nyihom ma thothale changkya bama hingchak mün tuita ningle changpu.

LIWI 26:10

Hünzom sax-tua puamün huanu changüi ilaxle zanglao atale jao ngoüi, ilaxle chibakkya ota tsaxzang a tsaxzün thom angkya onui naxtüi ang ahuaüi.

2 WANGHOMBU 7:2

Wanghompa wangshem tüichonge Elisha ang thüi: “Zang, chix tomtatae tsaxjun thokle-thokle adütüi thüikoxngaxchu ile chang ang otuechu müntsuak!” Elisha-e lan: “Nange ile changkya ngün ang kopüi ikoxlechu nange ikha angkya süt funta sax ang münkopüi.”

2 WANGHOMBU 7:19

ija nguakax-wangkhoe: “Jowanpae thokle-thokle tsaxjun adütle changkoxle ngaxchu ile otuechu münchangüi”, le lankya. Ipongma Elisha-e chix kax to lan: “Nange ija ile changkya ngün ang kopüi, ikoxlechu nange ikha angkya chemchu sax ang münkopüi.”

HAGAI 2:19

Saxziak ota chemchu chitox, üntoxle grepzu, fupsa pün, pomegrenetbu, ilaxle olip pün, ibu athax kople chemchu malai, ikoxlechu athax makhange kue hünzom to mohimanüi.”

NEHEMIA 13:5

Chixe Tobiah ang nui chongkya tuita ojongma saxziak tö hia ongam müikya tö ibu, Zangshwom-Hom ma laxkya tuinabu, nguapabu ang koxkya töbu, ilaxle saxziak bünfong, grepti-ju bünfong, ilaxle Liwi hwom, Zangshwom-Hom tsaipabu, ilaxle Zangshwom-Hom nyetmixbu, ibu ang koxkya olip münga, ibu thomkya nui kox.

NEHEMIA 12:47

Zerubbabel din ma tamchu Nehemia din ma, Israel khünaknu noknusae wüi Zangshwom-Hom tsaipabu hia Zangshwom-Hom nyetmixbu to fong angkya hanpakma hinghobu koxle hüi. Khünaknue Liwi hwom ang otsao töbu koxle hüi, ilaxle Liwi hwome zom-mwot ma lax angkyakya nguapabu ang koxle hüi.

PONGWANG LAIPEX 7:11

Chemtue Noa zangpua 600 changkya hex, lyetkua anyi angkya nyixbün-anüt lükya to haxmong tokya ti chaxwan tok to fuakle lai, ilaxle zangding tokya thokjao-thokle zangwat,

HWON-NWOT-JAONO 11:3

Pün a tüta chito wüi nguakkoxlax, ija a nguakkya khama tinthui le ngoüi. Chemtue zangfwom awangle tüiüihex zangwatle.

1 PUKAX-PANGAO 26:20

Hwom füikya hozui Liwi hwom a Zangshwom-Hom tuinabu hia pungbu, ojongkha ma Zang ang atsaole koxkya hingho tuinabu tüipuix, ibu to humele chang angkya mwot kox.

LIWI 26:3

“Hünzom ku wanlom ningle jangngo ilaxle ku kaxtombu kax ma laxle jangtüi,

TSAITONG-KAXTONG 12:6

Ikhama hünzom zokle ashunkya hünzom töbu tamchu mama töbu chuwüi koxüi, ibu a hünzom bünfong hia hünzom töbu, chempang hingho hünzom Jowanpa ang koxüile tsaolaxpuix, küntsu-monglua to koxkya töbu tamchu hünzom osu-maihu hia chunbu khama owangpa ma puxkyabu, ibibi.

TSAITONG-KAXTONG 14:22

“Bünfong süile danlax: ija a zanglao to hünzom haxtok ma puamün wünkya pangwüi kha angkya changüi.

TSAITONG-KAXTONG 14:29

Ija süt a Liwi hwom hanpak ang changüi, büthüikoxle hwom ang ma tingtok hexle chemchu müntüi ilaxle püntüi, zasa-khaxsa tamchu thanu hia zomnu chabu, opang hünzom tingnu ma ngole tüipuix, hwom hanpak angchu changpu. Hwom nguilaxle mae laxsese kop angkya changle. Hünzome ile moklax, ikoxle Jowanpa hünzom Zang-e hünzome amokmok pangwüi mohimanle changüi.

MÜNCHUAK-TSAI 78:23

Ikoxlechu chixe ding angkya zangkho füi akax ilaxle ija okadaple chang angkya kaxkox;

EZEKEL 34:26

“Kue hwom to mohimanüi ilaxle ku otsao haxnu akhople ngo ang tomüi. Ikhato hwome ti lom pongma ti koxle kue hwom to mohimanüi.

EZEKEL 44:30

Puamün wünkya hia ku ang koxkya oli pangnu amüimüi a nguapabue kopüi. Khünaknue an atsankya dang to, pongwang ma atsankya an a tö tuita ningle hwome nguapabu ang kox angkya changpu, ilaxle ku mohiman a hwom homkha ma ngoüi.

HOSIA 2:21

Ipongma kue ku khünaknu Israel nok zangjop to lanüi. Kue chaxwan tok to zangwat ang tomüi, ilaxle chaxwane saxziak hia grep ziak ilaxle olip, ibu puamün ang tomüi.

JOEL 2:19

Chixe hwom zangjop to lan: “Athax kue hünzom ang saxziak hia grep-ti tamchu olip münga koxüi, ilaxle hünzom a wokfwot-tilan müile ngoüi. Athax mixnoke hünzom to chemtuechu thajao-wünhaile münchangüi.

JOEL 2:24

Athaxpi tap a saxziake awangle changüi; Grep hia olip fyetnui a grep-ti hia olip müngae awangle tüiüi.

PONGWANG LAIPEX 28:22

Athax kue münwan ang oja long ajongle toxpuix, ikha a nang to shwom-to le chang angkya nui-ting ang changüi, ilaxle nange ku ang koxkya kha angkya kue bün ma othom tuita nang ang koxüi.”